Published:Updated:

நான்காம் காலாண்டு முடிவுகள்! - சில முக்கிய கம்பெனிகள்!

காலாண்டு முடிவுகள்
பிரீமியம் ஸ்டோரி
News
காலாண்டு முடிவுகள்

முழு நிதியாண்டில் சன் பார்மாவின் நிகர லாபம் 41.3% அதிகரித்து ரூ. 3,764.93 கோடியாக இருக்கிறது

ங்குச் சந்தையில் பட்டியலிடப்பட்டிருக்கும் நிறுவனங்களின் நான்காம் காலாண்டு முடிவுகள் தற்போது வெளியாகிவருகின்றன. சில முக்கிய நிறுவனங்களின் முடிவுகளை இங்கே பார்ப்போம்.

சன் பார்மா (Sun Pharma)

இந்த நிறுவனத்தின் ஒருங்கிணைந்த வருமானம் நான்காம் காலாண்டில் 14.3% அதிகரித்து ரூ.8,149.9 கோடியாக இருக்கிறது.

பங்குச் சந்தை
பங்குச் சந்தை

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஒருங்கிணைந்த லாபம் 37.1% குறைந்து 399.8 கோடி ரூபாயாக இருக்கிறது. இந்த நிறுவனத்தின் இதர வருமானம் 102.23 கோடி ரூபாயாகக் குறைந்திருக்கிறது. இது கடந்த ஆண்டின் இதே காலாண்டில் 281.53 கோடி ரூபாயாக இருந்தது. எபிட்டா 34% அதிகரித்து 1,363 கோடி ரூபாயாக இருக்கிறது.

முழு நிதியாண்டில் சன் பார்மாவின் நிகர லாபம் 41.3% அதிகரித்து ரூ. 3,764.93 கோடியாக இருக்கிறது. வருமானம் 13% உயர்ந்து ரூ.32,837.5 கோடியாக இருக்கிறது.

நான்காம் காலாண்டு முடிவுகள்! - சில முக்கிய கம்பெனிகள்!

ஃபர்ஸ்ட்சோர்ஸ் (Firstsource)

பி.பி.ஓ நிறுவனங்களில் ஒன்றான ஃபர்ஸ்ட்சோர்ஸ் சொல்யூஷன்ஸ் நிறுவனத்தின் நிகர லாபம் மார்ச் காலாண்டில் 6.8% குறைந்து 91.5 கோடி ரூபாயாக இருக்கிறது. நிறுவனத்தின் செயல்பாட்டு லாபம் 10.6% அதிகரித்து 1,067.2 கோடி ரூபாயாக உள்ளது. இது இதற்கு முந்தைய ஆண்டின் இதே காலாண்டில் 964.20 கோடி ரூபாயாக இருந்தது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

டாரன்ட் பார்மா (Torrent Pharma)

இந்த நிறுவனத்தின் ஒருங்கிணைந்த நிகர விற்பனை நான்காம் காலாண்டில் 4.85% அதிகரித்து 1,946 கோடி ரூபாயாக உள்ளது. இது கடந்த ஆண்டின் இதே காலகட்டத்தில் 1,856 கோடி ரூபாயாக இருந்தது. நிகர லாபம் 306.58% அதிகரித்து 314 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 152 கோடி ரூபாயாக இருந்தது.

எபிட்டா 14.9% அதிகரித்து 563 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 490 கோடி ரூபாயாக இருந்தது. இந்தப் பங்கின் இ.பி.எஸ் 8.95 ரூபாயிலிருந்து 18.56 ரூபாயாக அதிகரித்துள்ளது.

நான்காம் காலாண்டு முடிவுகள்! - சில முக்கிய கம்பெனிகள்!

மேக்ஸ் ஃபைனான்ஷியல் (Max Financial)

கடந்த 2020, மார்ச் காலாண்டில் இந்த நிறுவனத்தின் நிகர விற்பனை 40.15% குறைந்து 4,264.02 கோடி ரூபாயாக உள்ளது. இது கடந்த ஆண்டின் இதே காலகட்டத்தில் 7,124.47 கோடி ரூபாயாக இருந்தது. நிகர இழப்பு 127.55% குறைந்து 36.09 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 130.99 கோடி ரூபாயாக இருந்தது.

எபிட்டா 31.08% குறைந்து 139.07 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 201.78 கோடி ரூபாயாக இருந்தது. இந்தப் பங்கின் இ.பி.எஸ் 4.88 ரூபாயிலிருந்து 1.34 ரூபாயாகக் குறைந்துள்ளது.

