Published:Updated:

ஷேர்லக் : கொரோனாவால் பங்குகள் விலை வீழ்ச்சி..! - வாங்கிக் குவித்த நிறுவனர்கள்!

ஷேர்லக்
பிரீமியம் ஸ்டோரி
ஷேர்லக்

கொரோனாவால் ஏற்பட்ட பொருளாதார பாதிப்பின் விளைவு அடுத்த மாதத்திலிருந்து தெரிய ஆரம்பிக்கும்!

ஷேர்லக் : கொரோனாவால் பங்குகள் விலை வீழ்ச்சி..! - வாங்கிக் குவித்த நிறுவனர்கள்!

கொரோனாவால் ஏற்பட்ட பொருளாதார பாதிப்பின் விளைவு அடுத்த மாதத்திலிருந்து தெரிய ஆரம்பிக்கும்!

Published:Updated:
ஷேர்லக்
பிரீமியம் ஸ்டோரி
ஷேர்லக்
டந்த வாரம்போலவே, மாலை 4:00 மணிக்கு கூகுள் ஹேங்அவுட்ஸில் வீடியோ மூலம் நமக்கு தரிசனம் தந்தார் ஷேர்லக். நேரத்தை வீணடிக்காமல் நாம் தயாராக வைத்திருந்த கேள்விகளைக் கேட்கத் தொடங்கினோம்.

வெள்ளிக்கிழமை காலையில் சுணக்கமாக இருந்த சென்செக்ஸ் 986 புள்ளிகள் அதிகரித்ததே... ஆர்.பி.ஐ அறிவிப்புதான் காரணமா?

“ஆம், வங்கிகளின் பணப்புழக்கத்தை அதிகரிக்க ஆர்.பி.ஐ நடவடிக்கை எடுத்திருக்கிறது. இதனால் ஹெச்.டி.எஃப்சி பேங்க், ஐ.சி.ஐ.சி.ஐ பேங்க், எஸ்.பி.ஐ., பஜாஜ் ஃபைனான்ஸ், ஆக்ஸிஸ் பேங்க், இண்டஸ்இண்ட் பேங்க் பங்குகளின் விலை வெள்ளிக் கிழமை குறிப்பிடத்தகுந்த அளவு அதிகரித்து வர்த்தகமானது.”

ஒட்டுமொத்த விகடனுக்கும் ஒரே ஷார்ட்கட்!

ஷேர்லக்
ஷேர்லக்

டைட்டன் பங்கு முதலீட்டை முன்னணி முதலீட்டாளர் ராகேஷ் ஜுன்ஜுன்வாலா குறைத்திருக்கிறாரே?

“தங்க நகை உற்பத்தி மற்றும் சில்லறை விற்பனையில் ஈடுபட்டிருக்கும் டைட்டன் நிறுவனப் பங்கின் விலை கடந்த பிப்ரவரி 20-ல் ரூ.1,320-ஆக இருந்தது. அதன் பிறகு கொரோனா வைரஸ் பரவல் பிரச்னை மற்றும் ஊரடங்கால் இந்தப் பங்கின் விலை மார்ச் 23-ம் தேதி ரூ.800 என்ற அளவுக்கு இறக்கம்கண்டது. வெள்ளிக்கிழமை ரூ.978 என்ற அளவில் வர்த்தகமானது. `நான்காம் காலாண்டில் எதிர்பார்த்த அளவில் நிதிநிலை விவரங்கள் இருக்கும்’ எனச் சொன்னதையடுத்து, இந்தப் பங்கின் விலை ஏற்றம் கண்டுவருகிறது. முன்னணி முதலீட்டாளர் ராகேஷ் ஜுன்ஜுன்வாலா கடந்த மார்ச் காலாண்டில் இந்த நிறுவனப் பங்கு முதலீட்டைக் குறைத்திருக்கிறார். அவரும் அவரின் மனைவியும் டிசம்பர் காலாண்டில் டைட்டன் நிறுவனத்தில் 6.69% பங்குகளை வைத்திருந்தனர். இவற்றை மார்ச் காலாண்டில் 5.53 சதவிகிதமாகக் குறைத்திருக்கிறார்கள். சுமார் ஒரு கோடி பங்குகளை விற்றிருக்கிறார்கள். இதே காலகட்டத்தில் வெளிநாட்டு முதலீட்டாளர்களும் 18.3 சதவிகித்திலிருந்து 17.7 சதவிகிதமாகக் குறைத்திருக்கிறார்கள். அதே நேரத்தில் எல்.ஐ.சி மற்றும் மியூச்சிவல் ஃபண்ட் நிறுவனங்கள் இந்தப் பங்கில் முதலீட்டை அதிகரித்திருக்கின்றன.”

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

நிறுவனர்களே அவர்களின் நிறுவனப் பங்குகளை வாங்கிக் குவித்திருக்கிறார்களே, என்ன காரணம்?

“கடந்த 20 மாதங்களில் இல்லாத அளவுக்கு மார்ச் மாதத்தில் தங்கள் நிறுவனப் பங்குகளில் அதன் நிறுவனர்கள் அதிக அளவு முதலீடு செய்திருக்கிறார்கள். கொரோனா பரவல் பாதிப்பால் ஏற்பட்ட பொருளாதார வளர்ச்சிக் குறைவால் ஏராளமான நல்ல நிறுவனப் பங்குகளின் விலைகூட அதிக வீழ்ச்சியைச் சந்தித்ததே இதற்குக் காரணம். மார்ச் மாதத்தில் நிறுவனத்தின் புரொமோட்டர்கள், இயக்குநர்கள், பணியாளர்கள் எனப் பலதரப்பினரும் அவர்களின் தொடர்புடைய நிறுவனப் பங்குகளை சுமார் ரூ.3,700 கோடி மதிப்புக்கு வாங்கிச் சேர்த்திருக்கிறார்கள். அதேநேரத்தில், அவர்கள் ரூ.1,714 மதிப்புள்ள பங்குகளை விற்றிருக்கிறார்கள். கடந்த பிப்ரவரியில் நிறுவனத்தின் புரொமோட்டர்கள், இயக்குநர்கள் ரூ.11,895 கோடிப் பங்குகளை வாங்கியும், ரூ.1,120 கோடிப் பங்குகளை விற்றும் இருக்கிறார்கள்.

ஷேர்லக் : கொரோனாவால் பங்குகள் விலை வீழ்ச்சி..! - வாங்கிக் குவித்த நிறுவனர்கள்!

டாடா ஸ்டீல், ஹெச்.சி.எல் டெக், ஜி.எம்.ஆர். இன்ஃப்ரா, இந்தியன் ஹோட்டல்ஸ், எம்பசிஸ் (Mphasis) ஆகிய ஐந்து நிறுவனப் பங்குகளில், அவற்றின் நிறுவனர்களின் முதலீடு மார்ச்சில் கணிசமாக அதிகரித்துள்ளது. அதேநேரத்தில் யெஸ் பேங்க், கோட்டக் மஹிந்திரா, ஐ.டி.எஃப்.சி ஃபர்ஸ்ட் பேங்க், ஃப்யூச்சர் ரீடெயில், எரிஸ் லைஃப் சயின்சஸ் ஆகிய ஐந்து நிறுவனப் பங்குகளை அதிக அளவில் அதன் புரொமோட்டர்கள் விற்றிருக்கிறார்கள்.”

நிஃப்டியின் இலக்கை கோல்ட்மேன் சாக்ஸ் குறைத்திருக்கிறதாமே?

“ஏற்கெனவே மந்தநிலையிலிருந்த இந்தியப் பொருளாதாரம், தற்போது கொரோனா காரணமாக மேலும் வீழ்ச்சியைச் சந்தித்து வருகிறது.

பொருளாதாரம் மீள்வதற்கு தாமதமாவதைக் காரணம் காட்டி இந்தியப் பங்குச் சந்தையின் மதிப்பீட்டை, ‘ஓவர்வெயிட்’ என்ற நிலையிலிருந்து ‘மார்க்கெட்வெயிட்’ என்ற நிலைக்குக் குறைத்திருக்கிறது கோல்ட்மேன் சாக்ஸ் நிறுவனம். மேலும், 2020, ஜூன் மாத இறுதிக்கான நிஃப்டியின் இலக்கை 10800 புள்ளிகளிலிருந்து 11% குறைத்து, 9600 புள்ளிகளாக நிர்ணயித்திருக்கிறது. இந்தியப் பொருளாதாரம் இதர ஆசிய நாடுகளைவிட மிகவும் நிதானமாக, படிப்படியாகத்தான் மீண்டுவரும் என்று இந்த நிறுவனம் குறிப்பிட்டிருக்கிறது.’’

ஆர்பிட்ரேஜ் ஃபண்டுகளின் சொத்து மதிப்பில் பெரிய இழப்பு ஏற்பட்டிருக்கிறதாமே?

“2020, மார்ச் மாதத்தில் ஆர்பிட்ரேஜ் ஃபண்டுகளின் சொத்து மதிப்பு 40% அதாவது, சுமார் ரூ.33,767 கோடி அளவுக்குக் குறைந்துள்ளது. தற்போது ஆர்பிட்ரேஜ் ஃபண்டுகளின் சொத்து மதிப்பு ரூ.52,210 கோடியாக உள்ளது. இந்தியாவில் மொத்தம் 25 ஆர்பிட்ரேஜ் ஃபண்டுகள் இருக்கின்றன. இவற்றில், முன்னணியில் இருக்கும் டாப் 5 ஃபண்டுகள் மட்டுமே மொத்த ஆர்பிட்ரேஜ் ஃபண்டுகளின் சொத்து மதிப்பில் மூன்றில் இரண்டு பங்கு சொத்து மதிப்பைக் கொண்டிருக்கின்றன. இதற்கு ஈக்விட்டி ஃபண்ட்போல் வரி விதிக்கப்படுவதால், கார்ப்பரேட் நிறுவனங்கள் மற்றும் பெரிய முதலீட்டாளர்கள், ஆர்பிட்ரேஜ் பங்குகளைத் தேர்ந்தெடுப்பார்கள். ஆனால், மார்ச் மாதத்தில் அந்நிய முதலீட்டாளர்களால் அதிக பங்குகள் விற்பனை செய்யப்பட்டதால், நிறைய ஃப்யூச்சர்ஸ் பங்குகள் தள்ளுபடி விலையில் வர்த்தகம் செய்யப்பட்டன. இதனால் ஆர்பிட்ரேஜ் ஃபண்டுகளின் சொத்து மதிப்பு கணிசமாகக் குறைந்திருக்கிறது.”

ஷேர்லக்
ஷேர்லக்

பங்குத் தரகு நிறுவனங்கள் ஏன் விப்ரோ பங்கின் இலக்கு விலையைக் குறைத்திருக்கின்றன?

“விப்ரோ நிறுவனத்தின் நான்காம் காலாண்டு முடிவுகள் ஏமாற்றத்தைத் தந்திருப்பதால், அந்த நிறுவனத்தின் பங்கு விலை கடந்த வியாழக்கிழமை இறங்கி வர்த்தகமானது. நிறுவனத்தின் வருவாய் குறைந்திருப்பதால், பங்குத் தரகு நிறுவனங்களும் விப்ரோ நிறுவனப் பங்கின் இலக்கு விலையை அதிகபட்சமாக சுமார் 25% வரை குறைத்துள்ளன. கொரோனா பாதிப்பின் காரணமாக, தகவல் தொழில்நுட்ப நிறுவனங்களின் செயல்பாடு வரும் காலாண்டில் கடினமாக இருக்கும். ஆனால், `விப்ரோ நிறுவனம் சிறந்த செயற்பாட்டாளர் என்பதால், அது சிறப்பான செயல்பாட்டையே வரும் காலாண்டிலும் கொண்டிருக்கும்’ என கோட்டக் இன்ஸ்டிட்யூஷனல் ஈக்விட்டீஸ் தெரிவித்துள்ளது. இருப்பினும், 200 ரூபாயாக இருந்த தன் இலக்கு விலையை 195 ரூபாயாகக் குறைத்துள்ளது. ஹெச்.எஸ்.பி.சி 210 ரூபாயாக இருந்த இலக்கு விலையை 200 ரூபாயாகவும், நோமுரா 240 ரூபாயாக இருந்த இலக்கு விலையை 175 ரூபாயாகவும் குறைத்திருக்கின்றன.”

டி.சி.எஸ் காலாண்டு முடிவுகள் முதலீட்டாளர்களின் எதிர்பார்ப்பைப் பூர்த்தி செய்திருக்கின்றனவா?

“ `மார்ச் காலாண்டில் டி.சி.எஸ் 8,216 கோடி ரூபாய் அளவிலான லாபத்தை அடையும்’ என்று சந்தைக் கணிப்பு வெளியாகியிருந்தது. `கொரோனா பாதிக்கப்பட்ட இந்த நேரத்தில் டி.சி.எஸ் கணிப்புகளை ஈடுசெய்யுமா’ என்ற சந்தேகம் முதலீட்டாளர்கள் மத்தியில் இருந்தது. இந்த நிலையில் டி.சி.எஸ் தற்போது 8,049 கோடி ரூபாய் லாப அளவைப் பதிவு செய்திருக்கிறது. இது கடந்த நிதியாண்டின் மார்ச் காலாண்டை விட 0.94% குறைவு. 2020, மார்ச் காலாண்டில் டி.சி.எஸ் சுமார் 39,946 கோடி ரூபாய் அளவிலான வருவாயைப் பெற்றிருந்தது. இது கடந்த நிதியாண்டைவிட 5% அதிகம். கொரோனா பாதிப்பால் வெளிநாட்டு வர்த்தகம் பெரிய அளவில் பாதிக்கப்படும் என எதிர்பார்க்கப்படும் நிலையில், டி.சி.எஸ் முதலீட்டாளர்களுக்குச் சாதகமான முடிவை எடுத்திருக்கிறது. `ஊழியர்களைப் பணிநீக்கம் செய்ய மாட்டோம்’ என்று தெரிவித்தி ருப்பதும், முதலீட்டாளர்கள் மத்தியில் நம்பிக்கையை உருவாக்கியிருக்கிறது. இதனால் வெள்ளிக் கிழமை அதன் பங்கு விலை 5.32% அதிகரித்தது.”

பி.ஏ.சி.எல் நிறுவன முதலீட்டாளர்களுக்குப் பணம் திரும்பக் கிடைத்ததா?

“பி.ஏ.சி.எல் நிறுவனம், வேளாண்மை மற்றும் ரியல் எஸ்டேட் துறையின் பெயரில் பொதுமக்களிடமிருந்து சட்டத்துக்கு விரோதமான கூட்டு முதலீட்டுத் திட்டங்கள்மூலம் 60,000 கோடி ரூபாய்க்குமேல் வசூல் செய்திருந்தது. செபி அமைப்பு அந்த நிறுவனத்தைத் தடை செய்தது. அதில் முதலீடு செய்தவர்களில் எட்டு லட்சத்துக்கும் மேற்பட்டவர்களுக்கு 205 கோடி ரூபாய் திருப்பி வழங்கப்பட்டுள்ளது.

மொத்தம் 7,000 கோடி ரூபாய் வரை கோரப்பட்டுள்ளது” என்றவர், ‘‘கொரோனாவால் ஏற்பட்ட பொருளாதார பாதிப்பின் விளைவு அடுத்த மாதத்திலிருந்துதான் தெரிய ஆரம்பிக்கும். இந்த நேரத்தில் கையிலிருக்கும் பணத்தை பத்திரமாக வைத்துக்கொள்வது அவசியம்’’ என்று சொல்லிவிட்டு, வீடியோவிலிருந்து மறைந்தார்.