Published:Updated:

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

மினி தொடர்
பிரீமியம் ஸ்டோரி
மினி தொடர்

விவேகமான முதலீட்டில் சற்று சறுக்கினாலும், மீண்டும் சீரான முதலீடுகளை பிடிலைட் நிறுவனம் செய்ய ஆரம்பித்தது!

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

விவேகமான முதலீட்டில் சற்று சறுக்கினாலும், மீண்டும் சீரான முதலீடுகளை பிடிலைட் நிறுவனம் செய்ய ஆரம்பித்தது!

Published:Updated:
மினி தொடர்
பிரீமியம் ஸ்டோரி
மினி தொடர்
ரு நிறுவனம் மிகவும் விவேகத்துடன் முதலீட்டை ஒதுக்கீடு செய்தால், அதற்கு நீண்டநாள் அடிப்படையிலான பலன் எந்த அளவுக்குக் கிடைக்கும் என்பதை உதாரணத்துடன் புரிந்துகொள்ள நாம் பிடிலைட் இண்டஸ்ட்ரீஸ் நிறுவனத்தின் 20 ஆண்டுக்கால முதலீட்டை ஆராய்வோம்.

1999-ம் ஆண்டு முதல் 2019-ம் ஆண்டு வரையிலான 20 ஆண்டுக் காலத்தை மூன்று பிரிவுகளாகப் பிரித்து பிடிலைட் இண்டஸ்ட்ரீஸ் செய்த விவேகமான, விவேகமற்ற முதலீடுகள் குறித்து அலசுவோம்.

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

உள்நாட்டு நிறுவனங்களை வாங்கியது..!

முதல் பிரிவாக 1999 - 2005-ம் ஆண்டுகளை எடுத்துக்கொள்வோம். இந்தக் காலகட்டத்தில் உள்நாட்டு இணைப்பு மற்றும் கையகப்படுத்துதலை (Merger & Acquisition) வெற்றிகரமாகச் செய்து முடித்தது இந்த நிறுவனம். `ஃபெவிக்கால்’ எனும் வெள்ளை நிறத்திலான மர வேலைகளின்போது பயன்படுத்தப்படும் ஒட்டும் பசையில் ஏகபோக அளவிலான பெரியதொரு பிராண்டாக 50 ஆண்டு காலகட்டத்தில் உருவெடுத்த பிறகு தன்னுடைய தயாரிப்புகளின் போர்ட்ஃபோலியோவை (Product Portfolio) அதிகரித்துக்கொள்ள ஒட்டும் பசைகள், இடைவெளிகளை அடைக்க உதவும் மெழுகுகள் (Sealant) சந்தையிலும் கால்பதித்தது. இது தவிர, தன்னுடைய விநியோகஸ்தர்களின் எண்ணிக்கையை விரிவாக்கம் செய்யும் நடவடிக்கையிலும் இறங்கியது. 1999-ம் ஆண்டு ரூ.4 கோடி மதிப்பில் ரானிபால் நிறுவனத்தையும், 2000-ம் ஆண்டில் எம்-சீல் மற்றும் டாக்டர் ஃபிக்ஸ்இட் உற்பத்தி செய்யும் நிறுவனங்களை ரூ.32 கோடி மதிப்பிலும், 2002-ம் ஆண்டில் ஸ்டீல் கிரிப் நிறுவனத்தை சுமார் ரூ.10 கோடி மதிப்பிலும், 2005-ம் ஆண்டில் ராஃப் நிறுவனத்தை வெளிப்படையாகக் குறிப்பிடப்படாத ஒரு தொகையைக் கொண்டும் வாங்கியது.

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

இந்த நிறுவனங்களைக் கையகப்படுத்துவதற்கு உபயோகித்த முதலீடானது, இந்தக் காலகட்டத்தில் பிடிலைட் நிறுவனம் உருவாக்கிய மொத்த செயல்பாட்டிலிருந்து வந்த கேஷ் ஃப்ளோவில் 11% அளவேயாகும்.

இந்த வகையில் கையகப்படுத்தப்பட்ட இந்த நிறுவனங்கள் அனைத்தும் நாளடை வில், தத்தம் துறைகளில் ஏகபோக சந்தைப் பங்களிப்பைக் கொண்டிருக்கும் நிறுவனங்களாக உருவெடுத்து, அவற்றில் முதலீடு செய்யப்பட்ட பணத்தைத் திரட்டுவதற்கான செலவைவிட (Cost of Capital) மிக அதிக அளவிலான வருமானத்தைத் (RoCE) தர ஆரம்பித்தன. இந்த வித விரிவாக்கத்தால் பிடிலைட் நிறுவனம் அனைத்து வகைக் கடைகளிலும் தன் தயாரிப்பை வாடிக்கையாளர்களைச் சென்றடையும் அளவுக்கு ஒரு நெட்வொர்க்கை அமைத்துக்கொண்டது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

வெளிநாட்டு நிறுவனங்களை வாங்கியது..!

இரண்டாவது பிரிவாக, 2006 முதல் 2014-ம் ஆண்டு வரையிலான காலகட்டத்தில் உலக அளவில் தோல்விகரமான பல இணைப்பு மற்றும் கையகப்படுத்துதல்களைச் செய்தது பிடிலைட் நிறுவனம். பிரான்ஸ், பிரேசில், அமெரிக்கா எனப் பல வெளிநாடுகளில் செயல்பட்டுவந்த நிறுவனங்களை வாங்க ரூ.685 கோடியை முதலீடு செய்தது.

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

இந்த ஒன்பது ஆண்டு காலகட்டத்தில் பிடிலைட் நிறுவனம் உருவாக்கிய செயல்பாட்டு கேஷ் ஃப்ளோவில் இது 26%. பிடிலைட் வாங்கிய இந்த நிறுவனங்கள் ஏற்கெனவே அந்த நிறுவனம் செய்துவரும் தொழில்களுக்குச் சம்பந்தமில்லாத பல்வேறு தொழில்களில் செயல்பட்டுவரும் சிறிய நிறுவனங்களாகவும், அவை செயல்படும் துறைகளில் சந்தைப் பங்களிப்பில் முன்னணி நிலையில் இல்லாத நிறுவனங்களாகவும் இருந்தன. பிரேசில் நாட்டு நிறுவனத்தை வாங்கிய பிறகு அந்த நாட்டின் பொருளாதாரம் கடுமையான வீழ்ச்சியைச் சந்தித்தது. கடந்த பத்து ஆண்டு களில் பிடிலைட் நிறுவனம் பிரேசில் மற்றும் மத்திய கிழக்கு நாடுகளில் செய்த முதலீடுகளில் கிட்டத்தட்ட ரூ.175 கோடியை நஷ்டக் கணக்கில் எழுதியது. மேலும், எலாஸ்டோமர் திட்டத்தில் முதலீடு செய்த ரூ.300 கோடியையும் நஷ்டக் கணக்கிலேயே பிடிலைட் எழுத வேண்டியிருந்தது. அமெரிக்காவில் கையகப்படுத்திய ‘சைக்லோ’ நிறுவனத்தை 2017-ம் ஆண்டில் பிடிலைட் ரூ.30 கோடிக்கு விற்பனை செய்தது.

மீண்டும் உள்நாட்டு நிறுவனம்..!

மூன்றாவது பிரிவான 2014 முதல் 2019-ம் ஆண்டு வரையிலான காலகட்டத்தில் பிடிலைட் நிறுவனம் உள்நாட்டில் சிறப்பான பல இணைப்பு மற்றும் கையகப்படுத்துதலைச் செய்தது. சர்வதேச இணைப்பு மற்றும் கையகப்படுத்துதலில் கிடைத்த கசப்பான அனுபவங்களின் மூலம் பாடம் கற்றுக்கொண்ட பிடிலைட் நிறுவனம், இந்தியாவில் செயல்பட்டுவரும் சிறிய போட்டி நிறுவனங்களைக் கையகப்படுத்துவதில் முனைப்புடன் இறங்கியது. உதாரணமாக, புளூகோட் நிறுவனத்தை ரூ.260 கோடிக்குக் கையகப்படுத்திய பிடிலைட் (2014-19 ஆண்டுகளில் உருவான செயல்பாட்டு கேஷ் ஃப்ளோவில் 6%), சுபர்ஷ்வா நிறுவனத்தை வெளிப் படையாகச் சொல்லப்படாத ஒரு தொகைக்குக் கையகப்படுத்தியது. இந்த இரண்டு கையகப் படுத்துதல்களும் பிடிலைட் நிறுவனத்தின் RoCE-யைக் கணிசமாக உயர்த்திக்கொள்வதற்கு உதவியாக இருந்தன.

இதே காலகட்டத்தில், தரைக்கான பூச்சுகளைத் தயாரிக்கும் சி.ஐ.பி.ஒய் நிறுவனம், தண்ணீர்க் கசிவைத் தடுக்கும் ஒப்பந்த வேலைகளைச் செய்துவரும் நினா மற்றும் பெர்செப்ட் நிறுவனங்கள் போன்றவற்றைக் கையகப்படுத்திய அதே நேரத்தில், ஐ.சி.ஏ போன்ற அயல்நாட்டு நிறுவனங்களுடன் கூட்டணி அமைத்து மரங்களுக்கான சிறப்பு கோட்டிங்குகளுக்கான தயாரிப்புகளையும் உற்பத்தி செய்ய ஆரம்பித்தது. இதில் நினா மற்றும் பெர்செஃப்ட் நிறுவனங்களைக் கையகப்படுத்த செய்யப்பட்ட ரூ.300 அளவிலான முதலீடு இதன் செயல்பாட்டு கேஷ் ஃப்ளோவில் ஏழு சதவிகிதமாகவும், இந்த நிறுவனம் செய்திருக்கும் மொத்த முதலீட்டில் கிட்டத்தட்ட 2-3% என்ற அளவிலும் இருந்தது.

மினி தொடர் - 4 - லாபத்துக்கு வித்திடும் மூலதன ஒதுக்கீடு! - ஒரு நிறுவனத்தின் வெற்றிப் பாதை!

கையகப்படுத்தப்பட்ட இந்த நிறுவனங்கள் சிறப்பாகச் செயல்பட்டு கணிசமான லாபத்தைத் தர ஆரம்பித்தன. மிகக் கவனமாக முதலீடுகளை இந்தக் காலகட்டத்தில் செய்ய ஆரம்பித்த பிடிலைட் நிறுவனம், 2018-ம் ஆண்டில் தன் பங்கு ஒன்றை 1,000 ரூபாய் என்ற மதிப்பீட்டில் ரூ.500 கோடி அளவில் பங்குதாரர்களிடமிருந்து திரும்ப வாங்கியது. பிடிலைட் நிறுவனம் தந்த 1,000 ரூபாய் என்ற விலை அந்த நேரத்தில் சந்தையில் அதன் பங்குகளுக்கு இருந்த விலையைவிட சுமார் 12-13% அதிகமான விலை. இதற்காக இந்த நிறுவனம் தான் கொண்டிருந்த மொத்த முதலீட்டில் 14 சதவிகிதத்தையும், 2018-ம் ஆண்டில் உருவான செயல்பாட்டு கேஷ் ஃப்ளோவில் 63 சதவிகிதத்தையும் செலவிட்டது.

விவேகமான முதலீட்டில் சற்று சறுக்கினாலும், மீண்டும் சுதாரித்துக்கொண்டு சீரான முதலீடுகளை பிடிலைட் நிறுவனம் செய்ய ஆரம்பித்ததனாலேயே அது லாபத்தை உயர்த்திக்கொள்வதற்கு வழிவகுத்தது. சந்தை பெரிய அளவிலான இறக்கத்தைச் சந்திக்கும்போதும், பொருளாதாரச் சிக்கல்கள் பெரிய அளவில் உருவெடுக்கும்போதும் மட்டுமே நிறுவனங்களில் நடைபெறும் மோசடிகள் வெளியே தெரியவரும். இது போன்ற சிக்கல்களைக் கண்டறிந்து களைந்தெறிவது எப்படி என்பதை அடுத்த வாரம் பார்க்கலாம்.

(முதலிடுவோம்)