Published:Updated:

ஜி.என்.ஏ ஆக்சில்ஸ் லிமிடெட்! - அறிவோம் பங்கு நிறுவனம்..!

ஜி.என்.ஏ ஆக்சில்ஸ்
பிரீமியம் ஸ்டோரி
News
ஜி.என்.ஏ ஆக்சில்ஸ்

K N O W Y O U R C O M P A N Y - (NSE SYMBOL: GNA, BSE CODE: 540124)

ஜி.என்.ஏ ஆக்சில்ஸ் லிமிடெட் நிறுவனம் இலகுரக கமர்ஷியல் வாகனங்கள் (LCVs), மத்திம ரக கமர்ஷியல் வாகனங்கள் (MCVs), ஹெவி கமர்ஷியல் வாகனங்கள் (HCVs), பஸ்கள், ஆஃப் ஹைவேயில் பயன் படுத்தப்படும் ஏனைய போக்குவரத்து வாகனங்கள் போன்றவற்றில் பயன்படுத்தப்படும் சிலவகை ஷாஃப்டுகள் (Splined Shafts), ரியர் ஆக்சில் ஷாஃப்டுகள் மற்றும் ஸ்பிண்டில்களை (Spindle) உற்பத்தி செய்து விற்பனை செய்துவரும் நிறுவனமாகும்.

நிறுவனத்தின் தொழில்...

ஜி.என்.ஏ ஆக்சில்ஸ் நிறுவனம் 1.5 கிலோ கிராம் முதல் 65 கிலோ கிராம் வரையிலான பல்வேறு விதமான ஆக்சில் ஷாஃப்ட்டுகளை உற்பத்தி செய்யும் வசதியையும், 165 கிலோ கிராம் வரையிலான ஆக்சில்களை உற்பத்தி செய்யும் நிர்மாணித்த வசதியையும் கொண்டிருக்கிறது. உலகளவில் உள்ள நிறுவனங்களின் தேவைக்கிணங்க பல்வேறு விதமான ஆக்சில் ஷாஃப்ட்டுகளை உற்பத்தி செய்துதரும் நீண்ட அனுபவத்தை இந்த நிறுவனம் கொண்டிருப்பதால், ரியர் ஆக்சில் ஷாஃப்ட்டுகளை வடிவமைத்து உற்பத்தி செய்து தருவதில் முன்னணியில் இருக்கிறது இந்த நிறுவனம்.

உயர்ந்த தரம் மற்றும் நீண்ட ஆயுட்காலம் என்ற இரண்டையும் உள்ளடக்கிய தயாரிப்புகளைக் குறைந்த பொருள் செலவில் உற்பத்தி செய்து தருவதே எங்களுடைய தனிச் சிறப்பு என்று சொல்கிறது இந்த நிறுவனம். வாடிக்கையாளர்களின் தேவைக்கு இணங்க தயாரிப்புகளை செய்வதில் மூலப்பொருள்கள் தேர்வு செய்வதில் ஆரம்பித்து உற்பத்தி படிநிலைகளை வடிவமைப்பது வரையிலான பல்வேறு விஷயங் களுக்குத் தேவையான ஆராய்ச்சி களையும் இந்த நிறுவனம் தொடர்ந்து செய்துவருவது தனிச்சிறப்பாகும்.

ஜி.என்.ஏ ஆக்சில்ஸ்
ஜி.என்.ஏ ஆக்சில்ஸ்

நிறுவனத்தின் வரலாறு...

1993-ம் ஆண்டு பதிவு செய்யப்பட்ட இந்த நிறுவனம் 1994-ம் ஆண்டில் தொழில் தொடங்குவதற்கான அனுமதியைப் பெற்றது. 1995-ம் ஆண்டில் மஹிந்திரா & மஹிந்திரா போன்ற நிறுவனங்களுக்குத் தேவையான முழுமையாக வடிவமைக்கப்பட்ட ஆக்சில் ஷாஃப்ட்டுகளை (OEM) உற்பத்தி செய்து தர ஆரம்பித்தது.

2002-2003-ம் ஆண்டில் அமெரிக்கா மற்றும் ஐரோப்பிய நாடுகளுக்குத் தன்னுடைய தயாரிப்புகளை ஏற்றுமதி செய்ய ஆரம்பித்தது இந்த நிறுவனம். 2004-ம் ஆண்டில் புதிய ஹீட் ட்ரீட்மென்ட் வசதியுடன்கூடிய 13 அங்குல அளவு அப்செட்டரை நிர்மாணித்த இந்த நிறுவனம், 2007-ம் ஆண்டில் தன்னுடைய யூனிட்-1 உற்பத்தி வசதிக்கு 66 கிலோவாட் அளவிலான தனிப்பட்ட மின்சார சப்ளைக்கான லைனை நிர்மாணித்தது. 2008-ம் ஆண்டில் வண்டிகளின் பின்சக்க ரத்தில் பயன்படுத்தப்படும் ஆக்சில் ஷாஃப்ட்டுகளை உற்பத்தி செய்வதற் கான தானியங்கி ரோபோட்களு டனுனான போர்ஜிங் மற்றும் டைரக்ட் டிரைவ் ஸ்க்ரூப்ரஸ் எனும் நவீன தொழில்நுட்பத்தில் முதலீடு செய்தது இந்த நிறுவனம்.

பின்னர் 2009-ம் ஆண்டில் ஸ்பிண்டில்கள் ஏற்றுமதி செய்ய ஆரம்பித்தது. 2012-ம் ஆண்டில் கமர்ஷியல் வாகனங்களுக்கான ஆக்சில் ஷாப்ட்டுகள் மற்றும் ஸ்பிண்டில்கள் மெஷினிங் செய் வதற்கான் வசதியுடன்கூடிய இரண்டாவது உற்பத்தி வசதியை நிர்மாணித்தது. 2013-ம் ஆண்டில் ரோபோட்டுகளின் உதவியுடன் இயங்கும் லாஸ்கோ எக்ஸ்ட்ரூஷன் பிரஸ் மற்றும் மின்சாரத்தாலான ஹீட் ட்ரீட்மென்ட் பர்னஸ்களை இரண்டாவது யூனிட்டில் நிறுவியது. அதே ஆண்டில் யூனிட் 1-ல் ரோபோட்டுகளின் உதவியுடன் இயங்கும் ஹெவி ஆக்சில் ஷாஃப்ட் போர்ஜிங் டைரக்ட் டிரைவ் ஸ்க்ரூ பிரஸ்ஸை நிறுவியது.

2015-ம் ஆண்டில் தன்னுடைய யூனிட்-2 உற்பத்தி வசதிக்கு 66 கிலோவாட் அளவிலான தனிப்பட்ட மின்சார சப்ளைக்கான லைனை நிர்மாணித்தது. 2016-ம் ஆண்டில் பங்குகளை வெளியிட்டு மும்பை மற்றும் தேசிய பங்குச் சந்தையில் பட்டியலிடப்பட்டது இந்த நிறுவனம். 2017-ம் ஆண்டில் எஸ்யூவிக்களுக்கான ஆக்சில்களை மெஷினிங் செய்யும் வசதியை உருவாக்குவதற்கான பூர்வாங்கப் பணிகளைச் செய்ய ஆரம்பித்தது. 2018-ம் ஆண்டில் ஆஃப் ஹைவே வாகனங்களுக்கான ஆக்சில் ஷாஃப்ட்டுகளைய்ஜ் தயாரிப்பதற்கான மெஷின் ஷாப்பை நிறுவியது இந்த நிறுவனம்.

உற்பத்தி வசதிகள்...

இந்த நிறுவனத்தின் உற்பத்தி வசதிகளைப் பொறுத்தவரை, தொடர்ந்து மாறிவரும் தொழில்நுட்பத்துக்கு ஏற்ற அளவிலான மாற்றங்களைத் தன்னுடைய உற்பத்தி மையங்களில் தொடர்ந்து அறிமுகப்படுத்திக்கொண்டு வருவதாகச் சொல்கிறது. உற்பத்தி செய்யும் பொருள் களை வடிவமைத்தல் மற்றும் உற்பத்தி செய்தல் என்ற இரண்டு விஷயங் களுக்கும் தேவைப்படுகிற அளவிலான போர்ஜிங், ஹீட் ட்ரீட்மென்ட், மெஷினிங், டெஸ்ட்டிங் போன்றவற்றுக்கான அதிநவீன தொழில் நுட்பத்துடன்கூடிய (பெரும் பாலும் தானியங்கும் ரீதியான) வசதிகளைக் கொண்டிருக்கிறது இந்த நிறுவனம்.

இந்த நிறுவனத்தின் உற்பத்தி வசதிகள் பஞ்சாப் மாநிலத்தில் உள்ள மெஹ்தியானா (ஹோஷி யார்பூர்) மற்றும் குலாப்கர் ஜாதன் (கபூர்தலா) என்ற இரண்டு இடங் களில் செயல்பட்டு வருகிறது. வாகனங்களுக்கான உதிரி பாகங்களை உற்பத்தி செய்து தருகிற துறையில் காலப்போக்கில் ஜி.என்.ஏ நிறுவனம் வாடிக்கை யாளர்கள் மத்தியில் ஒரு நம்பிக்கையான இடத்தையும், சிறப்பான சேவையையும் வழங்கி வருவதன் மூலம் வாகன உற்பத்தித் துறையில் செயல்படும் பெரு நிறுவனங்கள் பலவற்றையும் தன்னுடைய வாடிக்கையாளர் களாகக் கொண்டிருக்கிறது.

சார்ட்
சார்ட்

நிறுவனத்தின் சிறப்புகள்...