தீபக் நைட்ரைட் (Deepak Nitrite)

கடந்த 2020, மார்ச் காலாண்டு முடிவின்படி இந்த நிறுவனத்தின் நிகர லாபம் 88% அதிகரித்து 172.3 கோடி ரூபாயாக இருக்கிறது. கடந்த ஆண்டின் இதே காலகட்டத்தில் 91.46 கோடி ரூபாயாக இருந்தது. நிறுவனத்தின் மொத்த வருமானம் 1,057.74 கோடி ரூபாயாக அதிகரித்துள்ளது. இது கடந்த ஆண்டின் இதே காலகட்டத்தில் 1,016.63 கோடி ரூபாயாக இருந்தது.

நான்காம் காலாண்டு முடிவுகள்! - சில முக்கிய கம்பெனிகள்!

டாடா இன்வெஸ்ட்மென்ட் கார்ப்பரேஷன் (Tata Investment Corporation)

இந்த நிறுவனத்தின் நிகர இழப்பு மார்ச் காலாண்டில் 36.75 கோடி ரூபாயாக இருக்கிறது. முந்தைய ஆண்டின் இதே காலகட்டத்தில் இந்த நிறுவனம் ரூ.15.87 கோடி நிகர லாபம் ஈட்டியிருந்தது.

அதேபோல நிறுவனத்தின் வருமானமும் 21.41 கோடி ரூபாயாகக் குறைந்திருக்கிறது. இது இதற்கு முந்தைய ஆண்டின் இதே காலாண்டில் 24.59 கோடி ரூபாயாக இருந்தது.

இந்த நிறுவனத்தின் நிகர லாபம் மார்ச்- உடன் முடிந்த நிதியாண்டில் 90.09 கோடியாகக் குறைந்திருக்கிறது. இது கடந்த ஆண்டின் இதே காலகட்டத்தில் 133.82 கோடி ரூபாயாக இருந்தது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

டாபர் இந்தியா (Dabur India)

கடந்த 2020, மார்ச் காலாண்டில், இந்த நிறுவனத்தின் ஒருங்கிணைந்த நிகர லாபம் 24% குறைந்து 281.60 கோடி ரூபாயாக இருக்கிறது. இது கடந்த ஆண்டின் இதே காலாண்டில் 371.49 கோடி ரூபாயாக இருந்தது.

நிறுவனத்தின் வருமானம் 1,865.40 கோடி ரூபாயாக இருக்கிறது. எபிட்டா 18.9% குறைந்து 352.3 கோடி ரூபாயாக இருக்கிறது.

நான்காம் காலாண்டு முடிவுகள்! - சில முக்கிய கம்பெனிகள்!

பாலிப்ளெக்ஸ் கார்ப்பரேஷன் (Polyplex Corp)

2020, மார்ச் காலாண்டில், இந்த நிறுவனத்தின் நிகர விற்பனை 2.43% அதிகரித்து 1,189.91 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 1,161.69 கோடி ரூபாயாக இருந்தது. நிகர லாபம் 77.46% குறைந்து 22.97 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 101.90 கோடி ரூபாயாக இருந்தது.

பங்குச் சந்தை
பங்குச் சந்தை

எபிட்டா 57.02% குறைந்து 105.14 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 244.65 கோடி ரூபாயாக இருந்தது. இந்த நிறுவனப் பங்கின் இ.பி.எஸ் 31.86 ரூபாயிலிருந்து 7.18 ரூபாயாகக் குறைந்திருக்கிறது.

வி.ஐ.பி இண்டஸ்ட்ரீஸ் (VIP Industries)

2020, மார்ச் காலாண்டில் இந்த நிறுவனத்தின் நிகர விற்பனை 28.42% குறைந்து 311.34 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 434.98 கோடி ரூபாயாக இருந்தது.

நிகர லாபம் 62.34% குறைந்து 9.52 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 25.28 கோடி ரூபாயாக இருந்தது.

எபிட்டா 10.01% குறைந்து 37.38 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 41.54 கோடி ரூபாயாக இருந்தது.

இந்த நிறுவனப் பங்கின் இ.பி.எஸ் 1.76 ரூபாயிலிருந்து 67 பைசாவாகக் குறைந்துள்ளது.

நான்காம் காலாண்டு முடிவுகள்! - சில முக்கிய கம்பெனிகள்!

கொரமண்டல் இன்டர்நேஷனல் (Coromandel International)

மார்ச் காலாண்டில் இந்த நிறுவனத்தின் நிகர விற்பனை 8.75% அதிகரித்து 2,869.32 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 2,638.34 கோடி ரூபாயாக இருந்தது.

நிகர லாபம் 112.18% அதிகரித்து 234.20 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 110.38 கோடி ரூபாயாக இருந்தது. எபிட்டா 50.3% அதிகரித்து 402.21 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 267.60 கோடி ரூபாயாக இருந்தது. இந்த நிறுவனப் பங்கின் இ.பி.எஸ் 3.78 ரூபாயிலிருந்து அதிகரித்து 8 ரூபாயாக இருக்கிறது.