Published:Updated:

புதிய பகுதி : ஸ்டேட் பேங்க் ஆஃப் இந்தியா - அறிவோம் பங்கு நிறுவனம்...!

(STOCK CODE - NSE: SBIN, BSE:500112)

பிரீமியம் ஸ்டோரி

KNOW YOUR COMPANY

பேங்க் ஆஃப் கல்கத்தா என்ற பெயரில் 1806-ம் ஆண்டில் ஆரம்பிக்கப்பட்டு, 1809-ல் பேங்க் ஆஃப் பெங்கால் என்று பெயர் மாற்றம் செய்யப்பட்டது. இதைத் தொடர்ந்து பேங்க் ஆஃப் பாம்பே (1840) மற்றும் பேங்க் ஆஃப் மெட்ராஸ் (1843) என்ற வங்கிகள் ஆரம்பிக்கப்பட்டன. பின்னர் 1921-ம் ஆண்டில் இம்பீரியல் பேங்க் ஆஃப் இந்தியா என்ற பெயரில் இந்த மூன்று வங்கிகளும் ஒருங்கிணைக்கப் பட்டன.

1951-ம் ஆண்டில் முதலாவது ஐந்தாண்டுத் திட்டம் கொண்டு வரப்பட்டபோது அகில இந்திய கிராமப்புறக் கடனுக்கான சர்வே குழு அமைக்கப்பட்டது. அதன் பரிந்துரை படி, 1955-ம் ஆண்டில் அரசுடன் தொடர்புடைய மற்றும் அரசின் பங்களிப்புள்ள வங்கிகள் ஒருங்கிணைக் கப்பட்டு, அரசு வங்கியாகச் செயல்பட நாடாளுமன்றத்தில் சட்டம் இயற்றப் பட்டது. இதன் அடிப்படையில் ஸ்டேட் பேங்க் ஆஃப் இந்தியா (SBI) உருவானது.

மும்பையைத் தலைமையகமாகக் கொண்டு செயல்படும் இந்த வங்கி, தனிநபர்கள், சிறிய, மத்திய மற்றும் குறும் அளவிலான நிறுவனங்கள், மிகப் பெரிய அளவிலான கார்ப்பரேட் நிறுவனங்கள், அரசாங்க நிறுவனங்கள் மற்றும் இன்ஸ்ட்டி டியூஷனல் வாடிக்கையாளர்களுக் கான சேவைகளை வழங்கிவருகிறது.

புதிய பகுதி : ஸ்டேட் பேங்க் ஆஃப் இந்தியா - அறிவோம் பங்கு நிறுவனம்...!

தனிநபர்களுக்கான ஒருங்கிணைக் கப்பட்ட வங்கிச் சேவைகள் பிரிவில் பல்வேறு வகையான கடன் வசதிகள், சம்பளக் கணக்கு வசதிகள், டிஜிட்டல் கடன் வசதிகள், அயல்நாடு வாழ் இந்தியக் குடிமகன்களுக்கான சேவைகள், வெல்த் மேனேஜ்மென்ட் உள்ளிட்ட பல சேவைகளை வழங்கி வருகிறது. கடந்த நிதியாண்டின் இறுதியில் 44.89 கோடி வாடிக்கை யாளர்களைக் கொண்டிருந்தது இந்த வங்கி.

கடந்த நிதியாண்டின் இறுதியில் 22,141 கிளைகளுடன் செயல்பட்டு வரும் இந்த வங்கி, இந்திய அளவில் டெபாசிட்டுகளில் 22.84% சந்தைப் பங்களிப்பையும், கடன் வழங்குவதில் 19.69% சந்தைப் பங்களிப்பையும் கொண்டிருந்தது. கடந்த நிதியாண்டின் இறுதியில் 2,49,448 பணியாளர்களுடன் இயங்கிவருகிறது இந்த வங்கி.

58,555 ஏ.டி.எம்.கள் மற்றும் ஆட்டோ மேட்டட் டெபாசிட் மற்றும் வித்ட்ராயல் மெஷின்களை (சி.டி.எம் மற்றும் ரிசைக்ளர்கள்) நிறுவியும், 61,102 பிசினஸ் கரஸ்பாண்டெட்ஸ்களுடனும் இயங்கி வரும் இந்த வங்கியின் டெபிட் கார்டுகள் மூலம் செலவிடப்படும் தொகையின் அளவு இந்தியாவின் மொத்தச் சந்தைப் பங்களிப்பில் 29.42% அளவில் இருப்பது ஒரு குறிப்பிடத்தகுந்த விஷயமாகும்.

