ஷேர்லக் : பார்மா பங்குகளில் இப்போதும் முதலீடு செய்யலாமா? - சந்தை நிலவரம்..!

அ திகாலையிலேயே ஷேர்லக்கிடமிருந்து வாட்ஸ்அப் தகவல் வந்தது. “இன்று மும்பை நண்பர் ஒருவருடன் முக்கியமான சந்திப்பு உள்ளது. கேள்விகளை என் இ-மெயிலுக்கு அனுப்பவும்” எனக் குறிப்பிட்டிருந்தார். அவர் சொன்னபடி நாம் கேள்விகளை அனுப்பிவிட்டுக் காத்திருக்க, சரியாக மாலை 4 மணிக்கு மெயிலில் பதில்களை அனுப்பி வைத்தார். . மல்ட்டிகேப் ஃபண்டுகளில் நடந்து வரும் மாற்றங்கள் பற்றி...

“மல்ட்டிகேப் மியூச்சுவல் ஃபண்டுகளில், தற்போது அதிக தொகை லார்ஜ்கேப் பங்குகளில் முதலீடு செய்யப்பட்டிருக்கிறது. செபி, தலா 25% தொகையை லார்ஜ்கேப், மிட்கேப், ஸ்மால்கேப் பங்குகளில் முதலீடு செய்ய வேண்டும் எனச் சொல்லியிருக்கிறது. இதை 2020 ஜனவரிக்குள் மேற்கொள்ள வேண்டும்.

. தற்போதைய நிலையில் கோட்டக் ஸ்டாண்டர்டு மல்ட்டிகேப் ஃபண்ட் நிர்வகித்துவரும் சொத்து மதிப்பு அடிப்படையில் முதலிடத்தில் இருக்கிறது. இது நிர்வகித்துவரும் சொத்துமதிப்பு ரூ.29,714 கோடியாக இருக்கிறது. இரண்டாவது இடத்தில் ஹெச்.டி.எஃப்.சி ஈக்விட்டி ஃபண்ட் இருக்கிறது. இது நிர்வகித்துவரும் சொத்து மதிப்பு ரூ.19,798 கோடியாக இருக்கிறது.

கோட்டக் ஸ்டாண்டர்டு மல்ட்டிகேப் ஃபண்டில் 70% தொகை லார்ஜ்கேப் பங்குகளில் முதலீடு செய்யப்பட்டுள்ளது. அதேபோல, ஹெச்.டி.எஃப்.சி ஈக்விட்டி ஃபண்டில் 80% தொகை லார்ஜ்கேப் பங்குகளில் முதலீடு செய்யப்பட்டுள்ளது.

மல்ட்டிகேப் ஃபண்ட் குறித்த செபியின் விதிமுறையைப் பின்பற்ற பல மல்ட்டிகேப் ஃபண்டுகளில் லார்ஜ்கேப் பங்குகள் விற்பனை செய்யப்பட்டு, அந்தத் தொகை மிட்கேப் மற்றும் ஸ்மால்கேப் பங்குகளில் முதலீடு செய்யப்பட வேண்டும். இப்படி செய்யும்போது பங்குச் சந்தையில் அதிக ஏற்ற இறக்கம் ஏற்பட வாய்ப்பிருக்கிறது. மேலும், ஃபண்டுகளில் இழப்பு அல்லது லாபம் ஏற்படக்கூடும். இதைத் தவிர்க்க லார்ஜ்கேப் ஃபண்டுகளில் அதிகம் முதலீடு செய்யப் பட்டிருக்கும் மல்ட்டிகேப் ஃபண்டை அந்த நிறுவனத்தின் லார்ஜ்கேப் ஃபண்டுடன் இணைக்கலாமா எனச் சில மியூச்சுவல் ஃபண்ட் நிறுவனங்கள் ஆலோசித்து வருவதாகத் தகவல்.

