Published:Updated:

ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

ஷேர்லக்
பிரீமியம் ஸ்டோரி
News
ஷேர்லக்

அரசாங்கம் வங்கிகளில் உள்ள பங்கு மூலதனத்தைக் குறைத்து வருவதால், பலரும் அந்தப் பங்கை விற்று வருகிறார்கள்!

மாலை 5.00 மணிக்கு ஷேர்லக் நம் அலுவலகத்துக்கு வந்துசேர்ந்தார். நேரமாகி விட்டதால் நாம் கேள்விகளுடன் பரபரப்பாகக் காத்திருக்க, புரிந்துகொண்ட அவர் பதில் சொல்ல ஆரம்பித்தார்.

அதிக டிவிடெண்ட் யீல்டு கொண்ட பொதுத்துறை நிறுவனப் பங்குகளை இப்போது முதலீட்டுக்கு கவனிக்கலாமா?

“மத்திய அரசு அதன் திட்டங்களை நிறைவேற்ற தேவைப்படும் நிதியைத் திரட்ட பொதுத்துறை நிறுவனங்களில் அது கொண்டுள்ள பங்கு மூலதனத்தைக் கணிசமாகக் குறைக்க உள்ளது. இதனால், பெரும்பாலான முதலீட்டாளர்கள் பொதுத்துறை நிறுவனப் பங்குகளை அதிக எண்ணிக்கையில் விற்றுவருகிறார்கள். பல பங்குகள் அவற்றின் நீண்டகால சராசரி விலைக்குக் கீழே வர்த்தகமாகி வருகின்றன. பங்குகளின் விலை மிகவும் இறங்கிக் காணப்படுவதால், அவற்றின் டிவிடெண்ட் யீல்டு அதிகமாகக் காணப்படுகிறது.

பல பொதுத்துறை பங்குகளின் பி.இ விகிதம் 2 மற்றும் 5-க்கு இடையே காணப்படுகிறது. குறிப்பாக, எல்.எல்.சி இந்தியா, ஆயில் இந்தியா, ஆர்.இ.சி, பவர் ஃபைனான்ஸ் கார்ப்பரேஷன், எஸ்.ஜே.வி.என் நிறுவனங்களைக் குறிப்பிடலாம். மேலும், இவற்றின் டிவிடெண்ட் யீல்டும் 10 சதவிகிதத்துக்குமேல் உள்ளது. அதிக ரொக்கக் கையிருப்பு கொண்ட, அதிக டிவிடெண்ட் யீல்டு கொண்ட பொதுத்துறை நிறுவனப் பங்குகளை முதலீட்டுக்கு கவனிக்கலாம் என்கிறார்கள் அனலிஸ்ட்கள்.”

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

முதலீட்டு டிப்ஸ் குறித்து செபி எச்சரிக்கை விடுத்திருக்கிறதே?

“தவறாக வழி நடத்தும் விதமாக, யார் என்றே தெரியாதவர்களிடமிருந்து வரும் முதலீட்டு டிப்ஸ் குறித்து உஷாராக இருக்கும்படி செபி அமைப்பு முதலீட்டாளர்களைக் கேட்டுக் கொண்டுள்ளது. எஸ்.எம்.எஸ், வாட்ஸ்அப், இணையதளம், சமூக வலைதளம் மூலம் வரும் மூன்றாம் தரப்பு முதலீட்டு டிப்ஸ்களை நம்ப வேண்டாம் என செபி சொல்லியிருக்கிறது.

அனாமத்து ஷேர் டிப்ஸ், முதலீட்டு ஆலோசனைகள் முதலீட்டாளர்களுக்கு பல்வேறு வகைகளில் வருவது அதிகரித்து வருவதாக செபிக்கு பல வகையிலும் புகார் வந்ததை அடுத்து அது முதலீட்டாளர்களை எச்சரிக்கை செய்திருக்கிறது. குறிப்பிட்ட பங்குகளில் முதலீடு செய்யும்படி அல்லது இலக்கு விலை குறிப்பிட்டு தவறான புள்ளி விவரங்களுடன் வரும் டிப்ஸ் குறித்து முதலீட்டாளர்கள் மிகவும் எச்சரிக்கையுடன் இருக்க வேண்டும் என செபி வெளியிட்டுள்ள செய்தி அறிக்கையில் குறிப்பிட்டுள்ளது. இது போன்ற தவறான மற்றும் மோசடியான டிப்ஸ்கள் தனிப்பட்ட முதலீட்டாளர்களை மட்டும் பாதிக்கவில்லை. அது பங்குச் சந்தை முதலீடு குறித்த நம்பகத்தன்மையையும் பாதிப்பதாக செபி குறிப்பிட்டுள்ளது.”

