Published:Updated:

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

ஷேர்லக்
பிரீமியம் ஸ்டோரி
ஷேர்லக்

கொரோனா பாதிப்பு குறைகிறதா அதிகரிக்கிறதா என்பதைப் பொறுத்து சந்தையின் போக்கு இருக்கும்!

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

கொரோனா பாதிப்பு குறைகிறதா அதிகரிக்கிறதா என்பதைப் பொறுத்து சந்தையின் போக்கு இருக்கும்!

Published:Updated:
ஷேர்லக்
பிரீமியம் ஸ்டோரி
ஷேர்லக்
திகாலையிலேயே ஷேர்லக்கிடமிருந்து போன் வர பதறியபடி எடுத்துப் பேசினோம். “இன்று முழு நாளும் ஆன்லைனில் முக்கியமான மீட்டிங் இருக்கு. கேள்விகளை இரண்டு பகுதிகளாக அனுப்புங்கள்” என்று சொல்லிவிட்டு, போனை வைத்துவிட்டார். நாம் எல்லா கேள்விகளையும் அனுப்பிவிட்டுக் காத்திருக்க, மாலை 4 மணிக்கு நம் மெயிலுக்கு பதில்களை அனுப்பி வைத்தார்.

எல்.ஐ.சி பங்குச் சந்தை முதலீட்டில் ரூ.14,800 கோடி லாபம் பார்த்திருக்கிறதே?

“நடப்பு நிதி ஆண்டில் ஏப்ரல் முதல் செப்டம்பர் வரையிலான காலகட்டத்தில் ஆயுள் காப்பீட்டு நிறுவனமான எல்.ஐ.சி பங்கு முதலீட்டின் மூலம் சுமார் ரூ.14,800 கோடி லாபம் பார்த்திருக்கிறது. அதாவது, எல்.ஐ.சி நிறுவனம் கடந்த காலத்தில் மலிவான விலையில் வாங்கிய பங்குகள் நல்ல லாபத்துக்கு வரவே, பிராஃபிட் புக்கிங் செய்திருக்கிறது. இந்த லாபம் கடந்த நிதி ஆண்டின் இதே காலத்தில் ரூ.11,440 கோடியாக இருந்தது. இது சுமார் 30% அதிகமாகும்.

எல்.ஐ.சி நிறுவனம் நடப்பு 2020-21 நிதி ஆண்டில் செப்டம்பர் மாதம் வரையில், அரசுக் கடன் பத்திரங்கள், நிறுவனக் கடன் பத்திரங்கள் மற்றும் பங்குச் சந்தையில் செய்திருக்கும் முதலீடு சுமார் ரூ.2,63,846 கோடியாக உள்ளது. இது கடந்த 2019-20-ம் நிதி ஆண்டில் இதே காலத்தில் ரூ.2,44,931 கோடியாக இருந்தது. நடப்பு நிதி ஆண்டில் மீதமுள்ள மாதங்களில் ரூ.2 லட்சம் கோடியை புதிதாக முதலீடு செய்ய எல்.ஐ.சி நிறுவனம் திட்டமிட்டுள்ளது.’’

ஒட்டுமொத்த விகடனுக்கும் ஒரே ஷார்ட்கட்!

ஷேர்லக்
ஷேர்லக்

நடப்பு அக்டோபரில் இந்திய பங்குச் சந்தை பாசிட்டிவ் வருமானம் தரும் என்கிறார்களே!

“பொதுவாக, இந்திய பங்குச் சந்தை அக்டோபர் மாதத்தில் பாசிட்டிவ் வருமானத்தைத் தந்திருக்கிறது. கடந்த பத்தாண்டுகளில் ஏழு முறை பாசிட்டிவ் ரிட்டர்ன் தந்திருக்கிறது. கடந்த செப்டம்பரில் இந்திய சந்தை அதிக ஏற்ற இறக்கத்துடன் இருந்தது. அக்டோபரில் அந்த அளவுக்கு அதிக ஏற்ற இறக்கம் இருக்காது என்கிறார்கள் பங்குச் சந்தை நிபுணர்கள். அதே நேரத்தில், கொரோனா பாதிப்பு எந்த அளவுக்குக் குறைகிறது அல்லது அதிகரிக்கிறது என்பதைப் பொறுத்தும் சந்தையின் போக்கு இருக்கும் என்கிறார்கள். அக்டோபர் 8-ம் தேதி சென்செக்ஸ் 40400 புள்ளிகள் என்ற நிலையிலும், நிஃப்டி 11880 என்கிற நிலையிலும் வர்த்தகமாகி வருகிறது. 2011 மற்றும் 2013–ம் ஆண்டுகளில் அக்டோபரில் முறையை சுமார் 7.5% மற்றும் 10% உயர்ந்துள்ளது. 2017-ல் அக்டோபரில் 7 சதவிகிதத்துக்குமேல் அதிகரித்துள்ளது. 2012, அக்டோபரில் இந்தியச் சந்தை 1.4% இறக்கம் கண்டுள்ளது. 2018 அக்டோபரில் சந்தை சுமார் 5% இறக்கம் கண்டிருக்கிறது.

கடந்த 10 ஆண்டுகளில் அக்டோபர் மாதங்களில் எட்டு ஆண்டுகள் அந்நிய நிதி முதலீட்டாளர்கள் (எஃப்.ஐ.ஐ-க்கள்) நிகர முதலீட்டாளர்களாக இருந்திருக்கிறார்கள். எஃப்.ஐ.ஐ-க்கள் 2010, 2013 மற்றும் 2010–ம் ஆண்டுகளில் அக்டோபர் மாதத்தில் முறையே ரூ.25,000 கோடி, ரூ.18,000 கோடி மற்றும் ரூ.10,000 கோடியை முதலீடு செய்திருக்கிறார்கள். அதே நேரத்தில், எஃப்.ஐ.ஐ-க்கள் முதலீடு செய்தால் சந்தை ஏறும் என்பதற்கு எந்த உத்தரவாதமும் இல்லை. காரணம், அந்த அக்டோபர் மாதங்களில் இந்திய மியூச்சுவல் ஃபண்ட் மற்றும் இன்ஷூரன்ஸ் நிறுவனங்கள் நிகர விற்பனையாளராக இருந்திருக்கின்றன. மியூச்சுவல் ஃபண்ட் நிறுவனங்கள் கடந்த 10 ஆண்டுகள் அக்டோபர் மாதங்களில், ஆறு ஆண்டுகள் மட்டும் நிகர முதலீட்டாளர்களாக இருந்திருக்கின்றன. 2018, 2017 மற்றும் 2016–ம் ஆண்டுகளில் அக்டோபர் மாதத்தில் முறையே ரூ.24,000 கோடி, ரூ.10,000 கோடி மற்றும் ரூ.9,000 கோடியை முதலீடு செய்திருக்கின்றன.”

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மியூச்சுவல் ஃபண்ட் நிறுவனங்கள் நிர்வகிக்கும் சொத்து மதிப்பு உயர்ந்திருக்கிறதா?

