Published:Updated:

உச்சம் தொட்ட சென்செக்ஸ் @ 45000... இனியும் ஏறுமா... இறங்குமா..?

சென்செக்ஸ்
பிரீமியம் ஸ்டோரி
சென்செக்ஸ்

INVESTMENT

உச்சம் தொட்ட சென்செக்ஸ் @ 45000... இனியும் ஏறுமா... இறங்குமா..?

INVESTMENT

Published:Updated:
சென்செக்ஸ்
பிரீமியம் ஸ்டோரி
சென்செக்ஸ்
ழக்கமாகவே சந்தையில் நகர்வுகள் சற்றும் எதிர்பாராத அளவில் அதிரடியாக இருக்கும்போது முதலீட்டாளர்களை ஒருவித ஊசலாட்டத்தில் தள்ளிவிடும். உதாரணமாகக் கடந்த மார்ச்சில் சென்செக்ஸ் 25500 புள்ளிகளுக்கு இறங்கியது. அப்போது சந்தை இன்னும் இறங்குமா, அதுவரை நான் காத்திருக்க வேண்டுமா என்ற கவலையை முதலீட்டாளர்கள் இடையே உண்டாக்கியது. இப்போது பங்குச் சந்தைகள் அதன் வரலாற்று உச்சத்தில் உள்ளன. இப்போது மீண்டும் நான் முதலீடு செய்ய வேண்டுமா அல்லது திடீர் இறக்கம் ஏதும் ஏற்படுமா என்ற கேள்வியை முதலீட்டாளர்களிடையே எழுப்புகிறது. இதற்கிடையில் இன்னும் சந்தை தற்போது உள்ள போக்கில் எவ்வளவு காலம் நீடிக்கும் என்ற கேள்வியும் எழுகிறது.

பெரும்பாலான முதலீட்டாளர்கள் சந்திக்கும் சவால்தான் இது. சில சமயங்களில் இவை பெரும் கவலைக்குள்ளும் நம்மைத் தள்ளி விடும். தற்போது சந்தை உச்சத்தில் இருக்கும் நிலையில் மேலும் ஏற்றம் காணலாம் என்ற எதிர்பார்ப்புக்கு நாம் வருகிறோம். ஆனால், இந்த கட்டுரையின் நோக்கம் இதை மேலும் எப்படி உறுதி செய்துகொள்வது என்பதே. அதன்படி பார்க்கும்போது நாம் மேலும் சந்தையின் நகர்வுகளை உறுதிசெய்ய அதன் சார்ட் பேட்டர்ன் களையும், சந்தையின் பிரதான காரணிகளையும், பொருளாதார காரணிகளையும் கவனத்தில் எடுத்துக் கொண்டு ஆராய வேண்டியிருக்கிறது.

சார்ட் பேட்டர்ன்களில் பார்க்க வேண்டியது என்னவென்றால் அவற்றின் டெக்னிக்கல் அம்சங்களின் விளக்கத்தை ஆராய்தல் ஆகும்். அதன் அடிப்படைக் கொள்கை என்னவெனில் விலை நகர்வுகள் அவற்றின் தொடர் போக்கின் சுழற்சியில் இருக்கும் என்பதுதான். அதன்படி விலை நகர்வுகள் மார்ச் 2020-ன் ஆரம்பத்திலிருந்து இப்போது வரை எப்படி இருக்கிறது என்ற போக்கை வைத்து நாம் ஒரு முடிவுக்கு வர முடியும்.

ரெஜி தாமஸ்   பங்குச் சந்தை நிபுணர்
ரெஜி தாமஸ்   பங்குச் சந்தை நிபுணர்

ஐந்து நிலைகள்..!

சார்ட் நகர்வுகளை விரிவாக ஆராய்ந்ததில் பின்வரும் 5 பிரத்யேக நிலைகளை நாம் பெற முடிகிறது.

நிலை 1: 25500-32200 (24 மார்ச்-29 மே)

நிலை 2: 32200-36400 ( மே 29- 24 செப்.)

நிலை 3: 36400- 41000 ( செப். 24–5 நவ.)

நிலை 4: 41000- 43400 ( 5 நவ.- 20 நவ.)

நிலை 5: 43400 – ? (20 நவ. முதல்)

இந்த ஒவ்வொரு நிலைகளையும் ஆராயும்போது அவற்றின் சராசரி 4000 புள்ளிகளுக்கு மேல் உள்ளது. முதல் நிலையில் மட்டும் 7000 புள்ளிகளை இரண்டு மாதங்களில் அடைந்திருக்கிறது. நான்காம் நிலை சராசரியான 4000 புள்ளிகளை அடைய 15 நாள்கள் மட்டுமே எடுத்திருக் கிறது. இந்த விரைவான நகர்வுகள் சந்தையில் லிக்விடிட்டி வரவு அதிகமாக இருந்ததன் விளைவு என்பது தெரிகிறது.

சந்தை நகர்வுகளை லிக்விடிட்டி வெகுவாக ஆதிக்கம் செலுத்தி யிருக்கிறது என்பதைப் புரிந்து கொள்ள முடிகிறது. லிக்விடிட்டி அதிகமாக இருக்கும்போது விலை நகர்வுகள் மேல்நோக்கி நகர்கின்றன. அதேபோல் லிக்வி டிட்டி குறையும் நகர்வுகள் இறக்கத்தைச் சந்திக்கின்றன. அதன்படி சென்செக்ஸ் அபரி மிதமான ஏற்றத்தை அடைய அந்நிய நிதி நிறுவன முதலீட் டாளர்கள் ரூ.65,000 கோடி முதலீடு செய்துள்ளது முக்கியக் காராணமாகும். இப்போதுவரை முதலீடுகள் செய்யப்படுவதில் முன்னேற்றம் உள்ளது. டிசம்பர் மாதத்தில் இதுவரை அந்நிய முதலீட்டாளர்கள் ரூ.16,000 கோடி முதலீடு செய்துள்ளனர்.

அதேசமயம் மியூச்சுவல் ஃபண்ட் பிரிவில் முதலீடுகள் ஜூன் மாதத்திலிருந்து வெகுவாக வெளியேறியிருக்கின்றன. குறிப்பாக ஈக்விட்டி ஃபண்டுகளில் இருந்து அதிக முதலீடு வெளியேறி யதையும், கடன் ஃபண்டுகளில் தொடர்ந்து முதலீடு அதிகரித்து இருப்பதையும் பார்க்க முடிகிறது.

சென்செக்ஸ் 50400 புள்ளிகள்..!

எனவே, சந்தைக்குள் முதலீடுகள் தொடர்ந்து அதிகரிக் கும்பட்சத்தில் சந்தை சிறப்பான போக்கிலேயே தொடரும் எனலாம். தற்போது உள்ள ஏற்றத்தின் போக்கும் நிலைத்து இருக்க வாய்ப்புள்ளது. மேற்கண்ட நிலைகளை ஆய்வு செய்ததிலிருந்து குறைந்தபட்சம் 4000 புள்ளிகள் ஏற்றம் இருக்கலாம் என்று கருதப்படுகிறது. எனில், சென்செக்ஸ் 47400 என்பதிலிருந்து அதிகபட்சமாக 50400 புள்ளிகள் வரை வரும் ஜனவரி 2021 காலத்தில் ஏற்றம் அடைவதற்கு வாய்ப்புள்ளது.

சென்செக்ஸ்
சென்செக்ஸ்

சந்தை நகர்வுகள் பெரிய அளவில் இருப்பதற்கு சந்தை சார்ந்த பிரதான தகவல்களும் முக்கியக் காரணிகளாக இருந்து வருகின்றன. லிக்விடிட்டி மட்டுமல்லாமல் சந்தையின் பொது காரணிகளும் சந்தையின் போக்குக்கும் வலுவான நிலையான ஏற்றத்துக்கும் காரணமாக உள்ளன. எனவே தான் சில துறைகளில் நெகட்டிவ் போக்கு இருந்தாலும் கடந்த மார்ச் 2020-லிருந்து இதுவரை யிலும் சந்தை பெரிய அளவில் பாதிப்பில்லாமல் பொது காரணிகளைக் கொண்டே நல்ல ஏற்றத்தைக் கண்டிருக்கிறது. பெரும்பாலான துறை குறியீடுகள் 60% முதல் 110% வரை ஏற்றம் கண்டிருக்கின்றன; இரண்டு துறைகளைத் தவிர. ஒன்று பொதுத்துறை வங்கி மற்றொன்று எஃப்.எம்.சி.ஜி. எனவே, இந்தத் துறைகளில் ஈடுபாடு என்பது எதிர்பார்ப்பின் அடிப்படையில் இருக்கலாம் என்று தெரிகிறது. மேலும் இந்தத் துறைகளில் செயல்பாடு அதிகமாக இருக்கும்பட்சத்தில் நகர்வுகள் மிகத் துரிதமாகவும் தீவிரமாகவும் இருக்கலாம்.

துறை சார்ந்த குறியீடுகள் தவிர்த்து பங்குகளை ஆராயும் போது பெரும்பாலான பங்குகள் அவற்றின் 200 நாள் சராசரியைத் தாண்டி ஏற்றம் அடைந்திருக் கின்றன. இது சந்தையின் நிலையான போக்கை உறுதி செய்வதாக இருக்கிறது. இந்தக் காரணிகள் அனைத்துமே தற்போதைய போக்கு சந்தையில் விலை நகர்வுகள் குறித்த எதிர்பார்ப்பை அதிகப்படுத்தியிருக்கிறது என்பதை உறுதிசெய்யும் வகையில் இருக்கிறது.

சென்செக்ஸ்
சென்செக்ஸ்

பொருளாதார காரணிகள் சந்தையின் போக்குக்கு உதவுமா..?

மார்கன் ஸ்டான்லி மற்றும் ஃபிட்ச் சமீபத்தில் பொருளாதாரக் கணிப்பு அறிக்கைகளை வெளியிட்டுள்ளன. அவற்றில் இரண்டு மிக முக்கியமான விஷயங்களைக் குறிப்பிட்டிருக்கின்றன. ஒன்று, இந்தியாவின் ஜி.டி.பி சரிவானது முன்பு கணிக்கப்பட்ட மைனஸ் 10.5% என்பதிலிருந்து மைனஸ் 9.4 சதவிகிதமாகக் குறைத்துள்ளது. இரண்டு, இந்தியப் பொருளாதாரம் அடுத்த ஆண்டில் ‘கோல்டிலாக்ஸ்’ (Goldilocks) என்ற நிலைக்குச் செல்லும் எனக் குறிப் பிட்டுள்ளது. அதாவது, மிதமான பொருளாதார வளர்ச்சியைத் தக்க வைத்துக்கொள்ளும் என்பதாகும்.

இந்த இரண்டு அறிக்கைகளிலும் உள்ள முக்கிய அம்சம் என்னவெனில், இந்தியப் பொருளாதாரம் மிகவேகமாக மீண்டு வந்திருக்கிறது மற்றும் குறுகிய காலத்திலேயே நல்ல வலுவான வளர்ச்சியை எதிர்பார்க்கலாம் என்றும் உறுதிசெய்கிறது. அதாவது, தற்போது எதிர்பார்க்கப்படும் பொருளாதார சமநிலை என்பது இயல்பில் ஏட்டளவிலும், நடைமுறையில் மிக அரிதானதாகவும் இருக்கிறது. இதைத்தான் கோல்டிலாக்ஸ் நிலை என்று இந்த அறிக்கைகளில் குறிப்பிட்டுள்ளனர். 2021-ல் இந்தியா இந்த நிலையில்தான் இருக்கும். இதன் அர்த்தம் விரைவாக நல்ல முன்னேற்றத்தை நிறுவனங்களின் வளர்ச்சியிலும், அவற்றின் வருமானத்திலும் பார்க்கலாம். இதனால் ஏற்படும் பாசிட்டிவ் எதிர் பார்ப்புகள் மற்றும் தொடர்ந்து சந்தையில் செய்யப்படும் முதலீடுகள் ஆகியவற்றைப் பொறுத்து சந்தையின் போக்கு இருக்கலாம் எனக் கூறப்படுகிறது.

எந்தெந்த துறைகளில், பங்குகளில்..?

இப்போது அடுத்த ஒரு முக்கிய கேள்வியை எழுப்புகிறது. தற்போதைய சூழலில் எந்தெந்த துறைகளில், பங்குகளில் நாம் முதலீடு செய்யலாம்?

முன்பே குறிப்பிட்டதுபோல பெரும்பாலான துறை குறியீடுகள் 60% முதல் 110% வரை ஏற்றம் கண்டிருக்கின்றன. மார்ச்சிலிருந்து இந்த ஆட்டத்தின் போக்கில் பெரும்பாலான துறைகளில் பங்குகளின் பங்களிப்பு ஒரு வரம்புக்குள்ளேதான் இருக்கிறது. எனவே, தற்போது பிரத்தியேகமான மற்றும் சவாலான அணுகுமுறையை இங்கே முயற்சி செய்ய வேண்டி யிருக்கிறது. பின்தங்கி இருக்கிற எஃப்.எம்.சி.ஜி, பொதுத்துறை வங்கிகளில் முதலீடு செய்ய வேண்டும் என்பது அவசியமாக இருக்கிறது.

