Published:Updated:

ஷேர்லக் : கொரோனாவால் பயனடையும் துறைகள்!

ஷேர்லக்
பிரீமியம் ஸ்டோரி
ஷேர்லக்

முதலீட்டாளர்கள் கவனத்துக்கு..!

ஷேர்லக் : கொரோனாவால் பயனடையும் துறைகள்!

முதலீட்டாளர்கள் கவனத்துக்கு..!

Published:Updated:
ஷேர்லக்
பிரீமியம் ஸ்டோரி
ஷேர்லக்
திகாலையிலேயே ஷேர்லக்குக்கு போன் செய்து, ‘பிற்பகல் 3:30 மணிக்கு வாட்ஸ்அப்பில் கேள்விகளை அனுப்புகிறோம். மாலை 6:00 மணிக்குள் பதில் அனுப்புங்கள்’ என்று சொல்லியிருந்தோம். அதன்படி நாம் அனுப்பிய கேள்விகளும் அதற்கு அவர் அனுப்பிய பதில்களும்...

மாருதி சுஸூகி பங்கு விலை திடீர் உயர்வுக்கு என்ன காரணம்?

“ஊரடங்கின் காரணமாக ஆட்டோமொபைல் துறை சார்ந்த நிறுவனங்களின் விற்பனை முற்றிலுமாகத் தடைப்பட்டிருந்தது. ஆன்லைன் வர்த்தகம் மூலம் தங்கள் வாகனங்களை விற்க அவை முன்வந்தன. அதன் பிறகு விற்பனை ஓரளவுக்கு நடைபெற்றது. அந்த வகையில் மாருதி சுஸூகி நிறுவனமும் ஆன்லைனில் விற்பனையைச் செய்துவந்தது. 40 நாள்கள் ஊரடங்குக்குப் பிறகு, கடந்த மே 18-ம் தேதிக்குப் பிறகு ஷோரூம் மற்றும் தொழிற்சாலைகள் செயல்பாட்டுக்கு வந்தன. அதனால் கடந்த இரண்டு தினத்தில் 5,000 கார்கள் விற்பனையாகியிருப்பதாக அந்த நிறுவனம் தெரிவித்திருக்கிறது. இதன் காரணமாக பங்கு முதலீட்டாளர்கள் இந்த நிறுவனப் பங்கில் மீண்டும் முதலீடு செய்ய ஆரம்பித்திருக்கிறார்கள். இதனால், விலை ஏற ஆரம்பித்திருக்கிறது.”

ஒட்டுமொத்த விகடனுக்கும் ஒரே ஷார்ட்கட்!

ஷேர்லக்
ஷேர்லக்

சந்தை மூலதன மதிப்பீட்டில் அவென்யூ சூப்பர் மார்க்கெட் நிறுவனம் முன்னேறியிருக்கிறதாமே?

“ஆமாம். சந்தை மூலதன மதிப்பீட்டின் அடிப்படையில் அவென்யூ சூப்பர் மார்க்கெட் நிறுவனம், பி.எஸ்.இ-யில் 11-வது இடத்தைப் பிடித்திருக்கிறது. மும்பை பங்குச் சந்தையில் இந்த நிறுவனத்தின் சந்தை மூலதனம் ரூ.1,58,902.37 கோடியாக உள்ளது. கடந்த புதன் அன்று இந்த நிறுவனத்தின் பங்கு மதிப்பு 5% அளவுக்கு உயர்ந்து 2,453.05 ரூபாயை எட்டியது. அவென்யூ சூப்பர் மார்க்கெட் நிறுவனத்தின் சந்தை மூலதனம் உயர்ந்ததால், நெஸ்லே இந்தியா, மாருதி சுஸூகி இந்தியா, ஏசியன் பெயின்ட்ஸ் மற்றும் ஹெச்.சி.எல் டெக்னாலஜீஸ் ஆகிய நிறுவனங்களைப் பின்னுக்குத் தள்ளி 11-வது இடத்தைப் பிடித்தது. டீமார்ட் சில்லறை வணிக நிறுவனங்கள் அவென்யூ சூப்பர் மார்க்கெட் நிறுவனத்தைச் சேர்ந்தவை. அவென்யூ சூப்பர் மார்க்கெட் நிறுவனத்தின் பங்கு விலை இந்த ஆண்டில் மட்டும் 33% உயர்ந்திருக்கிறது.”

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

பங்குச் சந்தை சரிவிலும் ஐ.டி நிறுவனப் பங்குகள் ஏற்றத்தில் செயல்பட்டதுக்கு என்ன காரணம்?

“கடந்த சில வாரங்களில் பங்குச் சந்தை பெருத்த சரிவு கண்ட சூழ்நிலை யிலும்கூட, டி.சி.எஸ் மற்றும் இன்ஃபோசிஸ் நிறுவனப் பங்குகள் ஏற்றத்தில் செயல்பட்டன. நிஃப்டி இண்டெக்ஸில் ஏற்றம் பெற்றிருந்த ஆறு நிறுவனப் பங்குகளில் மூன்று நிறுவனங்கள் ஐ.டி துறை சார்ந்த நிறுவனங்கள். அன்றைய தினம், நிஃப்டி ஐ.டி இண்டெக்ஸ் ஏற்றத்தில் செயல்பட்டிருந்தது. மற்ற இண்டெக்ஸ்கள் அனைத்தும் இறக்கம்கண்டிருந்தன.

வர்த்தக நேரத்தில் ரூபாயின் மதிப்பு சற்று அதிகரித்ததே ஐ.டி துறை பங்குகளின் ஏற்றத்துக்குக் காரணமாக இருக்கிறது. அதுமட்டுமல்லாமல், இந்த கொரோனா ஊரடங்கு காலத்திலும்கூட வொர்க் ஃப்ரம் ஹோம் முறையில் வீட்டிலிருந்தபடியே ஐ.டி ஊழியர்கள் பணியாற்றுவது அந்த நிறுவனங்களின் மீது முதலீட்டாளர் களுக்கு ஏற்பட்டுள்ள நம்பிக்கைக்கும் ஏற்றத்துக்கும் காரணமாகும்.”

ஷேர்லக்
ஷேர்லக்

எல் & டி இன்ஃபோடெக் நிறுவனத்தின் பங்கு விலையில் திடீர் ஏற்றம் ஏற்பட்டுள்ளதாமே?

“நான்காம் காலாண்டில் அந்த நிறுவனத்தின் நிகர லாபம் கடந்த நிதியாண்டின் 12.9% ஏற்றம் ஏற்பட்டு ரூ.427.5 கோடியாக இருக்கிறது. காலாண்டு முடிவுகள் நல்ல முறையில் வெளியானதையடுத்து, கடந்த புதன் அன்று வர்த்தக நாளின் இடையே அதன் பங்கு விலையில் 6% ஏற்றம் ஏற்பட்டது. கடந்த ஒரு மாத காலத்தில் இந்தப் பங்கின் விலையில் 18% ஏற்றம் ஏற்பட்டிருக்கிறது. இந்த நிறுவனப் பங்கின் தர மதிப்பீட்டை மார்கன் ஸ்டேன்லி நிறுவனம், `ஓவர்வெயிட்’ என்ற நிலையிலேயே வைத்திருக்கிறது. இலக்கு விலையை ரூ.1,860 என நிர்ணயித்திருக்கிறது.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கொரோனா விளைவால் எந்தத் துறைகளுக்கு பிரகாசமான எதிர்காலம் இருக்கிறது?

“மத்திய அரசு அறிவித்த ரூ.20 லட்சம் கோடி ஊக்கத் தொகைக்கு இந்தியப் பங்குச் சந்தையில் வரவேற்பில்லை.