“இந்திய மியூச்சுவல் ஃபண்ட் நிறுவனங்கள் நிர்வகித்துவரும் சொத்து மதிப்பு கடந்த செப்டம்பர் (ஜூலை, ஆகஸ்ட், செப்டம்பர்) காலாண்டில் 12% வரை அதிகரித்து, ரூ.27.6 லட்சம் கோடியாக இருக்கிறது. இது கடந்த ஜூன் காலாண்டில் ரூ.24.63 லட்சம் கோடியாக இருந்தது. குறிப்பாக, டாப் 10 மியூச்சுவல் ஃபண்ட் நிறுவனங்களான எஸ்.பி.ஐ மியூச்சுவல் ஃபண்ட், ஹெச்.டி.எஃப்.சி மியூச்சுவல் ஃபண்ட், ஆக்ஸிஸ் மியூச்சுவல் ஃபண்ட், ஐ.சி.ஐ.சி.ஐ புரூடென்ஷியல், ஆதித்ய பிர்லா சன் லைஃப், நிப்பான் இந்தியா, கோட்டக், யு.டி.ஐ, ஐ.டிஎஃப்.சி மற்றும் டி.எஸ்.பி மியூச்சுவல் ஃபண்ட் ஆகிய நிறுவனங்களின் நிர்வகித்துவரும் சொத்து மதிப்பு செப்டம்பர் காலாண்டில் அதிகரித்துள்ளது.”

ஷேர்லக்
ஷேர்லக்

ஹெச்.டி.எஃப்.சி வங்கியின் டெபாசிட் அதிகரித் திருக்கிறதாமே?

“தனியார் துறையைச் சேர்ந்த ஹெச்.டி.எஃப்.சி பேங்க் வழங்கிய கடன் அளவு கடந்த செப்டம்பர் காலாண்டில் மட்டும் 16% அதிகரித்து, ரூ.10.4 லட்சம் கோடியாக உயர்ந்துள்ளது. இது இதற்கு முந்தைய நிதி ஆண்டின் இதே காலாண்டில் ரூ.9 லட்சம் கோடியாக இருந்தது. அதேபோல, டெபாசிட் செய்யப்பட்ட பணத்தின் மதிப்பும் 20% அதிகரித்து, ரூ.12.3 லட்சம் கோடியாக உயர்ந்துள்ளது. இது இதற்கு முந்தைய நிதி ஆண்டின் இதே காலகட்டத்தில் ரூ.10.2 லட்சம் கோடியாக அதிகரித்துள்ளது.’’

டி.சி.எஸ் பங்கு விலை திடீர் உயர்வுக்கு என்ன காரணம்?!

‘‘இரண்டு காரணங்கள். முதலாவது காரணம், பங்குகளைத் திரும்ப வாங்குவதற்கான (பைபேக்) திட்டத்தைப் பரிசீலிக்க உள்ளதாக டி.சி.எஸ் நிறுவனம் அறிவித்தது. இரண்டாவது, கடந்த புதன்கிழமை அன்று வெளியான அந்த நிறுவனத்தின் இரண்டாம் காலாண்டு ரிசல்ட். டி.சி.எஸ் நிறுவனத்தின் வருமானம் இரண்டாம் காலாண்டில் கடந்த ஆண்டின் இதே காலாண்டுடன் ஒப்பிடும்போது 3% அதிகரித்திருக்கிறது. கடந்த காலாண்டைவிட 4.7% அதிகரித்திருக்கிறது. ஆனால், லாபமானது கடந்த காலாண்டைவிட 5.6% உயர்ந்துள்ளது. ஆனால், கடந்த ஆண்டைவிட 4.7% குறைந்துள்ளது. காலாண்டு முடிவு நன்றாக அமைந்திருந்ததால், இந்தப் பங்கின் விலை கடந்த 7-ம் தேதி 8 சதவிகிதத்துக்கு மேலும், 8-ம் தேதி அன்று 3.19 சதவிகிதமும் விலை உயர்ந்தது. அது மட்டுமல்ல, ரூ.16,000 கோடிக்கு பங்குகளைத் திரும்ப வாங்கவும் முடிவு செய்துள்ளது. கடந்த இரண்டு ஆண்டுகளில் இந்த நிறுவனம் இரண்டாவது முறையாகப் பங்குகளைத் திரும்பப் பெறுவது குறிப்பிடத்தக்கது.

விப்ரோ நிறுவனமும் பங்குகளைத் திரும்ப வாங்குவதற்கான முடிவை வருகிற 13-ம் தேதி அன்று பரிசீலிக்கவிருக்கிறது. இந்தத் தகவல் வெளியானதைத் தொடர்ந்து அந்தப் பங்கின் விலை வியாழன் அன்று 7.20% விலை உயர்ந்தது.’’

ஏஞ்சல் புரோக்கிங் பங்கு விலை பட்டியலிடப்பட்ட அன்று இறக்கம் கண்டிருக்கிறதே?

“ஏஞ்சல் புரோக்கிங் நிறுவனம், புதிய பங்கு வெளியீடு (ஐ.பி.ஓ) மூலம் வெளியிட்டிருந்தது.இந்தப் புதிய பங்கு வெளியீட்டின் மூலம் ரூ.600 கோடி நிதி திரட்ட முடிவு செய்தது. எதிர்பார்த்ததைவிட நான்கு மடங்கு அதிகமாக விண்ணப்பங்கள் வந்து குவிந்தன. ஆனால், பங்குச் சந்தையில் லிஸ்ட் ஆனபோது சந்தை வெளியீட்டு விலையைவிடக் குறைந்த விலையில் பட்டியல் ஆகியிருக்கிறது. கடந்த 5-ம் தேதி, இந்த நிறுவனத்தின் பங்குகள் பங்குச் சந்தைகளில் பட்டியலிடப்பட்டபோது, ரூ.275 ரூபாய் என்ற விலையில் பட்டியலானது. வியாழனன்று சந்தை முடியும்போது ரூ.270 என்ற விலையில் வர்த்தகமானது.’’

சந்தையைவிட பல பங்குகள் அதிக வருமானம் கொடுத்திருக்கின்றனவே?

“கொரோனா நோய்த்தொற்று காரணமாகப் பங்குச் சந்தை பெரும் இறக்கத்தைச் சந்தித்தாலும், நடப்பு ஆண்டின் முதல் அரையாண்டில் 30% வரை சந்தை மீட்சியைச் சந்தித்தது. இந்த நேரத்தில் மெக்லியோட் ரசல் இந்தியா (804%), பிரவேஜ் கம்யூனிகேஷன்ஸ் இந்தியா (604%), பிர்லா டயர்ஸ் (592), விகாஸ் மல்டிகார்ப் (580%), வெனுஸ் ரெமடீஸ் (516%), ஆர்த்தி டிரக்ஸ் (510%) மற்றும் டன்லா சொல்யூஷன்ஸ் (502%) ஆகிய நிறுவனங்களின் பங்கு விலை 500 சதவிகிதத்துக்கும் மேல் அதிகரித்திருக்கின்றன. சந்தை தந்த லாபத்தைவிட இந்தப் பங்குகள் தந்த லாபம் பல மடங்கு அதிகம்.”

ஐ.டி மற்றும் பார்மா பங்குகளின் செயல்பாடு எப்படி இருக்கிறது?

“கடந்த செப்டம்பர் மாத காலாண்டில் மட்டுமல்லாமல், கடந்த ஆறு மாதங்களிலும் ஐ.டி மற்றும் பார்மா துறை சார்ந்த பங்குகள் சிறப்பான முறையில் செயலாற்றியிருக்கின்றன. இதனால் பி.எஸ்.இ ஐ.டி இண்டெக்ஸ் 34% உயர்ந்திருக்கிறது. அதேபோல, பார்மா இண்டெக்ஸ் 21% உயர்ந்து காணப்படுகிறது. கொரோனா தொற்றுநோய்ப் பரவல் காரணமாக இந்தத் துறை சார்ந்த நிறுவனங்களின் தேவை அதிகமாக இருந்ததே இதற்கு மிக முக்கிய காரணமாகும்.”

வாகன விற்பனை வேகம் எடுக்க ஆரம்பித்திருக்கிறதே?