. கோவிட் - 19 தடுப்பூசி கண்டுபிடிப்பின் மீதான நம்பிக்கை காரணமாக, இந்தியப் பங்குச் சந்தைகள் கடந்த வார தொடக்கத்தில் ஏற்றத்துடன் வர்த்தகத்தை ஆரம்பித்தன. . மேலும், ஆம்ஃபி, மியூச்சுவல் ஃபண்ட் நிறுவனங்கள் செபி அமைப்புக்கு புதிய ஃபிளக்ஸி கேப் என்ற பிரிவைக் கொண்டு வாருங்கள். அந்த ஃபண்டில் லார்ஜ்கேப், மிட்கேப், ஸ்மால் கேப் ஃபண்டுகளில் தலா 25% முதலீடு செய்கிறோம் என செபிக்கு கோரிக்கை விடுத்திருப்பதாகத் தகவல்.

. பல நிதி ஆலோசகர்கள், ‘‘இப்போதைக்கு மல்ட்டிகேப் ஃபண்டுகளில் மொத்த முதலீட்டை மேற்கொள்ளா தீர்கள்’’ என முதலீட்டாளர் களுக்கு ஆலோசனை வழங்கி வருகிறார்கள். மேலும், ‘‘முதலீட்டாளர்கள் அவசரப்பட்டு மல்ட்டிகேப் ஃபண்ட் முதலீட்டை வெளியே எடுத்துவிட வேண்டாம்’’ என்பது நிதி ஆலோசகர்கள் சொல்லும் யோசனை.”

ஸொமாட்டோ நிறுவனம் புதிய பங்குகளை வெளியிடுகிறதாமே?!

“உணவு டெலிவரி செய்யும் நிறுவனங்களில் ஒன்றான ஸொமாட்டோ நிறுவனம், 2021-ம் ஆண்டு முதல் அரையாண்டுக்குள் ஐ.பி.ஓ வெளியிடும் என எதிர் பார்க்கப்படுகிறது. இந்த ஐ.பி.ஓ வெளியீட்டுக்காக, ஸொமாட்டோ நிர்வாகம் தீவிரமாகச் செயல்பட்டுக்கொண்டிருப்பதாகத் தெரிகிறது. தற்போதைய நிலையில், இந்த நிறுவனத்தின் மதிப்பு 3.5 பில்லியன் டாலராக இருக்கிறது. இந்த ஐ.பி.ஓ வெளியீடானது, இந்திய பங்குச் சந்தையிலா அல்லது அமெரிக்க பங்குச் சந்தையிலா என்ற விவரம் தெரியவில்லை. இதுசார்ந்த விவரங்கள் விரைவில் வெளியாக வாய்ப்பிருக்கிறது. மேலும், அடுத்த சில ஆண்டுகளில் இந்திய ஸ்டார்ட்அப் நிறுவனங் களான ஃப்ரெஸ்வொர்க்ஸ், பாலிசிபஜார் மற்றும் நைகா ஆகிய நிறுவனங்களின் ஐ.பி.ஓ வெளியிடுவதற்கு வாய்ப்பிருக்கிறது.

இன்னொரு ஐ.பி.ஓ செய்தி… கெம்கான் ஸ்பெஷாலிட்டி கெமிக்கல்ஸ் நிறுவனம், கடந்த செப்டம்பர் 12-ம் தேதி ஐ.பி.ஓ வெளியிடுவதற்காக, செபி அமைப்பிடம் விண்ணப்பித்திருந்தது. பங்கு வெளியீட்டுக்கான அனுமதி கிடைத்ததைத் தொடர்ந்து, வருகிற செப்டம்பர் 21-ம் தேதி இந்த நிறுவனம் ஐ.பி.ஓ வெளியிடத் திட்டமிட்டிருக்கிறது. இந்த ஐ.பி.ஓ வெளியீட்டின்மூலம் 300-400 கோடி ரூபாயைத் திரட்ட இந்த நிறுவனம் முடிவு செய்திருக்கிறது. பங்கு ஒன்றின் விலை 295-300 ரூபாய் வரை இருக்கும் என எதிர்பார்க்கப்படுகிறது.