கடந்த நிதியாண்டின் இறுதி நிலவரப் படி, 36 லட்சம் வாடிக்கையாளருக்கு வீட்டு வசதிக்கடன் தந்துள்ள இந்த வங்கியின் ஹோம் லோன் போர்ட்ஃபோலி யோவின் அளவு ரூ.4.56 லட்சம் கோடியாக இருக்கிறது.

புதிய பகுதி : ஸ்டேட் பேங்க் ஆஃப் இந்தியா - அறிவோம் பங்கு நிறுவனம்...!

சிறு மற்றும் மத்திம அளவிலான தொழில்களுக்கான (எஸ்.எம்.இ) சேவைகளை வழங்குவதில் முன்னணி வங்கியாகத் திகழும் இந்த வங்கி பல்வேறு நூதன சேவைகளை அவர்களுக்கு வழங்கி வருகிறது. கடந்த நிதியாண்டின் இறுதியில் ரூ.2,67,614 கோடி அளவிலான எஸ்.எம்.இ-க்களுக்கான கடனை வழங்கியுள்ளது இந்த வங்கி.

இந்த வங்கியின் இண்டர்நேஷனல் பேங்கிங் குரூப் இந்திய அரசுடமை யாக்கப்பட்ட வங்கிகளுக்கிடையே ஒரு முன்னணி இண்டர்நேஷனல் செயல் பாட்டைக் கொண்டதாக இருக்கிறது. 2019-20 நிதியாண்டின் இறுதி நிலவரப்படி, அகில அளவில் 233 அலுவலகங்களுடன் இயங்கிவருகிறது எஸ்.பி.ஐ இண்டர்நேஷனல் பேங்கிங் குரூப்.

புதிய பகுதி : ஸ்டேட் பேங்க் ஆஃப் இந்தியா - அறிவோம் பங்கு நிறுவனம்...!

கிராமப்புறத்தில் வசிக்கும் இந்தியக் குடிமகன்களுக்கான சேவையைச் சிறப்பான முறையில் வழங்கிவரும் இந்த நிறுவனம் ஃபைனான்ஸியல் இன்க்ளூஷன், மைக்ரோ கிரெடிட் மற்றும் விவசாயத்துக்கான கடன்களை வழங்கிவருகிறது. 2019-20 நிதியாண்டின் இறுதி நிலவரப்படி, 1.42 கோடி விவசாயிகளுக்கு இந்த வங்கியின் சேவை வழங்கப்பட்டு உள்ளது.

அரசாங்கத்துக்கான வங்கிச் சேவைகளை வழங்குவதில் முன்னணியில் இருக்கும் இந்த வங்கி, மத்திய அரசின் இ-கவர்னன்ஸ் முயற்சிகளுக்கான சேவைகளை வழங்குவதிலும், மத்திய மற்றும் மாநில அரசுகளுக் கான இ-சேவைகளை வழங்கு வதிலும் முன்னணியில் இருக்கிறது. கடந்த நிதியாண்டின் இறுதியில், ரூ.52,62,643 கோடி அளவிலான அரசாங்கத்துக்கான வரவு செலவுகள் (டேர்ன்ஓவர்) இந்த வங்கி வாயிலாகச் செய்யப் பட்டுள்ளது.

கடந்த நிதியாண்டின் இறுதியில், ரூ.52,62,643 கோடி அளவிலான அரசாங்க வரவு செலவுகள் (டேர்ன்ஓவர்) ஸ்டேட் பேங்க் ஆஃப் இந்தியா வாயிலாக செய்யப்பட்டு உள்ளது.

கார்ப்பரேட் பேங்கிங் பிரிவில் கார்ப்பரேட் நிறுவனங்களுக்குத் தேவையான அனைத்துச் சேவைகளையும் ஒரே கூரையின் கீழ் வழங்கிவரும் இந்த வங்கி, இந்தியாவில் செயல்படும் மிகப் பெரிய கார்ப்பரேட் நிறுவனங் களுக்கும், நவரத்னா அந்தஸ்து பெற்றுள்ள அரசு நிறுவனங் களுக்கும் தன்னுடைய சேவையை வழங்கி வருகிறது. கடந்த நிதியாண்டின் இறுதியில் ரூ.8,44,215 கோடி அளவிலான கார்ப்பரேட்டுகளுக்கான கடன் வசதியை வழங்கியுள்ளது இந்த வங்கி.

இந்த வங்கியின் துணை நிறுவனமான எஸ்.பி.ஐ கார்ட்ஸ் அண்ட் பேமென்ட் சர்வீசஸ் லிமிடெட் என்னும் நிறுவனம் இந்தியாவின் இரண்டாவது பெரிய கிரெடிட் கார்டுகள் வழங்கியுள்ள நிறுவனமாக கடந்த நிதியாண்டின் இறுதியில் இருக்கிறது. நீண்ட அனுபவத்தை இந்த நிறுவனம் கொண்டிருப்பது இந்த நிறுவனத்தின் தனிச் சிறப்பாகும்.

டிஜிட்டல் பேங்கிங் முயற்சிகளில் இந்த வங்கியின் யோநோ எஸ்.பி.ஐ எனும் ஆப் கடந்த நிதியாண்டின் இறுதி நிலவரப்படி, 46 மில்லியன் எண்ணிக்கைக்கும் மேலான டவுன்லோடுகளையும் 21 மில்லி யனுக்கும் மேலான செயல் பாட்டுக்கான பதிவுகளையும் கொண்டிருக்கிறது.

ஸ்ட்ரெஸ்டு அசெட் மேனெஜ் மென்ட்டைப் (வாராக்கடன் மற்றும் வாராக்கடன் ஆகக்கூடிய வாய்ப்பிருக்கும் கடன்கள் மேலாண்மை) பொறுத்தவரை, கடந்த நிதியாண்டின் இறுதியில் மொத்த என்.பி.ஏ அளவு 6.15 (Gross NPA%) சதவிகிதமாகவும், நிகர என்பிஏவின் அளவு 2.23 (Net NPA%) சதவிகிதமாகவும் இருந்தது.

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர் களுக்கு பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். முதலீட்டாளர்கள் பங்கை வாங்க நினைக்கும்போது எதிர்காலத்தில் அந்தப் பங்கு மற்றும் அந்த நிறுவனம் செயல்படும் துறை என்ற இரண்டின் செயல்பாட்டு போக்கையும் தாங்களாகவே பார்த்துப் புரிந்துகொண்டு அதற்கேற்ப முடிவுகளைத் தாங்களாகவே எடுக்க முடியுமா என்பதை உறுதிசெய்துகொள்ள வேண்டும். அவ்வாறு முடியாதபட்சத்தில் பங்கை வாங்குவதைத் தவிர்ப்பது நல்லது.

பொதுவாக, முதலீட்டாளர்கள் தாங்கள் ஏற்கெனவே வைத்திருக்கும் போர்ட்ஃபோலியோவில் அதிக அளவில் ஒரு துறையின் பங்குகள் இருந்தால், புதியதாக அதே துறையில் இயங்கும் நிறுவனத்தின் பங்கை வாங்குவதைத் தவிர்ப்பதே சிறந்தது. பங்கு முதலீடுகள் சந்தை அபாயத்துக்கு உட்பட்டது என்பதால், எந்த ஒரு பங்கையும் வாங்கும் முன் செபி பதிவு பெற்ற முதலீட்டு ஆலோசகரைக் கலந்து ஆலோசித்து அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை ஆய்வு செய்து வாங்கும் முடிவை மேற்கொள்ள வேண்டும்!

-நாணயம் டீம்

பிட்ஸ்

’யு.பி.ஐ (UPI)மூலம் கடந்த நவம்பரில் 200 கோடி முறை பணப் பரிவர்த்தனை செய்யப்பட்டு உள்ளது. இது இந்த ஆண்டில் இரண்டாவது முறை ஆகும். நவம்பரில் ரூ.3,91,000 கோடிக்கு பணப் பரிவர்த்தனை ஆகியுள்ளது.

பிட்ஸ்

கொரோனா ஊரடங்கு முடிவுக்கு வந்தபின்னும் பெட்ரோல், டீசல் பயன்பாடு குறைவாகவே இருக்கிறது. கடந்த ஆண்டு நவம்பருடன் ஒப்பிடும்போது கடந்த நவம்பரில் டீசல் பயன்பாடு7%, பெட்ரோல் பயன்பாடு 5% குறைந்துள்ளது

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு