Published:Updated:

நிதி அமைச்சரின் புதிய அறிவிப்புகள்... இந்தியப் பங்குச் சந்தை எப்போது ஏற்றம் காணும்?

பங்குச் சந்தை
பிரீமியம் ஸ்டோரி
News
பங்குச் சந்தை

பங்குச் சந்தை

வெளிநாட்டு போர்ட்ஃபோலியோ முதலீட்டாளர்களுக்கு (FPI) மத்திய பட்ஜெட்டில் கூடுதல் வரி விதிக்கப்பட்டது. இதனால், வெளிநாட்டு முதலீட்டாளர்கள் இந்தியப் பங்குச் சந்தையிலிருந்து முதலீட்டைத் தொடர்ந்து வெளியே எடுக்க ஆரம்பித்தனர். கடந்த ஜூலையில் ரூ.12,400 கோடியும், ஆகஸ்ட்டில் ரூ.12,105 கோடியும் இந்தியப் பங்குச் சந்தையிலிருந்து வெளியே எடுத்திருக்கிறார்கள். இந்தக் காரணத்தால், பட்ஜெட்டுக்குப்பிறகு நிஃப்டி 50 இண்டெக்ஸ் சுமார் 10% இறக்கம் கண்டுள்ளது.

இந்த நிலையில், வெளிநாட்டு முதலீட்டாளர்களுக்கு விதிக்கப்பட்ட வரியை நீக்குவதாக நிதி அமைச்சர் நிர்மலா சீதாராமன் ஆகஸ்ட் 23-ம் தேதியன்று அறிவித்தார். இந்த அறிவிப்பால், கடந்த திங்கள்கிழமை முதல் இந்தியப் பங்குச் சந்தை ஏற்றம் காணும் என எதிர்பார்க்கப்பட்டது. ஆனால், சனிக்கிழமை சீனாவின் தயாரிப்புகள்மீது வரி விதிப்பது தீவிரமாக்கப்படும் என அமெரிக்கா அறிவித்ததை அடுத்து பங்குச் சந்தை ஏற்றம் காண்பதற்குப் பதில், தங்கத்தின் விலை ஏற்றம் காணத் தொடங்கியது.

இதற்கிடையில் திங்கள்கிழமை, பாரத ரிசர்வ் வங்கி ரூ.1.76 லட்சம் கோடியை மத்திய அரசுக்கு அளிப்பதாக அறிவித்தது. இதுவும் பங்குச் சந்தைக்குச் சாதகமாக இருக்கும் என எதிர்பார்க்கப் பட்டது. இப்படி ஆர்.பி.ஐ செய்வதன்மூலம் சர்வதேச தரக்குறியீட்டு நிறுவனங்களால், இந்தியாவின் தரக்குறியீடு குறைக்கப்படும் சூழ்நிலை உருவாகும் என்கிற காரணத்தால் சந்தை மேலும் இறக்கம் காண ஆரம்பித்தது.

நடப்பு 2019 பிப்ரவரி முதல் மே வரையிலான நான்கு மாதங்களில் ரூ.80,315 கோடி மதிப்புள்ள பங்குகளை வாங்கியிருக்கிறார்கள். இந்த முதலீட்டை அவர்கள், நரேந்திர மோடி மீண்டும் ஆட்சிக்கு வருவார் என்ற எதிர்பார்ப்பினாலும், பட்ஜெட்டில் தொழில் துறைகளுக்கு சலுகைகள் அறிவிக்கப்படும் என்ற எதிர்பார்ப்பினாலும் மேற்கொண்டார்கள்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
நிதி அமைச்சரின் புதிய அறிவிப்புகள்... இந்தியப் பங்குச் சந்தை  எப்போது ஏற்றம் காணும்?

ஆனால், பட்ஜெட் அறிவிப்புகள் பங்குச் சந்தைக்கு அதிக சாதகமாக இல்லை என்பதால் வெளிநாட்டினர் முதலீட்டை வெளியே எடுக்க ஆரம்பித்திருக்கிறார்கள். அதேசமயம், அமெரிக்காவில் வட்டிவிகித மாற்றம், அமெரிக்கா - சீனா இடையேயான பொருளாதாரப் போர் போன்றவையும் பங்குச் சந்தையைப் பாதிக்கும் அம்சங்களாக மாறின.

இந்தியப் பங்குச் சந்தைகளிலிருந்து மட்டும், வெளிநாட்டு முதலீட்டாளர்கள் பணத்தை வெளியே எடுக்கவில்லை. கடந்த ஒரு மாதக் காலத்தில் பிரேசில் (260 கோடி டாலர்), தைவான் (250 கோடி டாலர்), தென்கொரியா (190 கோடி டாலர்), தாய்லாந்து (160 கோடி டாலர்) ஆகிய நாடுகளின் பங்குச் சந்தைகளிலிருந்து அவர்கள் முதலீட்டை வெளியே எடுத்திருக்கிறார்கள். இந்தக் காலகட்டத்தில் இந்தியாவிலிருந்து சுமார் 150 கோடி டாலர்தான் வெளியேறியிருக்கிறது.

ஜி.எஸ்.டி வரிக் குறைப்பு, தேவை அதிகரித்து விற்பனை உயர்வு, நிறுவனங்களின் வருவாய் அதிகரிப்பு போன்ற மூன்று விஷயங்கள் நடக்கும் பட்சத்தில் பட்டியலிடப்பட்ட பங்குகளின் விலை அதிகரிக்கும். இவை நிறைவேற எப்படியும் குறைந்தது ஓராண்டுக் காலமாகும். அதுவரைக்கும் இந்தியப் பங்குச் சந்தை அதிக ஏற்ற இறக்கத்தில் இருக்கும். வெளிநாட்டு நிறுவனங்களின் முதலீடும் கணிசமாக அதிகரிக்காது என்கிறார்கள் பகுப்பாய்வாளர்கள்.