ஏனெனில், மற்ற துறைகள் மற்றும் சந்தைகளின் போக்குக்கு ஏற்ப இவை மாற வேண்டியது அவசியமானது. இதன் மூலம் சந்தையில் சமமான போக்கை உருவாக்க முடியும். அதேசமயம் இது நடக்கும்பட்சத்தில் ஏற்றத்தின் போக்கில் குறுகிய காலத்தில் விலை நகர்வுகளும் பெரிய அளவில் காணப்படும். ஆனால், இந்தப் பார்வை என்பது விவாதத்துக்குரியது என்பதுடன், எல்லோருக்கு மானதாக இருக்காது என்பதையும் ஒப்புக்கொள்ள வேண்டும். எனவே, ரிஸ்க் எடுக்கத் தயங்குபவர்கள் நல்ல செயல்பாட்டில் இருக்கும் ஐ.டி, பார்மா , கெமிக்கல், சிமென்ட், மெட்டல் ஆகிய துறை களில் மட்டும் கவனம் செலுத்தலாம். ரிஸ்க் எடுக்கத் தயாராக இருப்பவர் களுக்கு எஃப்.எம்.சி.ஜி, பொதுத்துறை வங்கி பிரிவுகளைப் பரிந்துரை செய்கிறேன்.

தற்போதைய சந்தை சூழலில் பொதுத்துறை வங்கிப் பிரிவிலிருந்து பேங்க் ஆஃப் பரோடா, எஸ்.பி.ஐ, பி.என்.பி ஆகியவை மற்றும்எஃப்.எம்.சி.ஜி மற்றும் நுகர்வு பிரிவிலிருந்து இமாமி, ஜோதி லேபாரட்டரி ஆகியவையும் கவனத்தில் எடுத்துக்கொள்ளலாம். இங்கு முக்கியமாகக் கவனிக்க வேண்டியது இந்தப் பங்குகளின் சார்ட் பேட்டர்ன்களை கவனித்தால் நம்முடைய தேர்வுப்பட்டியலில் வைத்துக்கொள்ளும் அளவுக்கு செயல்பாடு சிறப்பாக இருப்பதைப் பார்க்க முடிகிறது. மேலும், தொடர்ந்து இவற்றின் போக்கு ஏற்றத்தில் இருக்கும் என்பதையும் உறுதி செய்கிறது.

சந்தையில் முதலீடுகளை நிர்வகிப்பது என்பது நம்முடைய உணர்வுகளுக்கும், சந்தை காரணி களுக்கும் இடையில் நம்முடைய முடிவுகளை எடுப்பது என்பதால் மிகக் கடினமான ஒன்றாகவும் சவாலானதாகவும் இருக்கிறது. சந்தை உச்சத்தில் இருக்கும்போது நாம் மாட்டிக் கொள்வோமோ என்ற பயத்தை ஒவ்வொரு முதலீட்டாளரிடமும் உருவாக்குவது இயல்பானதே. அதுவும் இத்தகைய வலுவான ஏற்றத்தைப் பார்க்கும் போது நிச்சயம் பயம் ஏற்படும். ஒருவேளை ஒருவர் உறுதியான நிலைப்பாட்டைக் கண்டறியும் பட்சத்தில் சந்தையின் பயணத்தில் பெரிய அனுபவங்களைக் காண முடியும்.

மேற்கண்ட காரணிகளைக் கவனத்தில் எடுத்துக்கொண்டு செயல்படும்போது, இதை கட்டுப் பாடான மிக எச்சரிக்கையான நேர்மறை செயல்பாடு என்று குறிப்பிடலாம். தற்போதைய சூழலை அணுகுவது என்பது, இதுவரையிலான சந்தையின் போக்கு பொது காரணி களைச் சார்ந்ததாகும். எனவே, காற்றுள்ளபோதே தூற்றிக்கொள் என்பதுபோன்ற அணுகுமுறையை வைத்துக்கொள்ளலாம். எல்லா வற்றுக்கும் மேல் சந்தையின் போக்கு நம்முடைய நண்பன் மாதிரிதானே..!

உச்சம் தொட்ட சென்செக்ஸ் @ 45000... இனியும் ஏறுமா... இறங்குமா..?

துறை சார்ந்த குறியீடுகள் தவிர்த்து பங்குகளை ஆராயும்போது பெரும்பாலான பங்குகள் அவற்றின் 200 நாள் சராசரியைத் தாண்டி ஏற்றம் அடைந்து உள்ளன. இது சந்தையின் நிலையான போக்கை உறுதி செய்வதாக இருக்கிறது.

உச்சம் தொட்ட சென்செக்ஸ் @ 45000... இனியும் ஏறுமா... இறங்குமா..?

ந்தை உச்சத்தில் இருக்கும்போது நாம் மாட்டிக் கொள்வோமோ என்ற பயத்தை முதலீடு செய்துள்ள ஒவ்வொரு நபரிடமும் உருவாக்குவது இயல்பானதே. அதுவும் இத்தகைய வலுவான ஏற்றத்தைப் பார்க்கும்போது நிச்சயம் பயம் ஏற்படும்.