“கொரோனா காலத்தில், மற்ற துறைகளைப் போலவே ஆட்டோமொபைல் துறையும் பெரிதும் பாதிப்புக்குள்ளானது. இந்தத் துறை சார்ந்த நிறுவனங்களின் விற்பனை முற்றிலும் படுத்துவிட்டது. ஆனால், கடந்த செப்டம்பர் மாதத்தில் இந்த நிறுவனங்களின் விற்பனை அதிகரித்திருக்கிறது. குறிப்பாக, தனிநபர் வாகனங்களின் விற்பனை அதிகரித்து காணப்படுகிறது. மாருதி சுஸூகி நிறுவனத்தின் விற்பனை 36% அதிகரித்துள்ளது. அதேபோல், ஹீரோ மோட்டோகார்ப், பஜாஜ் ஆட்டோ ஆகிய நிறுவனங்களின் விற்பனை முறையே 16.9% மற்றும் 23.8% என்ற அளவில் அதிகரித்துள்ளது. இது வரும் காலங்களில் இந்தத் துறை சார்ந்த நிறுவனங்களின் வளர்ச்சியைச் சுட்டிக்காட்டுவதால், முதலீட் டாளர்களிடையே பாசிட்டிவ் சென்டிமென்ட் காணப்படுகிறது. எதிர்வரும் காலங்களில் இந்தத் துறை சார்ந்த நிறுவனப் பங்குகள் சிறப்பான முறையில் செயலாற்றும் எனத் தரகு நிறுவனங்கள் தெரிவித்துள்ளன.”

பொருளாதாரம் மேம்பட்டுவரும் நிலையில் முதலீட்டுக்குக் கவனிக்க வேண்டிய பங்குகள் ஏதாவது?

“கொரோனாவுக்குப் பின் பொருளாதார நடவடிக்கைகள் மீண்டும் இயக்கத்துக்கு வந்திருப்பது, தற்போது நிலவிவரும் சாதகமான பருவநிலை சூழல் போன்ற பல்வேறு காரணங்களால் முதலீட்டாளர்கள் மத்தியில் நம்பிக்கை உருவாகியிருக்கிறது. அமெரிக்கத் தேர்தல் வரை இந்திய பங்குச் சந்தைகளில் ஏற்ற இறக்கம் இருந்தாலும், எதிர்வரும் ஆண்டில், ஹிந்துஸ்தான் ஏரோநாட்டிக்ஸ், ஐ.டி.சி, ஸ்வராஜ் இன்ஜின்ஸ், வி.ஐ.பி இண்டஸ்ட்ரீஸ், ஜே.கே.லட்சுமி சிமென்ட்ஸ், ஐனாக்ஸ் லீசர், ஜென்சர் டெக்னாலஜீஸ், அரபிந்தோ பார்மா, பெர்சிஸ்டன்ட் சிஸ்டம்ஸ், கிளென்மார்க் பார்மா, பிரிட்டானியா இண்டஸ்ட்ரீஸ், ஐ.டி.எஃப்.சி ஃபர்ஸ்ட் பேங்க், ரிலையன்ஸ் இண்டஸ்ட்ரீஸ், எண்டியூரன்ஸ் டெக்னாலஜீஸ், கன்சய் நெரோலக் பெயின்ட்ஸ், சோழ மண்டலம் இன்வெஸ்ட்மென்ட் ஆகிய நிறுவனங்களின் பங்குகள் 10-35% வரை வருமானம் தரும் என எதிர்பார்க்கப்படுகிறது” என்று முடித்திருந்தார் ஷேர்லக்.

போராடினால் நாம் வெல்லலாம்! பிசினஸில் ஜெயிக்க டிப்ஸ்

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

‘போராடினால் நாம் வெல்லலாம்..!’ என்ற ஆன்லைன் கட்டணமில்லா நிகழ்ச்சியை நாணயம் விகடன் நடத்துகிறது. இதில், மேனகா கார்ட்ஸ் பிரைவேட் லிமிடெட்டின் தலைவர் மற்றும் நிர்வாக இயக்குநர் எஸ்.சங்கரலிங்கம் சிறப்புரையாற்றுகிறார். இது அக்டோபர் 12–ம் தேதி: மாலை 6.30 - 7.30 மணிக்கு நடக்கிறது. இதில் கலந்துகொள்ள விரும்புகிறவர்கள் பதிவு செய்ய: https://bit.ly/2GfyUUD

பங்குச் சந்தையில் வெற்றி பெற டெக்னிக்கல் அனாலிசிஸ்..!

‘பங்குச் சந்தையில் வெற்றி பெற டெக்னிக்கல் அனாலிசிஸ்..!’ என்ற ஆன்லைன் கட்டணப் பயிற்சி வகுப்பை நாணயம் விகடன் அக்டோபர் 24-ம் தேதி மாலை 6.00 - 7.30 மணிக்கு நடத்த உள்ளது. பயிற்சிக் கட்டணம் ரூ.500.

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

பங்குச் சந்தை நிபுணர் டாக்டர் சி.கே.நாராயண் பயிற்சியளிக்கிறார். இவர் இந்தியாவின் முன்னணி டெக்னிக்கல் அனலிஸ்ட்களில் குறிப்பிடத்தக்கவர். இவர், குரோத் அவென்யூஸ் (Growth Avenues) நிறுவனத்தின் நிறுவனர் மற்றும் முதன்மை செயல் அதிகாரி. இவர் பங்குச் சந்தை முதலீடு மற்றும் வர்த்தகத்தில் 40 ஆண்டுகளுக்கு மேல் அனுபவம் கொண்டவர். மேலும், செபி அமைப்பில் பதிவு செய்யப்பட்ட ரிசர்ச் அனலிஸ்ட் ஆவார். இந்தப் பயிற்சி வகுப்புக்கு பதிவு செய்ய: https://bit.ly/33cNIw8

பங்குச் சந்தை ஃபண்டமென்டல் அனாலிசிஸ்!

கட்டணப் பயிற்சி..!

ங்குச் சந்தை ஃபண்டமென்டல் அனாலிசிஸ் – பேசிக்ஸ் & அட்வான்ஸ்டு என்கிற இணைய கட்டணப் பயிற்சியை நாணயம் விகடன், நடத்துகிறது. இந்தப் பயிற்சி நவம்பர் 7 மற்றும் 8-ம் தேதி நடக்கிறது. இரண்டு வகுப்புகளுக்கும் சேர்த்து கட்டணம் ரூ.4,500 ஆகும்.

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

எக்ட்ரா பங்குச் சந்தை மற்றும் கமாடிட்டி பயிற்சி நிறுவனத்தின் முதன்மைச் செயல் அதிகாரி தி.ரா.அருள்ராஜன் பயிற்சி அளிக்கிறார்.

பதிவு செய்ய: https://bit.ly/2HJNBzS

நுகர்வோர் கோர்ட்டில் வழக்கு தொடர்வது எப்படி?

ஷேர்லக் : அக்டோபரில் பாசிட்டிவ் வருமானம் தருமா? - இந்திய பங்குச் சந்தையில் எதிர்பார்ப்பு!

நாணயம் விகடன், ‘நுகர்வோர் கோர்ட்டில் வழக்கு தொடர்வது எப்படி?’ என்ற ஆன்லைன் கட்டணமில்லா பயிற்சி வகுப்பை நடத்துகிறது. இது அக்டோபர் 19, 2020 - மாலை 6.30 மணி முதல் 7.30 மணி வரை நடக்கிறது. சிட்டிசன் கன்ஸ்யூமர் & சிவிக் ஆக்‌ஷன் குரூப்பின் இயக்குநர் (நுகர்வோர் பாதுகாப்பு) எஸ்.சரோஜா இந்த நிகழ்வில் சிறப்புரையாற்றுகிறார்.

பதிவு செய்ய: https://bit.ly/36HUJam