அதேநேரத்தில், உள்கட்டமைப்பு, வங்கிகள், வங்கிசாரா நிதி நிறுவனங்கள் மீண்டு வர பல்வேறு ஊக்கத் திட்டங்களை மத்திய அரசு அறிவித்திருக்கிறது. ஆனால், `இவை எப்படி நடைமுறைப்படுத்தப்படும், அவற்றின் பலன்கள் சாதகமாக இருக்குமா என்பது பெரிய கேள்விக்குறியாக இருப்பதால், இந்தத் துறை சார்ந்த நிறுவனப் பங்குகளை சிறு முதலீட்டாளர்கள் தவிர்ப்பது நல்லது’ என்கிறார்கள் பெரும்பாலான அனலிஸ்ட்கள். அதேநேரத்தில், `பார்மா, அத்தியாவசியப் பொருள்கள் குறிப்பாக, எஃ.ப்.எம்.சி.ஜி., சானிடைஸர்கள், டெலிகாம் துறை நிறுவனப் பங்குகளை தற்போதைய நிலையில் சிறு முதலீட்டாளர்கள் கவனிக்கலாம்’ என்கிறார்கள் அந்த அனலிஸ்ட்கள். இவற்றில் டெலிகாம் துறை நிறுவனங்கள்தான் அதிகம் லாபம் அடையும் என மதிப்பிடப்பட்டிருக்கிறது. காரணம், நாட்டில் முன்பைவிட அதிகம் இணையப் பயன்பாடு அதிகரித்துள்ளது. மேலும், ஆன்லைன் மூலம் அலுவலகக் கூட்டங்கள் நடத்துவது, பயிற்சி வகுப்புகள், பள்ளி, கல்லூரி மாணவர்களுக்குப் பாடம் நடத்துவது, வீட்டிலிருந்தே பணிபுரிவது போன்றவை நடந்துவருவதால், இணையப் பயன்பாடு முன்பைவிட மிக அதிக அளவில் உயர்ந்துள்ளது. இந்தத் தேவை வரும் காலங்களிலும் தொடரும் என எதிர்பார்க்கப்படுகிறது. சில மாதங்களுக்கு முன்னர் இந்தத் துறை வருமானக் குறைவு, அரசுக்குச் செலுத்த வேண்டிய நிலுவைத் தொகை உள்ளிட்ட பல்வேறு பிரச்னைகளைச் சந்தித்துவந்தது. இவை இப்போது சரியாகிவிட்டன. `அடுத்த பத்தாண்டு காலத்தில் இந்திய டெலிகாம் துறை வருவாய் வளர்ச்சி ஆண்டுக்குச் சராசரியாக 14 சதவிகிதமாக இருக்கும்’ என்று சொல்லப்படுகிறது’’ என்றவர், ‘‘பங்குச் சந்தை ஏற்ற இறக்கமாகவே இருப்பதால், மிக மிக நீண்டகாலத்தில் முதலீடு செய்பவர்கள் மட்டுமே முதலீடு செய்யலாம். மற்றவர்கள் கொஞ்சம் தள்ளி நிற்கலாம்’’ என்ற எக்ஸ்ட்ரா அட்வைஸையும் சேர்த்து அனுப்பியிருந்தார்!

ஷேர்லக் : கொரோனாவால் பயனடையும் துறைகள்!

டிரேடர் பக்கங்கள் மற்றும் எஃப் & ஓ பகுதியைப் படிக்க: https://bit.ly/2LOS6YJ

ஆன்லைனில் ஏற்றுமதி பயிற்சி வகுப்பு..!

கொரோனா தாக்கத்தால் ஏற்றுமதித் தொழிலில் ஏற்படக்கூடிய மாற்றங்கள் என்னென்ன, மாற்றங்களால் உருவாகும் புதிய வாய்ப்புகள் என்னென்ன, புதிய வாய்ப்புகளைக் கண்டறிவது எப்படி என்பது குறித்து வழிகாட்டுகிறார் ஏற்றுமதி ஆலோசகர் கே.எஸ்.கமாலுதீன்.

மே 30-ம் தேதி நாணயம் விகடன் நடத்தும் ஆன்லைன் பயிற்சிக்கு கீழே உள்ள லிங்க்கில் பதிவு செய்துகொள்ளுங்கள்... https://bit.ly/3fWudfA கூடுதல் விவரங்களுக்கு 9940415222

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism