Published:Updated:

ஷேர்லக் : வாங்கிக் குவிக்கப்படும் பொதுத்துறைப் பங்குகள்! - ஆர்வம்காட்டும் நிறுவன முதலீட்டாளர்கள்!

ஷேர்லக்
பிரீமியம் ஸ்டோரி
News
ஷேர்லக்

ஊரடங்கில் இன்னும் கெடுபிடிகள் இருப்பதால் நிறுவனங்களால் முழுமையாகச் செயல்பட முடியாத சூழலே இருக்கிறது!

காலையிலேயே ஷேர்லக் கேட்டுக்கொண்டபடி நாம் கேள்விகளை மெயிலில் அனுப்பிவைத்தோம். அவர் மாலை 4:00 மணிக்கு பதில்களை அனுப்பிவைத்தார்.

வோடஃபோன் நிறுவனப் பங்கு விலை வேகமாக உயர்ந்து வருகிறதே?

“கடந்த புதன்கிழமை அன்று வோடஃபோன் ஐடியா நிறுவனத்தின் பங்கு விலை, ஒரே நாளில் 20% வரை அதிகரித்து 12.62 ரூபாய்க்கு வர்த்தகமானது. இது இந்த நிறுவனப் பங்கின் 52 வார அதிகபட்ச விலையான 13.55 ரூபாய்க்கு மிக நெருங்கிய விலை. கடந்த ஏழு வர்த்தக தினங்களில் மட்டும் வோடஃபோன் ஐடியா நிறுவனத்தின் பங்கு விலை 116% அதிகரித்து வர்த்தகம் ஆகியிருக்கிறது. அதாவது, 5.83 ரூபாயிலிருந்து, 12.62 ரூபாய்க்கு அதிகரித்து வர்த்தகம் ஆகியிருக்கிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஷேர்லக் : வாங்கிக் குவிக்கப்படும் பொதுத்துறைப் பங்குகள்! - ஆர்வம்காட்டும் நிறுவன முதலீட்டாளர்கள்!

தற்போதைய நிலையில், இந்த நிறுவனத்தின் மார்க்கெட் கேப்பிட்டலைசேஷன் 30,229.63 கோடி ரூபாயாக அதிகரித்திருக்கிறது. அந்த வகையில், மார்க்கெட் கேப்பிட்டலைசேஷன் அடிப்படையில் 100-வது இடத்திலிருந்து 91-வது இடத்துக்கு இந்த நிறுவனம் முன்னேறியிருக்கிறது.

கடந்த ஒரு மாத காலத்தில் இந்த நிறுவனப் பங்கின் விலை 200 சதவிகிதத்துக்கும் அதிகமாக உயர்ந்திருக்கிறது. கடந்த 10 வர்த்தக தினங்களில் மட்டும் 100 சதவிகிதத்துக்கும் அதிகமாக விலை உயர்ந்திருக்கிறது.’’

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

பங்குத் தரகு நிறுவனங்கள், `12 மல்டிகேப் பங்குகள் இனிவரும் காலத்தில் இரண்டு இலக்க வருமானத்தைத் தரும்’ எனச் சொல்லியிருக்கின்றனவே?!

“ஆச்சர்யம்தரும்விதமாக, கடந்த இரண்டு வாரங்களாகவே பங்குச் சந்தை இரண்டு இலக்க ஏற்றத்துடன் வர்த்தகமாகிவருகிறது. இது மக்களிடம் பணப்புழக்கம் அதிகரித்திருப்பதையும், இந்தியப் பொருளாதாரம் மீண்டும் நல்ல நிலைக்குத் திரும்பும் என்ற நம்பிக்கை முதலீட்டாளர்களுக்கு வந்திருப்பதையும் குறிக்கிறது.

ஷேர்லக்
ஷேர்லக்

இருப்பினும், கொரோனா பயத்தின் காரணமாகவும், ஊரடங்கில் இன்னும் கெடுபிடிகள் இருப்பதாலும் நிறுவனங்களால் முழுமையாகச் செயல்பட முடியாத சூழலே இருக்கிறது. இந்த நிலை மாறும் வரை பங்குச் சந்தையில் தொடர்ச்சியான ஏற்றத்தைக் காண்பது சற்றே சிரமம்தான்.

ஆனால், சில லார்ஜ்கேப் பங்குகள் இரட்டை இலக்கத்தில் விலை அதிகரித்துவருகின்றன. ஜியோஜித் செக்யூரிட்டீஸ், ஆக்ஸிஸ் செக்யூரிட்டீஸ், ஏஞ்சல் புரோக்கிங், கே.ஆர் சோக்செய் (Choksey) ஆகிய தரகு நிறுவனங்கள் 12 மல்டிகேப் பங்குகளின் இலக்கு விலையை அதிகரித்து, `இந்த நிறுவனப் பங்குகள் 14-43% வரை வருமானம் தரக்கூடும்’ எனக் குறிப்பிட்டிருக்கின்றன.

இந்த 12 பங்குகள் என்னென்ன என்று தெரிந்துகொள்ள ஆர்வமாக இருக்கிறதா? இதோ, அந்தப் பட்டியல்....

`ஹெச்.டி.எஃப்.சி (23.2%), பஜாஜ் ஃபைனான்ஸ் (20.3%), ஐ.சி.ஐ.சி.ஐ பேங்க் (20.4%), ஐ.டி.சி (30.9%), யூ.பி.எஸ் (428%), எஸ்.பி.ஐ (30.1%), பயோகான் (24.2%), ஹெச்.டி.எஃப்.சி பேங்க் (28.2%), ஆக்ஸிஸ் பேங்க் (19.1%), கோல்கேட் பாமோலிவ் (18%), பஜாஜ் ஆட்டோ (17.5%), ஹெச்.சி.எல் டெக் (13.7%) ஆகிய பங்குகளின் விலை உயரும் என பங்குத் தரகு நிறுவனங்கள் தெரிவித்திருக்கின்றன.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

குறிப்பிட்ட பொதுத்துறை நிறுவனப் பங்குகளில் நிறுவன முதலீட்டாளர்கள் முதலீட்டை அதிகரித்திருக்கிறார்களே?

“பொருளாதார மந்தநிலை மற்றும் கொரானா வைரஸ் பரவல் ஊரடங்கு போன்றவற்றால் இந்தியப் பங்குச் சந்தை அதிக ஏற்ற இறக்கத்தில் இருக்கிறது. இந்த நிலையில், சிறு முதலீட்டாளர்கள் தொடங்கி பெருநிறுவன முதலீட்டாளர்கள் வரை அனைவரும் பாதுகாப்பான பங்குகளை முதலீட்டுக்குத் தேடி வருகிறார்கள். இவர்கள், `லாபத்தில் இயங்கும் பொதுத்துறை நிறுவனப் பங்குகள் பாதுகாப்பானதாகவும், அதிக டிவிடெண்ட் வழங்குவதாகவும் இருக்கும்’ என எண்ணி முதலீடு செய்ய ஆரம்பித்திருக்கிறார்கள்.

ஷேர்லக்
ஷேர்லக்

குறிப்பாக, அந்நிய நிதி நிறுவன முதலீட்டாளர்கள் (எஃப்.ஐ.ஐ-க்கள்), மியூச்சுவல் ஃபண்ட் நிறுவனங்கள், இன்ஷூரன்ஸ் நிறுவனங்கள் ஆகியவை முன்னணி பொதுத்துறை நிறுவனப் பங்குகளை வாங்கிக் குவிப்பதாகத் தகவல் வெளியாகியிருக்கிறது. இந்த நிறுவனங்கள் அடிப்படையில் வலுவாக இருக்கின்றன. அதேநேரத்தில், நடப்பு ஆண்டில் ஜனவரி முதல் பங்கு விலையில் அதிக இறக்கம் கண்டு, சமீபத்திய ஏற்றத்தில் ஏறத் தொடங்கியிருப்பவை.

கடந்த மார்ச் காலாண்டில் மியூச்சுவல் ஃபண்ட் மேனேஜர்கள் கோல் இந்தியா, ஐ.ஓ.சி., என்.டி.பி.சி., பி.பி.சி.எல்., பவர் கிரிட், ஓ.என்.ஜி.சி., பி.இ.எல்., ஹெச்.பி.சி.எல்., கெயில் இந்தியா, பி.எஃப்.சி., கன்டெய்னர் கார்ப்பரேஷன், என்.எம்.டி.சி., நியூ இந்தியா அஷூரன்ஸ், ஆகிய பங்குகளில் நிறுவன முதலீட்டாளர்கள் முதலீட்டைக் கணிசமாக அதிகரித்திருக்கிறார்கள்.

`முதலீட்டாளர்கள் அவர்களின் பங்கு போர்ட்ஃபோலியோவில் சுமார் 10-15% அளவுக்கு பொதுத்துறை நிறுவனப் பங்குகளில் முதலீட்டை மேற்கொள்ளலாம்’ என்கிறார்கள் பகுப்பாய்வாளர்கள். ஊரடங்கு முழுமையாக விலக்கிக்கொள்ளப்பட்டு, பொருளாதாரம் மேம்படும்போது இந்த நிறுவனப் பங்குகளின் செயல்பாடும் மேம்படும் என எதிர்பார்க்கப் படுகிறது.”

கோத்ரேஜ் நிறுவனப் பங்கின் விலை திடீரென சரிந்ததற்கு என்ன காரணம்?

“கோத்ரேஜ் நிறுவனத்தின் தலைமைச் செயல் அதிகாரியான விவேக் கம்பீர், கடந்த ஜூன் 10-ம் தேதி ராஜினாமா செய்ததைத் தொடர்ந்து அந்த நிறுவனத்தின் பங்கு விலை ஒரேநாளில் 4% சரிந்தது. இந்த நிறுவனத்தின் பங்கு கடந்த ஒரு மாதத்தில் மட்டும் 22% ஏற்றம் கண்டது. விவேக் ராஜினாமா செய்திருப்பதால், வரும் ஜூலை 1-ம் தேதி நிஸாபா கோத்ரேஜ், இந்த நிறுவனத்தின் சி.இ.ஓ மற்றும் மேலாண்மை இயக்குநராகப் பதவியேற்கப்போகிறார்.”

தானுகா அக்ரிடெக் மற்றும் துவாரகேஷ் சுகர் நிறுவனங்களின் பங்கு விலை அதிகரித்திருக்கிறதே?

“தானுகா அக்ரிடெக் மற்றும் துவாரகேஷ் சுகர் ஆகிய நிறுவனங்கள் கடந்த ஜூன் 10-ம் தேதி, தங்களின் வலுவான மார்ச் காலாண்டு முடிவுகளை வெளியிட்டன. இதனால் அன்றைய தினத்தில் இவ்விரு நிறுவனங்களின் பங்கு விலையும் 52 வார அதிகபட்ச விலையைத் தொட்டு வர்த்தகமாகின. துவாரகேஷ் நிறுவனத்தின் நிகர லாபம் 37% அதிகரித்து, 44.26 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 32.34 கோடி ரூபாயாக இருந்தது. அதேபோல, இந்த நிறுவனத்தின் செயல்பாட்டு வருமானம் 118% அதிகரித்து, 461.7 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 211.22 கோடி ரூபாயாக இருந்தது.

தானுகா அக்ரிடெக் நிறுவனத்தின் நிகர லாபம் 46% அதிகரித்து 39 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 26.70 கோடி ரூபாயாக இருந்தது. அதேபோல, இந்த நிறுவனத்தின் வருமானம் 18.1% அதிகரித்து 227.57 கோடி ரூபாயாக இருக்கிறது. இது இதற்கு முந்தைய ஆண்டின் இதே காலகட்டத்தில் 192.71 கோடி ரூபாயாக இருந்தது.

ஜே.எம் ஃபைனான்ஷியல் நிறுவனத்தின் பங்கு விலை திடீரென உயர என்ன காரணம்?

“இந்த நிறுவனம் தகுதி வாய்ந்த முதலீட்டாளர்கள் (க்யூ.ஐ.பி-Qualified Institutional Buyer (QIB)) மூலம் 770 கோடி ரூபாய் நிதி திரட்டத் திட்டமிட்டிருப்பதாக அறிவித்தது. இதையடுத்து இந்த நிறுவனத்தின் பங்கு விலை, கடந்த ஜூன் 10-ம் தேதி 3% அதிகரித்து வர்த்தகமானது. வர்த்தகம் முடியும்போது 1.41% இறக்கம்கண்டது. வியாழக்கிழமை அன்று 0.75% விலை ஏறியது.”

குபிட் (Cupid) நிறுவனத்தின் பங்கு விலை அதிகரிக்க என்ன காரணம்?

“கடந்த வாரம் புதன்கிழமை அன்று குபிட் நிறுவனத்தின் பங்கு விலை 7.5% அதிகரித்து வர்த்தகமானது. தான்சானியா நாட்டு அரசின் மருந்துவத்துறையிடமிருந்து இந்த நிறுவனத்துக்கு 23.61 கோடி ரூபாய் மதிப்பிலான குழந்தை பிறப்புத் தடுப்பு சாதனத்துக்கான ஆர்டர் கிடைத்திருப்பதுதான் பங்கு விலை உயர்வுக்கு மிக முக்கியக் காரணம். இந்த நிறுவனத்தின் பங்கு விலை கடந்த ஓராண்டில் 39% வரை அதிகரித்திருக்கிறது.

ஹீரோ மோட்டோகார்ப் நிறுவனத்தின் மோசமான மார்ச் காலாண்டு முடிவுகளால் கடந்த ஜூன் 10-ம் தேதியில் இந்த நிறுவனத்தின் பங்கு விலை 2% குறைந்து வர்த்தகமானது.

மார்ச் காலாண்டு முடிவின்படி நிறுவனத்தின் லாபம் 15% குறைந்து 621 கோடி ரூபாயாக இருக்கிறது. இது கடந்த ஆண்டின் இதே காலகட்டத்தில் 730.32 கோடி ரூபாயாக இருந்தது. அதேபோல, செயல்பாட்டு லாபம் 21% குறைந்து 6,238 கோடி ரூபாயாக உள்ளது. எபிட்டா வருமானமும் 38.3% குறைந்து 660 கோடி ரூபாயாக இருக்கிறது.

அதே நேரத்தில், அடுத்துவரும் காலாண்டுகளில் இந்த நிறுவனத்தின் செயல்பாடு மேம்பட அதிக வாய்ப்பிருப்பதால் பல பங்கு தரகு நிறுவனங்கள், இந்த நிறுவனப் பங்கை வாங்கப் பரிந்துரை செய்திருக்கின்றன’’ என்றவர், “கொரோனா பாதிப்பு நாளுக்கு நாள் அதிகமாகிக்கொண்டே வருவது கவலையளிக்கிறது. அனைவரும் பாதுகாப்புடன் கவனமாகச் செயல்பட வேண்டியது மிக அவசியம்” என அக்கறையுடன் முடித்திருந்தார்.

என்.ஆர்.ஐ: வரி முதல் முதலீடு வரை! நாணயம் விகடன் நடத்தும் ஆன்லைன் பயிற்சி வகுப்பு

ஷேர்லக் : வாங்கிக் குவிக்கப்படும் பொதுத்துறைப் பங்குகள்! - ஆர்வம்காட்டும் நிறுவன முதலீட்டாளர்கள்!

வெளிநாடுவாழ் இந்தியர்களுக்கு (என்.ஆர்.ஐ) வருமான வரி முதலீடு / வருமான வரிக் கணக்கு தாக்கல், வீடு, மனை வாங்குதல், நிறுவனப் பங்குகள், மியூச்சுவல் ஃபண்ட் முதலீடு போன்றவை குறித்த பல்வேறு சந்தேகங்கள் இருக்கும். இவற்றுக்கு விடையளிக்கும்விதமாக நாணயம் விகடன் ‘என்.ஆர்.ஐ - வரி முதல் முதலீடு வரை’ என்ற தலைப்பில் ஆன்லைன் பயிற்சி வகுப்பு ஒன்றை நடத்துகிறது.

இந்தப் பயிற்சி வகுப்பில் என்.ஆர்.ஐ-களுக்கு வருமான வரி மற்றும் முதலீட்டு ஆலோசனைகளை வழங்கவிருக்கிறார் கோயம்புத்தூரைச் சேர்ந்த முன்னணி ஆடிட்டர் ஜி.கார்த்திகேயன். பயிற்சி வகுப்பு ஜூன் 19, இரவு 7 மணி முதல் 9 மணி வரை (இந்திய நேரப்படி) இரண்டு மணி நேரம் நடக்கிறது. இந்தப் பயிற்சி வகுப்பில் பங்கேற்க, கட்டணம் ரூ.900. முன்பதிவு செய்ய https://bit.ly/373dCmq கூடுதல் விவரங்களுக்கு: 9940415222

ஸ்டார்ட்அப் - பேசிக்... நாணயம் விகடன் நடத்தும் ஆன்லைன் பயிற்சி வகுப்பு!

நாணயம் விகடன் ‘ஸ்டார்ட்அப் - பேசிக்’ என்ற தலைப்பில் ஆன்லைன் பயிற்சி வகுப்பை நடத்துகிறது. பயிற்சி வகுப்பு ஜூன் 22-ம் தேதி, மாலை 4 மணி முதல் 6 மணி வரை நடக்கிறது. இந்தப் பயிற்சி வகுப்பில் கலந்துகொள்ள ரூ.400 கட்டணம் செலுத்த வேண்டும். ஜூன் 21 மாலை 6 மணிக்குப் பதிவு நிறைவடையும்.

‘ஸ்டார்ட்அப் - பேசிக்’ பயிற்சி வகுப்பை நடத்தப்போகிறவர் சென்னை ஐ.ஐ.டி-யின் டிபார்ட்மென்ட் ஆஃப் மேனேஜ்மென்ட் ஸ்டடீஸின் பேராசிரியர் எ.தில்லை ராஜன். YNOS venture engine என்ற அமைப்பைத் தொடங்கி நடத்திவருகிறார்.

பதிவு செய்ய https://bit.ly/30r5pqO கூடுதல் விவரங்களுக்கு 9940415222

எஃப் & ஓ
எஃப் & ஓ

டிரேடர் பக்கங்கள் மற்றும் எஃப் & ஓ பகுதியைப் படிக்க: https://bit.ly/2B2VP2s