26 வருடத்துக்கும் மேலான அனுபவத்தைக் கொண்டிருக்கும் இந்த நிறுவனம், 2019-20-ம் நிதியாண்டில் 25.92 லட்சம் ரியர் ஆக்சில்களையும், 2.73 லட்சம் அளவிலான பல்வேறு விதமான ஷாப்ட்டுகளையும், 5.18 லட்சம் ஸ்பிண்டில்களையும் உற்பத்தி செய்துள்ளது. மார்ச் 31, 2020 நிலவரப்படி, இந்த நிறுவனத்தில் 1,272 பணியாளர்கள் பணி புரிந்துகொண்டிருக்கின்றனர். இந்த நிறுவனத்தின் தயாரிப்பு களுக்கு டானா லிமிடெட் (யு.எஸ்.ஏ, மெக்சிகோ மற்றும் ஆஸ்திரேலியா), ஜான் டீர் (பிரேசில் மற்றும் யு.எஸ்.ஏ), குபோட்டா கார்ப்பரேஷன் (ஜப்பான்), மெரிட்டர் (ஸ்வீடன், இத்தாலி, பிரேசில், யு.எஸ்.ஏ, சீனா மற்றும் ஆஸ்திரேலியா) மற்றும் இசட்.எஃப் (ஜெர்மனி மற்றும் யு.எஸ்.ஏ) உள்ளிட்ட பல நாடுகளில் உள்ள நிறுவனங்கள் வாடிக்கை நிறுவனங்களாக இருக்கின்றன.

இந்தியாவின் முன்னணி வாகன உற்பத்தியாளர்களான டாஃபே, இண்டர்நேஷனல் டிராக்டர்ஸ் லிமிடெட், எஸ்கார்ட்ஸ் லிமிடெட், ஜான் டீரி, ஆட்டோமோட்டிவ் ஆக்சில்ஸ் லிமிடெட், மஹிந்திரா & மஹிந்திரா லிமிடெட் உள்ளிட்ட பல நிறுவனங்கள் இந்த நிறுவனத்தின் வாடிக்கை நிறுவனங்களாக இருக்கின்றன.

ரிஸ்க்குகள் ஏதும் உண்டா?

இந்த நிறுவனம் உற்பத்தி செய்யும் பொருள்களின் வாடிக்கையாளர்கள் உற்பத்தி செய்யும் வாகனங்களின் விற்பனை வளர்ச்சி என்பது பொருளாதார மற்றும் சீதோஷ்ண நிலை/பருவமழை போன்றவற்றைச் சார்ந்தே நடக்கும் ஒன்றாகும். எனவே, ஏதாவது ஒரு காரணத்தால் பொருளாதாரம் எதிர்பார்த்த அளவு வளர்ச்சியைச் சந்திக்காதுபோனாலோ, தேக்க நிலையைச் சந்தித்தாலோ அது இந்த நிறுவனத்தின் செயல்பாட்டை ஓரளவு பாதிக்கவே செய்யும்.

அதேபோல், பருவமழை எதிர்பார்த்த அளவு இல்லாதுபோனாலும் இந்த நிறுவனத்தின் சில தயாரிப்பு பிரிவுகளின் செயல்பாட்டைப் பாதிக்கவே செய்யும் என்று எதிர்பார்க்கலாம். மூலப் பொருள்களின் விலை உயர்வு, அந்நியச் செலாவணி மதிப்பு மாறுதல், போட்டி யாளர்கள் கொண்டு வர வாய்ப்புள்ள புதிய தொழில் நுட்பங்கள் போன்றவையும் இந்த நிறுவனத்துக்கான ரிஸ்க்குகள் ஆகும்.

புள்ளிவிவரங்கள்
புள்ளிவிவரங்கள்

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளை பரிந்துரை செய்யும் பகுதி அல்ல. முதலீட்டாளர் களுக்கு பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம்.

பங்கு முதலீடுகள் சந்தை அபாயத்துக்கு உட்பட்டது என்பதால், எந்த ஒரு பங்கை வாங்குவதற்கு முன்னும் செபி பதிவு பெற்ற முதலீட்டு ஆலோசகர் ஒருவரை கலந்து ஆலோசித்து அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவு செய்த பின்னரே, நடவடிக்கைகளை நீங்கள் எடுக்க வேண்டும்!

பிட்ஸ்

2021-ம் ஆண்டு தகவல் தொழில்நுட்பத் துறையில் நம் நாடு செலவு செய்யும் தொகை 6.8% உயர்ந்து, 88 பில்லியன் டாலரை எட்டும் என கார்ட்னர் நிறுவனம் அறிக்கை வெளியிட்டு உள்ளது!

பிட்ஸ்

கோவிட்-19 ஊரடங்கு காலத்தில் நம் நாட்டில் முதல் 100 இடங்களில் உள்ள பணக்காரர் களின் சொத்து மதிப்பு ரூ.12,97,822 கோடி அதிகரித்து இருப்பதாக ஆக்ஸ்ஃபாம் நிறுவனம் சொல்லி இருக்கிறது!