கடைசியாக, மேலும் ஒரு ஐ.பி.ஓ செய்தி. சில நாள்களுக்கு முன் ஐ.பி.ஓ வந்த ஹேப்பியஸ்ட் மைண்ட் நிறுவனத்தின் பங்கு இன்று முதல் (வியாழக்கிழமை) பங்குச் சந்தைகளில் வர்த்தகமாகத் தொடங்கியது. எடுத்த எடுப் பிலேயே 100% விலை உயர்ந்து வர்த்தகமான இந்தப் பங்கு, அன்று மதியம் 123% வரை உயர்ந்து வர்த்தகமாகி முடிந்தது.’’

. பார்மா பங்குகளில் இப்போதும் முதலீடு செய்யலாமா என வாசகர்கள் பலரும் கேட்கிறார்கள். உங்கள் பதில் என்ன?

“இப்போதும் முதலீட்டுக்குக் கவனிக்கக்கூடிய பார்மாசூட்டிக்கல்ஸ் நிறுவனப் பங்குகளை மோதிலால் ஆஸ்வால் ஃபைனான்ஷியல் சர்வீசஸ் அடையாளம் கண்டு சொல்லியிருக்கிறது. அமெரிக்கா உள்ளிட்ட சர்வதேச நாடுகளில் அடிப்படை ஜெனரிக் மருந்துகள் மற்றும் மருந்து தயாரிப்பு மூலப்பொருளான ஏ.பி.ஐ ஆகியவற்றுக்கு இன்னும் அதிக தேவை இருந்து வருகிறது. அந்த வகையில், அரபிந்தோ பார்மா, லூபின், லாரஸ் லேப், மற்றும் டிவிஸ் லேப் ஆகிய மருந்து தயாரிப்பு நிறுவனங்களின் பொருள்களுக்குத் தொடர்ந்து தேவைப்பாடு உள்ளது. இதனால் இவற்றின் லாபம் அதிகரித்து வருவதுடன், கூடவே அவற்றின் பங்குகளின் விலையும் அதிகரித்து வருகிறது.

குறுகியகாலத்தில் சில நிறுவனப் பங்குகள் எதிர்பார்த்த வருமானத்தைத் தரும் எனத் தரகு நிறுவனங்கள் சொல்லியிருக்கிறதாமே?!

‘‘கோவிட் - 19 தடுப்பூசி கண்டுபிடிப்பின் மீதான நம்பிக்கை மற்றும் வரும் வாரத்தில் அமெரிக்க மத்திய வங்கிக் கொள்கை முடிவுகளை வெளியிடும் என்ற எதிர்பார்ப்பின் காரணமாக, இந்தியப் பங்குச் சந்தைகள் கடந்த வார தொடக்கத்தில் ஏற்றத்துடன் வர்த்தகத்தை ஆரம்பித்தன. இந்த நம்பிக்கையின் காரணமாக, ஹெச்.டி.எஃப்.சி செக்யூரிட்டீஸ், கோட்டக் செக்யூரிட்டிஸ், ஏஞ்சல் புரோக்கிங் ஆகிய தரகு நிறுவனங்கள் 9 நிறுவனங்களின் இலக்கு விலையை அதிகரித்து, 2-3 வாரங்களில் அந்த நிறுவனங்கள் அனைத்தும் எதிர்பார்த்த வருமானத்தைக் கொடுக்கும் எனப் பரிந்துரை செய்திருக்கின்றன.

அதன்படி, அமராஜா பேட்டரீஸ் (இலக்கு விலை ரூ.800), கிளென்மார்க் பார்மா (ரூ.525), ஐ.ஓ.எல் கெமிக்கல்ஸ் அண்டு பார்மா (ரூ.900), பிரிட்டானியா இண்டஸ்ட்ரீஸ் (ரூ.4,200), இண்டஸ்இண்ட் பேங்க் (ரூ.650), வேதாந்தா (ரூ.145), எஸ்.பி.ஐ கார்டு (ரூ.910), வோல்டாஸ் (ரூ.695) மற்றும் எஸ்.பி.ஐ லைஃப் (ரூ.920) ஆகிய நிறுவனங்களின் பங்கு விலை, வருகிற இரண்டு முதல் மூன்று வாரத்துக்குள் நல்ல வருமானத்தைக் கொடுக்கும் எனத் தெரிவித்துள்ளன’’ என்று நம் கேள்விகளுக்கு பதில் அளித்த ஷேர்லக்,

‘‘நாணயம் விகடன் யூடியூபில் இந்த வாரமும் சில வீடியோக்களைப் பார்த்தேன். அருமை, அருமை. எல்லா வாசகர்களும் நாணயம் யூடியூபை ( https://bit.ly/302LSMv ) பார்க்கலாமே!’’ என வேண்டுகோள் வைத்திருந்தார்!

. குடும்ப பட்ஜெட் போடுவது எப்படி?

. நா ணயம் விகடன் & அவள் விகடன் இணைந்து ‘குடும்ப பட்ஜெட் போடுவது எப்படி?’ என்ற ஆன்லைன் நிகழ்ச்சியை நடத்த உள்ளன. இந்த இலவச நிகழ்ச்சியில் அனைவரும் குடும்பத்துடன் பங்கேற்கலாம். இதில், குடும்ப பட்ஜெட் போடும் சூட்சுமங்களை விளக்கமாக எடுத்துச் சொல்கிறார் நிதி ஆலோசகர் லலிதா ஜெயபாலன். இந்த நிகழ்ச்சி செப்டம்பர் 21-ம் தேதி மாலை 6.30 மணி - 7.30 மணி வரை நடைபெறும். இதில் கலந்துகொள்ள கீழ்க்காணும் லிங்க்கைக் க்ளிக் செய்து பதிவு செய்துகொள்ளலாம். https://bit.ly/2Zfceu0

. டெக்னிக்கல் அனாலிசிஸ்: பேசிக்ஸ் & அட்வான்ஸ்டு பயிற்சி!

. நா ணயம் விகடன், பங்குச் சந்தை டெக்னிக்கல் அனாலிசிஸ் பேசிக்ஸ் மற்றும் அட்வான்ஸ்டு கட்டணப் பயிற்சி வகுப்பை ஆன்லைனில் நடத்த உள்ளது. தி.ரா.அருள்ராஜன் (முதன்மைச் செயல் அதிகாரி, Ectra.in) பயிற்சி அளிக்கிறார். பங்குகளை வாங்கவும் விற்கவும் என்னென்ன டெக்னிக்கல் அம்சங்களைக் கவனிக்க வேண்டும் என்பதை விளக்கமாக எடுத்துச் சொல்லும் இந்தப் பயிற்சி வகுப்பு செப்டம்பர் 26-ம் தேதி காலை 9.30 மணி முதல் பகல் 1.30 மணி வரை மற்றும் 27-ம் தேதி மாலை 5.00 மணி முதல் இரவு 9.00 மணி வரை நடைபெறும். கலந்துகொள்ள கீழ்க்காணும் லிங்கில் பதிவு செய்துகொள்ளவும். https://bit.ly/3hTW9l1

. உயில் எழுதுவது ஏன் அவசியம்?

. பெ ரும்பாலான சொத்துத் தகராறுகளுக்குக் காரணம், குடும்பத் தலைவர் உயில் எழுதாமல் இறந்துவிடுவதே. இதுபோன்ற பிரச்னைகள் வராமல் இருக்க உயில் (WILL) எழுதுவதுதான் தீர்வு.

‘உயில் எழுதுவது ஏன் அவசியம்?’ என்கிற நிகழ்ச்சியை நாணயம் விகடன் வருகிற அக்டோபர் 5, மாலை 6.30 மணி - 7.30 மணி வரை நடத்துகிறது. சென்னை உயர் நீதிமன்ற வழக்கறிஞர் கே.அழகுராமன் சிறப்புரை ஆற்றுகிறார். முன்பதிவு செய்ய: https://bit.ly/3kjEcNk

ஷேர்லக் : பார்மா பங்குகளில் இப்போதும் முதலீடு செய்யலாமா? - சந்தை நிலவரம்..!

ஷேர்லக்

அரஸ்