பார்மா பங்கில் முன்னணி முதலீட்டாளர்கள் முதலீட்டை அதிகரிக்க காரணம் என்ன?

“இரண்டாம் காலாண்டில் (2020 ஜூலை முதல் செப்டம்பர் வரை), நாட்டின் மிகப் பெரிய நிதி நிறுவன முதலீட்டாளர் எல்.ஐ.சி ஆஃப் இந்தியா, முன்னணி முதலீட்டாளர் ராகேஷ் ஜுன்ஜுன்வாலா ஆகியோர் பார்மா நிறுவனப் பங்கான லூபினில் கணிசமாக முதலீடு செய்திருக்கும் தகவல் இப்போது வெளியாகியிருக்கிறது.

லூபின் நிறுவனத்தில் ஜூன் காலாண்டு முடிவில் ராகேஷ் ஜுன்ஜுன்வாலா 1.47% பங்குகள் அதாவது, 66,45,605 பங்குகளைக் கொண்டிருந்தார். இந்த எண்ணிக்கையை செப்டம்பர் காலண்டு முடிவில் 1.53% அதாவது, 69,45,605 ஆக அதிகரித்துள்ளார். இதே காலகட்டத்தில் எல்.ஐ.சி அதன் பங்கு மூலதனத்தை இந்த நிறுவனத்தில் 2.7 சதவிகிதத் திலிருந்து 3.71 சதவிகிதமாக அதிகரித்துள்ளது. மேலும், மியூச்சுவல் ஃபண்ட் நிறுவனங்களும் லூபின் நிறுவனப் பங்கில் அவற்றின் முதலீட்டை 11.94 சதவிகிதத்திலிருந்து 12.58 சதவிகிதமாக அதிகரித்துள்ளன.

நடப்பு ஆண்டில் இதுவரைக்குமான காலத்தில் சென்செக்ஸ் புள்ளிகள் சுமார் 1.50% அதிகரித்துள்ள நிலையில், லூபின் பங்கின் விலை 35 சதவிகிதத்துக்கும் அதிகமாக உயர்ந்துள்ளது. முன்னணி பங்கு தரகு நிறுவனங்கள் இந்தப் பங்கின் விலை இன்னும் அதிகரிக்கும் என நம்பிக்கை தெரிவித்துள்ளன. காரணம், அமெரிக்கச் சந்தையில் இந்த நிறுவனம் புதிய மருந்துகளை அறிமுகப் படுத்துவதே.”

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

ராகேஷ் ஜுன்ஜுன்வாலாவின் மனைவி பற்றி முக்கிய செய்தி வெளியாகியிருக்கிறதே!

“இரண்டாம் காலாண்டில் ராகேஷ் ஜுன்ஜுன்வாலாவின் மனைவி ரேகா, டைட்டான் நிறுவனப் பங்குகளை விற்று லாபம் பார்த்திருக்கிறார். அப்படியும் தற்போதைய நிலையில் 96,90,575 டைட்டான் பங்குகளை அவர் கைவசம் வைத்திருக்கிறார். இது டைட்டான் நிறுவனத்தின் பங்கு மூலதனத்தில் 4.43% ஆகும். அதே நேரத்தில், இந்த நிறுவனத்தில் எல்.ஐ.சி அதன் பங்கு மூலதனத்தை 2.53 சதவிகிதத்திலிருந்து 3.31 சத விகிதமாக அதிகரித்துள்ளது. அந்நிய நிதி நிறுவன முதலீட்டாளர்களும் டைட்டான் பங்கு மூலதனத்தை 17.55 சதவிகிதத்திலிருந்து 18.05 சதவிகிதமாக அதிகரித்திருக்கிறார்கள். அதே நேரத்தில் மியூச்சுவல் ஃபண்ட் நிறுவனங்கள் 5.57 சதவிகிதத்திலிருந்து 4.63 சத விகிதம்மாக முதலீட்டைக் குறைத்திருக் கிறார்கள்.’’

ஜூலை முதல் செப்டம்பர் வரையிலான மூன்று மாதத்தில் டைட்டான் பங்கின் விலை சுமார் 25% அதிகரித்துள்ளது. இதே கால கட்டத்தில் சென்செக்ஸ் 6% மட்டுமே உயர்ந்திருக்கிறது.

ஷேர்லக்
ஷேர்லக்

பி.எம்.எஸ் திட்டங்கள் அதிக வருமானம் கொடுக்க என்ன காரணம்?

“கடந்த ஆறு மாத காலத்தில் 20 பி.எம்.எஸ் (Portfolio Management Services) திட்டங்கள் சுமார் 50% - 100% வருமானம் கொடுத்திருப்பது தெரிய வந்துள்ளது. கடந்த ஆறு மாத காலத்தில் இந்தியப் பங்குச் சந்தையின் முக்கியக் குறியீடுகள் 30%-க்கு மேல் உயர்ந்துள்ள நிலையில், பல பி.எம்.எஸ் திட்டங்கள், அதை விட இரு மடங்கு வருமானம் தந்திருக்கின்றன.

80 பி.எம்.எஸ் திட்டங்கள் இண்டெக்ஸை விட சிறப்பாகச் செயல்பட்டிருக்கின்றன. சர்வதேச முதலீடுகள் இந்தியச் சந்தைக்குள் வந்துகொண்டிருப்பது, பண்டிகைக் காலத்தில் பொருளாதார வளர்ச்சி மேம்படும் என்ற எதிர்பார்ப்பில் சந்தை தொடர்ந்து ஏறிக் கொண்டிருக்கிறது. இதனால், இறக்கத்தில் முதலீடு செய்யப்பட்ட பி.எம்.எஸ் திட்டங்கள் இப்போது நல்ல லாபத்தில் இருக்கின்றன. இந்தியாவில் பி.எம்.எஸ் திட்டத்தில் குறைந்த பட்ச முதலீடு ரூ.50 லட்சமாக இருக்கிறது. மேலும், கட்டணம் மற்றும் செலவு விகிதம் மியூச்சுவல் ஃபண்ட் முதலீட்டைவிட ஓரிரு சதவிகிதம் அதிகமாக உள்ளது. பி.எம்.எஸ் திட்டங்கள் அதிக வருமானம் கொடுக்க அதிலுள்ள ஸ்மால்கேப் பங்குகளே காரணம். பல ஸ்மால் கேப் பங்குகள் கடந்த ஆறு மாதக் காலத்தில் 100%-க்கும் மேல் வருமானம் கொடுத்திருக்கின்றன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இன்ஃபோசிஸ் காலாண்டு முடிவு எப்படி?

“முன்னணி ஐ.டி நிறுவனமான இன்ஃபோசிஸ் நிறுவனத்தின் செப்டம்பர் காலாண்டு நிதிநிலை முடிவுகள் எதிர்பார்த்தைவிட சிறப்பாக வந்திருக்கிறது. இதன் நிகர லாபம் 20.5% அதிகரித்துள்ளது. நிகர லாபம் ரூ.4,019 கோடி யிலிருந்து ரூ.4,845 கோடியாக அதிகரித்துள்ளது. இதன் ஒருங்கிணைந்த வருமானம் 8.6% உயர்ந்து ரூ.24,570 கோடியாக அதிகரித்துள்ளது. பங்கு ஒன்றுக்கு ரூ.12 இடைக்கால டிவிடெண்ட் அறிவித்துள்ளது. மேலும், அடுத்து வரும் காலாண்டில் சிறப்பாகச் செயல்படும் என்றும் நிறுவனம் வழிகாட்டி மதிப்பீட்டை வெளியிட்டிருக்கிறது.”

ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

தனியார் வங்கிப் பங்குகளில் மியூச்சுவல் ஃபண்ட் முதலீடு அதிகமாக இருக்கிறதே?

‘‘நிஃப்டி பங்குகளில் மியூச்சுவல் ஃபண்ட் முதலீடு கணிசமாக இருக்கிறது. இதில் 25% தனியார் வங்கிப் பங்குகளாகும். இதற்கு அடுத்த இடத்தில் ஆயில் அண்ட் கேஸ் பங்குகள் 12.2% உடன் உள்ளன.’’

2021-ல் பொருளாதார வளர்ச்சியில் சீனாவை இந்தியா முந்தும் எனக் கணிக்கப்பட்டிருக்கிறதே?

“சர்வதேச நிதியம் (IMF), கொரோனா வைரஸ் பரவல் பாதிப்பு இருக்கும் நிலையில், நடப்பு 2020 -ம் ஆண்டில் உலகப் பொருளாதார வளர்ச்சி 4.4 சதவிகிதம் சரிவடையும். அடுத்த ஆண்டு 5.5% வளர்ச்சி காணும் என ஐ.எம்.எஃப் கணித்துள்ளது.அமெரிக்கப் பொருளாதார வளர்ச்சி இந்த ஆண்டு 5.8% குறையும். 2021-ம் ஆண்டு 3.9% வளர்ச்சி காணும். இந்திய பொருளாதார வளர்ச்சி நடப்பு 2020-ம் ஆண்டு 10.3% சரிவடையும். ஆனால், அடுத்த ஆண்டு 8.8% வளர்ச்சியுடன் மீண்டு எழும் என ஐ.எம்.எஃப் தெரிவித்துள்ளது. அதன்மூலம் வேகமாக வளரும் நாடு என்ற அந்தஸ்தை மீண்டும் பெறும். கடந்த 2019–ம் ஆண்டில் இந்தியாவின் ஜி.டி.பி வளர்ச்சி 4.2% ஆக இருந்தது.”

பங்குச் சந்தை கடந்த சில வாரங்களில் இல்லாத அளவுக்கு இன்று குறைந்தது ஏன்?

‘‘இத்தனை முக்கியமான கேள்வியை எங்கே நீர் கேட்காமலே விட்டுவிடுவீரோ என்று நினைத்தேன். கொரோனா நோய்த் தொற்றினால் ஐரோப்பாவில் உள்ள சில நகரங்களில் மீண்டும் ஊரடங்கு நிலை பிறப்பிக்கப்பட்டதைத் தொடர்ந்து ஏற்பட்ட பயம் காரணமாக சந்தை இறக்கம் கண்டது. கடந்த சில நாள்களாக ஏற்றத்தின் போக்கிலேயே இருந்த சந்தை இப்போது கொஞ்சம் இறங்கியிருக்கிறது. நீண்டகால முதலீட்டாளர்கள் நிதானமாகச் செயல்பட வேண்டிய நேரமிது’’ என்றவர், ‘‘ஓகே... அடுத்த வாரம் மீண்டும் சந்திப்போம்’’ என்று சொல்லிவிட்டுக் கிளம்பினார்.

நுகர்வோர் கோர்ட்டில் வழக்கு தொடர்வது எப்படி?

ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

‘நுகர்வோர் கோர்ட்டில் வழக்கு தொடர்வது எப்படி?’ என்ற ஆன்லைன் கட்டணமில்லா பயிற்சி வகுப்பை நாணயம் விகடன் நடத்துகிறது. இது அக்டோபர் 19, 2020 மாலை 6.30 மணி முதல் 7.30 மணி வரை நடக்கிறது. சிட்டிசன் கன்ஸ்யூமர் & சிவிக் ஆக்‌ஷன் குரூப்பின் இயக்குநர் (நுகர்வோர் பாதுகாப்பு) எஸ்.சரோஜா இந்த நிகழ்வில் சிறப்புரையாற்றுகிறார்.

பதிவு செய்ய: https://bit.ly/36HUJam

பங்குச் சந்தையில் வெற்றி பெற டெக்னிக்கல் அனாலிசிஸ்..!

‘பங்குச் சந்தையில் வெற்றி பெற டெக்னிக்கல் அனாலிசிஸ்..!’ என்ற ஆன்லைன் கட்டணப் பயிற்சி வகுப்பை நாணயம் விகடன் அக்டோபர் 24-ம் தேதி மாலை 6.00 - 7.30 மணிக்கு நடத்த உள்ளது. பயிற்சிக் கட்டணம் ரூ.500.

ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

பங்குச் சந்தை நிபுணர் டாக்டர் சி.கே.நாராயண் பயிற்சியளிக்கிறார். இவர் இந்தியாவின் முன்னணி டெக்னிக்கல் அனலிஸ்ட்களில் குறிப்பிடத்தக்கவர். இவர், குரோத் அவென்யூஸ் (Growth Avenues) நிறுவனத்தின் நிறுவனர் மற்றும் முதன்மை செயல் அதிகாரி. இவர் பங்குச் சந்தை முதலீடு மற்றும் வர்த்தகத்தில் 40 ஆண்டுகளுக்கு மேல் அனுபவம் கொண்டவர். மேலும், செபி அமைப்பில் பதிவு செய்யப்பட்ட ரிசர்ச் அனலிஸ்ட் ஆவார். இந்தப் பயிற்சி வகுப்புக்கு பதிவு செய்ய: https://bit.ly/33cNIw8

பங்குச் சந்தை ஃபண்டமென்டல் அனாலிசிஸ்! கட்டணப் பயிற்சி..!

ஷேர்லக் : பார்மா பங்குகளில் முதலீட்டை அதிகரித்த ராகேஷ், எல்.ஐ.சி..! - என்னதான் காரணம்..?

ங்குச் சந்தை ஃபண்டமென்டல் அனாலிசிஸ் – பேசிக்ஸ் & அட்வான்ஸ்டு என்கிற இணைய கட்டணப் பயிற்சியை நாணயம் விகடன், நடத்துகிறது. இந்தப் பயிற்சி நவம்பர் 7 மற்றும் 8-ம் தேதி நடக்கிறது. இரண்டு வகுப்புகளுக்கும் சேர்த்து கட்டணம் ரூ.4,500 ஆகும்.

எக்ட்ரா பங்குச் சந்தை மற்றும் கமாடிட்டி பயிற்சி நிறுவனத்தின் முதன்மைச் செயல் அதிகாரி தி.ரா.அருள்ராஜன் பயிற்சி அளிக்கிறார்.

பதிவு செய்ய: https://bit.ly/2HJNBzS