Published:Updated:

வேதாந்தா டீலிஸ்ட்... என்ன சிக்கல்..? - முதலீட்டாளர்களுக்கு பாதிப்பு ஏற்படுமா?

வேதாந்தா 
டீலிஸ்ட்
பிரீமியம் ஸ்டோரி
News
வேதாந்தா டீலிஸ்ட்

2012 முதல் 327 நிறுவனங்கள் டீலிஸ்ட் ஆகியுள்ளன. இதில் 90 நிறுவனங்கள் தானாக முன்வந்துள்ளன!

‘வேதாந்தா டீலிஸ்ட் செய்வதில் சிக்கல்’ என்ற செய்தியைப் படித்துவிட்டு சிறு முதலீட்டாளர்கள் குழம்பிப் போயிருக் கிறார்கள். எத்தனையோ நிறுவனங்கள் டீலிஸ்ட் செய்கிறபோது இந்த நிறுவனம் மட்டும் டீலிஸ்ட் செய்வதில் ஏன் சிக்கல் எனக் கேட்கிறார்கள்.

பொதுவாக, சிறு சிறு நிறுவனங்கள் பங்குச் சந்தையைவிட்டு வெளியேறுவது எளிது. ஆனால், பெரிய நிறுவனங்கள் பங்குச் சந்தையிலிருந்து வெளியேறுவது அரிதாக நடக்கும் நிகழ்வு. வேதாந்தா நிறுவனம் இப்போது டீலிஸ்ட் செய்வதில் என்ன சிக்கல்?

வேதாந்தா டீலிஸ்ட்... என்ன சிக்கல்..? - முதலீட்டாளர்களுக்கு பாதிப்பு ஏற்படுமா?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

டீலிஸ்ட் என்றால்..?

பங்குச் சந்தையில் பட்டியலிடப்பட்டு வர்த்தகமாகிவரும் பங்குகளை முதலீட்டாளர்களிடமிருந்து நிறுவனம் வாங்கி, வர்த்தகத்திலிருந்து நீக்குவது டீலிஸ்ட் ஆகும். பைபேக் என்பதும் முதலீட்டாளர்களிடமிருந்து பங்குகளைத் திரும்ப வாங்குவதுதான். ஆனால், பைபேக் என்பது நிறுவனத்தின் பங்குகள், குறைந்த விலையில் வர்த்தகமாகி வருகிறது என நினைக்கும் நிர்வாகம் சந்தையிலிருந்து கணிசமான பங்குகளைத் திரும்ப வாங்கும். ஆனால், சந்தையில் வர்த்தகமாகும் அனைத்துப் பங்குகளையும் திரும்ப வாங்குவது டீலிஸ்ட்.

2012-ம் ஆண்டு முதல் இதுவரை 327 நிறுவனங்கள் டீலிஸ்ட் (என்.எஸ்.இ) செய்யப்பட்டிருக்கின்றன. இதில் 90 நிறுவனங்கள் மட்டுமே தாமாக முன்வந்து டீலிஸ்ட் செய்தவை. மற்ற அனைத்தும் பங்குச் சந்தை அமைப்புகளால் கட்டாயமாக டீலிஸ்ட் செய்யப்பட்டவை.

வேதாந்தா நிறுவனம் தாமாக முன்வந்து பங்குகளை டீலிஸ்ட் செய்வதால், பங்குகளைத் திரும்பக் கொடுக்க முதலீட்டாளர்களுக்கு ஒரு வாய்ப்பு தரப்படுகிறது. ஆனால், விதிமுறை களைப் பின்பற்றாத நிறுவனங்களை பங்குச் சந்தை அமைப்புகள் டீலிஸ்ட் செய்யுமாறு உத்தரவிடும். அப்போது முதலீட்டாளர்களுக்கு எந்தவிதமான வாய்ப்பும் தரப்படாது. பங்குகளைத் தந்துவிட்டு அவர்கள் வெளியேற வேண்டியதுதான்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

90% பங்குகள் திரும்பக் கொடுக்க..!

வேதாந்தா நிறுவனம் தாமாக முன்வந்து டீலிஸ்ட் செய்ய முடிவெடுத்திருப்பதால், முதலீட்டாளர்களுக்கு ஒரு வாய்ப்பு தரப் படுகிறது. ஐ.பி.ஓ வெளியாகும்போது முதலீட்டாளர்களிடமிருந்து 90% அளவுக்கு விண்ணப்பங்கள் வந்திருக்க வேண்டும். அதேபோல, டீலிஸ்ட் செய்யும்போதும் ஒட்டுமொத்த பங்கில் 90% பங்குகள் நிறுவனத்தின் வசம் திருப்பிக் கொடுக்க முதலீட்டாளர்கள் ஒப்புக்கொள்ள வேண்டும். அதாவது, 90% பங்குகள் நிறுவனத்தின் வசம் இருக்க வேண்டும். அப்போதுதான் டீலிஸ்ட் ஏற்றுக்கொள்ளப்படும்.

வேதாந்தா டீலிஸ்ட்... என்ன சிக்கல்..? - முதலீட்டாளர்களுக்கு பாதிப்பு ஏற்படுமா?

முதலீட்டாளர்கள் ஏற்றுக்கொள்ளவில்லை என்பதால், வேதாந்தா பங்கு தொடர்ந்து வர்த்தகமாக வேண்டும் என முதலீட்டாளர்கள் நினைக்கிறார்களா..? அப்படிப் புரிந்துகொள்ளத் தேவையில்லை. வேதாந்தா கொடுப்பதாக கூறிய தொகையை முதலீட்டாளர்கள் ஏற்றுக் கொள்ளவில்லை. அதனால்தான் இந்த டீலிஸ்ட் தோல்வியடைந்தது.

134 கோடி பங்குகள்..!

கடந்த அக்டோபர் 5-ம் தேதி முதல் அக்டோபர் 9-ம் தேதி வரை முதலீட்டாளர்கள் வேதாந்தா பங்குகளைத் திரும்பக் கொடுக்கலாம் என அந்த நிறுவனம் அறிவித்திருந்தது. மொத்தம் 90% பங்குகள் நிறுவனத்தின் வசம் இருந்தால்தான் இந்த டீலிஸ்ட் ஏற்றுக் கொள்ளப்படும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இதற்கு முதலீட்டாளர்கள் வசம் இருக்கும் 134 கோடி பங்குகள் வேதாந்தா நிறுவனத்திடம் தர சம்மதிக்க வேண்டும். இதற்கான அடிப்படை விலையான ஒரு பங்குக்கு 87.25 ரூபாய் என நிறுவனம் நிர்ணயம் செய்திருந்தது. இறுதி நாளான அக்டோபர் 9-ம் தேதி தொழில்நுட்பக் கோளாறு ஏற்பட்டது. சிறு முதலீட்டாளர்கள் தங்களுடைய பங்குகளைத் திரும்ப வழங்குவது தொடர்பாக விண்ணப்பிக்க முடியவில்லை. அதனால் சில மணி நேரம் வரை கால அவகாசம் நீட்டிக்கப்பட்டது. இருந்தும் 125 கோடி பங்குகளை மட்டுமே முதலீட்டாளர்கள் நிறுவனத்திடம் வழங்க சம்மதம் தெரிவித்திருக்கிறார்கள். இதனால் இந்த டீலிஸ்ட் தோல்வியடைந்தது.

வேதாந்தா டீலிஸ்ட்... என்ன சிக்கல்..? - முதலீட்டாளர்களுக்கு பாதிப்பு ஏற்படுமா?

எல்.ஐ.சி காரணமா?

இதற்கு முக்கியமான காரணம், எல்.ஐ.சி என்று சொல்லப்படுகிறது. எல்.ஐ.சி வசம் 24 கோடி பங்குகள் (6.3%) உள்ளன. ஒரு பங்குக்கு ரூ.320 என்பதுதான் சரியான விலை என எல்.ஐ.சி நிறுவனம் தெரிவித்திருக்கிறது. தற்போது அறிவிக்கப்பட்டிருக்கும் விலை என்பது சரியான விலை அல்ல எனப் பல வல்லுநர்களும் தெரிவித்திருக்கின்றனர்.

அடுத்து என்ன நடக்கும்?

வேதாந்த நிறுவனம் அடுத்த சில நாள்களுக்குள் (அக்டோபர் 13-ம் தேதி) மாற்றி யமைக்கப்பட்ட விலையை அறிவித்து புதிய ஆஃபர் வெளியிடும். அந்த விலையை 90% முதலீட்டாளர்கள் ஏற்றுக்கொண்டால் டீலிஸ்ட் செய்யப்படும். முதலீட்டாளர்களுக்கு 10 நாள்களுக்குள் பணம் வழங்கப்படும்.

100% பங்கும் நிறுவனத்துக்குச் சென்றால் டீலிஸ்ட் செய்வதில் எந்தச் சிக்கலும் இருக்காது. மீண்டும் யாராவது வெளியேற மறந்தாலோ மறுத்தாலோ, ஓராண்டு வரை காத்திருக்கத்தான் வேண்டும்!