Published:Updated:

ஷேர்லக்: தொடர் சிக்கல்... பவர் நிறுவனப் பங்குகள் உஷார்!

ஷேர்லக்
பிரீமியம் ஸ்டோரி
ஷேர்லக்

ஷேர்லக்

ஷேர்லக்: தொடர் சிக்கல்... பவர் நிறுவனப் பங்குகள் உஷார்!

ஷேர்லக்

Published:Updated:
ஷேர்லக்
பிரீமியம் ஸ்டோரி
ஷேர்லக்

வியாழக்கிழமையே ஷேர்லக், “முக்கியமான கான்ஃபரன்ஸ் மீட்டிங் ஒன்றில் கலந்துகொள்ள நான் மும்பை செல்கிறேன். நீங்கள் அனுப்பும் கேள்விகளுக்கு மும்பையிலிருந்தே பதில் அனுப்பிவிடுகிறேன்” என நம் வாட்ஸ்அப் நம்பருக்குத் தகவல் அனுப்பியிருந்தார். அவர் சொன்னபடி கேள்விகளை அனுப்பி வைத்தோம். மாலை ஐந்து மணிக்கு அவரிடமிருந்து பதில்கள் வந்தன. நாம் கேட்ட கேள்விகளும், அதற்கு ஷேர்லக் சொன்ன பதில்களும் இங்கே...

ஏர்டெல், வோடஃபோன் நிறுவனங்களின் லாபம் வரலாறு காணாத அளவுக்குக் குறைந்திருக்கிறதே!

“டெலிகாம் நிறுவனங்களான வோடஃபோன், ஏர்டெல் நிறுவனங்கள் கடந்த இரண்டாம் காலாண்டில் அடைந்த நஷ்டம் தலா ரூ.50,921, ரூ.31,334 கோடியாக இருக்கின்றன. இந்த இரு நிறுவனங்கள் இதுவரை இந்த அளவுக்கு நஷ்டம் கண்டதே இல்லை. அண்மையில், `டெலிகாம் நிறுவனங்கள் தங்கள் திருத்தப்பட்ட மொத்த வருமானத்துக்கான (Adjusted Gross Revenue) பங்கைத் தர வேண்டும்’ என்று உச்ச நீதிமன்றம் தீர்ப்பளித்திருந்தது. இந்தத் தீர்ப்பை மறுபரிசீலனை செய்யும்படி வோடஃபோன் மற்றும் ஏர்டெல் நிறுவனங்கள் வழக்கு தாக்கல் செய்தபோதிலும், வோடஃபோன் ரூ.25,680 கோடியையும், ஏர்டெல் ரூ.28,450 கோடியையும் ஒதுக்கிவைத்திருக்கின்றன.

இந்தத் தகவல் வெளியான வியாழக்கிழமை அன்று வோடஃபோன் விலை முதலில் விழுந்தது. ஆனால், பிற்பகலில் விலை உயரத் தொடங்கியது, இன்று (வெள்ளிக்கிழமை) 24% ஏறியது. இதேபோல, ஏர்டெல் பங்கு விலை வியாழனன்று இறங்கியது, வெள்ளி அன்று 8.42% வரை உயர்ந்து, இந்தப் பங்கில் முதலீடு செய்திருந்தவர்களுக்குக் குதூகலத்தைத் தந்தது. `இந்த நிலையில், இந்தப் பங்குகளை வாங்கி முதலீடு செய்யலாமா?’ என்பது முக்கியமான கேள்விதான். அதிக ரிஸ்க் எடுக்க நினைக்கும் முதலீட்டாளர்கள் மட்டுமே இந்தப் பங்குகளைப் பரிசீலிக்கலாம்.’’

ஒட்டுமொத்த விகடனுக்கும் ஒரே ஷார்ட்கட்!

ஷேர்லக்: தொடர் சிக்கல்... பவர் நிறுவனப் பங்குகள் உஷார்!

இந்தியன் ஆயில் நிறுவனத்தின் பங்குகளை விற்பனை செய்ய மத்திய அரசு திட்டமிட்டிருக்கிறதே?

“நாட்டின் மிகப் பெரிய கச்சா எண்ணெய் சுத்திகரிப்பு நிறுவனமாக இந்தியன் ஆயில் கார்ப்பரேஷன் (ஐ.ஓ.சி) திகழ்கிறது. இந்த நிறுவனத்தில் மத்திய அரசின் பங்கு மூலதனம் 51.5 சதவிகிதமாக இருக்கிறது. இதில் 25 சதவிகித்துக்கு மேலான பங்குகளை விற்பனை செய்து, ரூ.30,000 கோடி திரட்ட மத்திய அரசு திட்டமிட்டிருப்பதாகத் தகவல் கசிந்திருக்கிறது. மத்திய அரசு, பொதுத்துறை நிறுவனங்களில் தான் கொண்டிருக்கும் பங்குகளின் ஒரு பகுதியை விற்பனை செய்வதன் மூலம் நடப்பு (2019-20) நிதியாண்டில் ரூ.1.05 லட்சம் கோடி திரட்ட இலக்கு நிர்ணயம் செய்திருக்கிறது.

மத்திய பட்ஜெட் மதிப்பீட்டில் நிதிப் பற்றாக்குறையை, நாட்டின் மொத்த உள்நாட்டு உற்பத்தியில் (ஜி.டி.பி) 3.3% அளவுக்குள் பராமரிக்க மத்திய அரசு திட்டமிட்டுள்ளது. அந்த வகையில், லாபத்தில் இயங்கும் பொதுத்துறை நிறுவனங்களில் அதன் பங்கு மூலதனத்தைக் குறைத்து வருகிறது. அண்மைக் காலமாக ஐ.ஓ.சி நிறுவனப் பங்கின் விலை உயர ஆரம்பித்திருப்பது குறிப்பிடத்தக்கது.

ஆயில் அண்ட் நேச்சுரல் கேஸ் கார்ப்பரேஷன் (ஓ.என்.ஜி.சி) நிறுவனத்தின் தனிப்பட்ட நிகர லாபம் இரண்டாம் காலாண்டில் 24% குறைந்து, ரூ.6,263 கோடியாக உள்ளது. இதற்கு முக்கியக் காரணம், கச்சா எண்ணெய் விலை குறைவாக இருப்பதே.”

`சில்லறைப் பணவீக்க விகிதம் அதிகரித்தாலும் ஆர்.பி.ஐ வட்டியைக் குறைக்கும்’ என்கிறார்களே?

“அக்டோபரில் சில்லறை நுகர்வோர் பணவீக்க விகிதம் (சி.பி.ஐ) 4.62 சதவிகிதமாக அதிகரித்திருக்கிறது. இது நவம்பரில் 5 சதவிகிதமாக அதிகரிக்கும் என எதிர்பார்க்கப்படுகிறது. சில்லறைப் பணவீக்க விகிதத்தை 4 சதவிகிதத்துக்குள் வைக்க வேண்டும் என ரிசர்வ் வங்கி இலக்கு நிர்ணயித்திருக்கிறது. அது 5% அளவுக்கு அதிகரிக்கும்போது, அது வட்டியை உயர்த்தக்கூடும் எனப் பரவலாக எதிர்பார்ப்பு கிளம்பியிருக்கிறது. ஆனால், இதற்கு எதிர்மாறாக ரிசர்வ் வங்கி வட்டியைக் கணிசமாகக் குறைக்கும் என வெளிநாட்டுப் பகுப்பாய்வு நிறுவனமான பேங்க் ஆஃப் அமெரிக்கா மெரில் லிஞ்ச் தெரிவித்திருக்கிறது.’’

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
ஷேர்லக்
ஷேர்லக்

மின்சார உற்பத்தி நிறுவனங்கள் தொடர்ந்து சிக்கலில் இருக்கின்றனவே?

‘`உண்மைதான். நிலக்கரி மூலம் மின்சாரம் உற்பத்தி செய்யும் நிறுவனங்களின் வங்கிக் கடன் ரூ.1.8 லட்சம் கோடிக்கு மேல் இருக்கிறது. மின்சாரத்துக்கான தேவை குறைந்துவருவதால், இந்த நிறுவனங்களின் லாபம் சிக்கலுக்குள்ளாகியிருக்கிறது. நாட்டின் மின்சாரத் தேவை, நாட்டின் தொழில் உற்பத்தியைத்தான் பெரிதும் சார்ந்திருக்கிறது. தொடர்ந்து மந்தநிலை நிலவுவதால், மின் உற்பத்தி நிறுவனங்கள் பாதிக்கப்பட்டிருக்கின்றன. `பொதுவாக, மின் உற்பத்தி நிறுவனங்கள் லாபம் ஈட்ட நீண்டகாலம் எடுத்துக்கொள்ளும். இதை மனதில்கொண்டு மின் உற்பத்தி நிறுவனப் பங்குகளில் சிறு முதலீட்டாளர்கள் முதலீடு செய்ய வேண்டும்’ என்கிறார்கள் பகுப்பாய்வாளர்கள்.”

செப்டம்பர் காலாண்டில் மியூச்சுவல் ஃபண்ட் நிறுவனங்கள் வங்கிப் பங்குகளில் அதிக முதலீட்டை மேற்கொள்ள காரணம் என்ன?

‘‘நிஃப்டி 50 குறியீட்டில் இடம்பெற்றிருக்கும் டாப் 10 பங்குகளின் வெயிட்டேஜ் 2018 ஜனவரியில் 62 சதவிகிதமாக இருந்தது. இது கடந்த இரு மாதங்களாக 58% அளவுக்குக் குறைந்திருக்கிறது. காரணம், ஹெச்.டி.எஃப்.சி., ஹெச்.டி.எஃப்.சி பேங்க், ஹிந்துஸ்தான் யூனிலீவர், ரிலையன்ஸ் இண்டஸ்ட்ரீஸ் உள்ளிட்ட டாப் 10 பங்குகளைத் தாண்டி, இதரப் பங்குகளில் அந்நிய நிதி முதலீட்டாளர்கள் மற்றும் மியூச்சுவல் ஃபண்ட் நிறுவனங்கள் அதிக முதலீட்டை மேற்கொண்டு வருவது. இந்த டாப் 10 நிஃப்டி பங்குகளில் மியூச்சுவல் ஃபண்டுகளின் முதலீடு 2019 ஆகஸ்டில் 60% இருந்தது. அது அக்டோபரில் 57 சதவிகிதமாகக் குறைந்திருக்கிறது. இதேபோல் எஃப்.ஐ.ஐ-க்களும் முதலீட்டைக் குறைத்துள்ளனர்.

செப்டம்பர் காலாண்டில் மியூச்சுவல் ஃபண்ட் நிறுவனங்கள், இண்டஸ்இண்ட் பேங்க், யெஸ் பேங்க், ஆக்ஸிஸ் பேங்க் ஆகியவற்றில் முதலீட்டை அதிகரித்தன. இவை தவிர, அல்ட்ரா டெக், கோல் இந்தியா, பி.பி.சி.எல், என்.டிபி.சி, சிப்லா, எய்ஷர் மோட்டார்ஸ், டெக் மஹிந்திரா மற்றும் கெயில் நிறுவனப் பங்குகளில் முதலீட்டை அதிகரித்துள்ளன. 2018 ஜனவரி முதல் 2019 ஆகஸ்ட் இடையே நிஃப்டி சுமார் 5.6% வருமானம் கொடுத்திருக்கின்றன. இந்தக் காலகட்டத்தில் நிஃப்டி நெக்ஸ்ட் 50 மற்றும் நிஃப்டி மிட் கேப் 100 ஆகிய குறியீடுகள் முறையீடு சுமார் 15% மற்றும் 25% இறக்கம் கண்டிருக்கின்றன. இந்த இறக்கம் பங்குகளின் மதிப்பீட்டைக் கவர்ச்சிகரமாக மாற்றியதால், மியூச்சுவல் ஃபண்ட் நிறுவனங்கள் அந்தப் பங்குகளில் முதலீடு செய்திருக்கின்றன.’’

ஃபோர்ட்டீஸ் நிறுவனப் பங்கு விலை வெள்ளிக்கிழமை அன்று சுமார் 8% வரை குறைந்ததற்கு என்ன காரணம்?

‘‘ஜப்பான் நிறுவனமான தாய்சி சான்க்யோ நிறுவனம் தொடர்ந்த வழக்கில் மல்வீந்தர் சிங் மற்றும் சிக்விந்தர் சிங் சகோதரர்கள்மீது நீதிமன்ற அவமதிப்பு குற்றம் சாட்டப்பட்டுள்ளது. ஏற்கெனவே ஒப்புக்கொண்டபடி ரூ.1,175 கோடி டெபாசிட் செய்யாமல் விட்டதற்காகவே இந்தக் குற்றச்சாட்டு. இது வெளியானவுடன் இந்த நிறுவனப் பங்கின் விலை சுமார் 8% வரை குறைந்தது” என்றவர், ‘‘மீட்டிங் செல்வதற்கு நேரமாகிவிட்டது. அடுத்த வாரம் நேரில் சந்திக்க முடியுமா என்று பார்க்கிறேன்’’ என்று பதிலளித்திருந்தார்.

குறைந்துபோன கடன் பத்திர முதலீடு!

`என்.பி.எஃப்.சி’ எனப்படும் வங்கிசாரா நிதி நிறுவனங்களின் கடன் பத்திரங்கள் சிக்கலைச் சந்திக்க ஆரம்பிக்கத் தொடங்கியதும், அவற்றில் மியூச்சுவல் ஃபண்ட் நிறுவனங்கள் முதலீட்டைக் குறைக்கத் தொடங்கின. அதாவது, மோசமான கடன் பத்திரங்களை விற்றுவிட்டு வெளியேறியிருக்கின்றன. 2018 ஜூலை முதல் 2019 அக்டோபர் வரையிலான காலகட்டத்தில் ரூ.79,500 கோடியைக் குறைத்துள்ளன. அதாவது, ரூ.1.86 லட்சம் கோடியாக குறைந்திருக்கிறது.மியூச்சுவல் ஃபண்ட் நிறுவனங்கள் அவற்றின் குறுகியகால, நடுத்தரக்கால மற்றும் நீண்டகாலக் கடன் சார்ந்த ஃபண்டுகளுக்கு கமர்ஷியல் பேப்பர், என்.சி.டி ஆகியவற்றில் முதலீடு செய்கின்றன. மியூச்சுவல் ஃபண்ட் திட்டம் ஒன்றில் என்.பி.எஃப்.சி நிறுவனங்களின் கடன் பத்திரங்களில் 25% வரைக்கும் முதலீடு செய்யலாம் என இருந்ததை, 20 சதவிகிதமாக செபி குறைத்திருக்கிறது.