Published:Updated:

கச்சா எண்ணெய் விலையேற்றம் நீடிக்குமா? - ஒரு பார்வை

கச்சா எண்ணெய்
பிரீமியம் ஸ்டோரி
கச்சா எண்ணெய்

கோவிட் 19 காரணமாகக் கடந்த மார்ச், ஏப்ரல் மாதங்களில் உலக அளவில் கச்சா எண்ணெயின் தேவை 25-30% வரை குறைந்தது.

கச்சா எண்ணெய் விலையேற்றம் நீடிக்குமா? - ஒரு பார்வை

கோவிட் 19 காரணமாகக் கடந்த மார்ச், ஏப்ரல் மாதங்களில் உலக அளவில் கச்சா எண்ணெயின் தேவை 25-30% வரை குறைந்தது.

Published:Updated:
கச்சா எண்ணெய்
பிரீமியம் ஸ்டோரி
கச்சா எண்ணெய்
டந்த ஏப்ரல் மாதத்தின் கடும் சரிவுக்குப் பிறகு மிகக்குறுகிய காலத்தில் அதாவது, மூன்று மாதங்களுக்குள்ளாகவே இரட்டிப்பாக அதிகரித்துள்ளது கச்சா எண்ணெய் விலை. நைமெக்ஸ் க்ரூடு ஒரு பீப்பாய் 40 டாலராகவும், பிரென்ட் க்ரூடு 42 டாலரை ஒட்டியும் வர்த்தகத்தைத் தொடர்கின்றன.

இத்தகைய விலையேற்றம் நீடிப்பதற்கு அடிப்படை முகாந்திரங்கள் இல்லையென்றே கருதப்படுகிறது. தற்போதைய நிலையில் தேவை அதிகரித்து, அதன் காரணமாக விலையேறவில்லை. உற்பத்தியைக் குறைத்து, விலை இறக்கமடைவது தடுக்கப்பட்டுள்ளது. வரும் காலத்தில் கச்சா எண்ணெய் விலை சரிய வாய்ப்பிருக்கிறதா என்று பார்ப்போம்.

கச்சா எண்ணெய் விலையேற்றம் நீடிக்குமா? - ஒரு பார்வை

அமெரிக்க ஷெல் எண்ணெய் உற்பத்தியில் சரிவு

2020-ம் ஆண்டு தொடக்கத்திலிருந்தே அமெரிக்க ஷெல் எண்ணெய் உற்பத்தி படிப்படியாகக் குறைந்துகொண்டே வந்தது, சர்வதேச விலையேற்றத்துக்கு முக்கியக் காரணம் எனலாம். உலக சந்தைக்கு வரக்கூடிய மொத்த கச்சா எண்ணெய்வரத்தில் (சப்ளை), அமெரிக்காவின் பங்களிப்பு குறைவது ஒபெக் மற்றும் ஒபெக் அல்லாத நாடுகளுக்கு மகிழ்ச்சியைக் கொடுத்துள்ளது. ஷெல் எண்ணெய் உற்பத்தி செய்யக்கூடிய இயந்திரங்களின் (Rig) எண்ணிக்கை கணிசமாகக் குறைந்திருக்கிறது. கடந்த ஏழு ஆண்டுகளுக்கு முன்னர் இருந்த எண்ணிக்கையை ஒட்டியே தற்போது காணப்பட்டாலும், எண்ணெய் உற்பத்தி அளவில் பெரிதாகப் பாதிக்கப்படவில்லை. தொழில்நுட்ப வளர்ச்சியால் குறைந்த அளவு இயந்திரங்களின் எண்ணிக்கையிலேயே உற்பத்தி அளவை எட்ட முடிகிறது என்பதால், இந்த இயந்திரங்களின் எண்ணிக்கையைக் குறைந்த அளவு அதிகரித்தால்கூட, பழைய உற்பத்தி அளவை எட்ட நிறையவே வாய்ப்புள்ளன.

கச்சா எண்ணெய்
கச்சா எண்ணெய்

உச்சத்தில் சீனாவின் கச்சா எண்ணெய் இறக்குமதி

சீனாவின் மே மாத கச்சா எண்ணெய் இறக்குமதி, இதுவரை வரலாற்றில் இல்லாத அளவுக்கு நாள் ஒன்றுக்கு 11.34 மில்லியன் பேரல்களாக அதிகரித்துள்ளது. சீனாவின் கச்சா எண்ணெய் இறக்குமதி கடந்த ஆண்டைவிட, இந்த ஆண்டு 2% அதிகரித்துள்ளது. கச்சா எண்ணெய் விலை குறைந்தது இதற்கு முக்கியமான காரணம். விலை தொடர்ந்து அதிகரிக்கும்பட்சத்தில், சீனாவின் கச்சா எண்ணெய் இறக்குமதி குறைய வாய்ப்பிருக்கிறது. 2020-ம் ஆண்டின் முதல் ஆறு மாதங்களில், சீனாவின் இறக்குமதி 2014, 2015-ம் ஆண்டுகளின் கையிருப்புடன் ஒப்பிடும்போது நான்கு மடங்கு அதிகமாகச் சேமித்து, தனது ‘இன்வென்ட்ரி’–யை அதிகரித்துள்ளது. அதுவும், பிப்ரவரி மாதத்தில் சீனாவின் தேவை மிகவும் குறைந்து காணப்பட்ட நிலையில், இத்தகைய இறக்குமதி நடைபெற்றுள்ளது. ஆகையால், எந்த நேரத்தில் வேண்டுமானாலும் சீனா இறக்குமதி அளவைக் குறைக்க வாய்ப்பிருக்கிறது. அப்படிப்பட்ட நிலை வரும்பட்சத்தில், மீண்டும் உலக அளவில் கச்சா எண்ணெயின் தேக்கம் அதிகமாகி விடும் சூழ்நிலை உருவாகிவிடும்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

சர்வதேச எரிசக்தி ஆணையத்தின் கணிப்பு..!

கோவிட் 19 காரணமாகக் கடந்த மார்ச், ஏப்ரல் மாதங்களில் உலக அளவில் கச்சா எண்ணெயின் தேவை 25-30% வரை குறைந்தது. இதன் பிரதிபலிப்புதான் ‘நைமெக்ஸ் க்ரூடு’ மைனஸ் 39 டாலராகச் சரிந்தது. தற்போது உற்பத்தி குறைப்பு நடவடிக்கைகள் காரணமாக 10% வரையிலும், உலக அளவில் ஊரடங்கு நடவடிக்கைத் தளர்வின் காரணமாக மேலும் 10% வரையிலும் விலை சரிவது தடுக்கப்பட்டுள்ளது. மீதமுள்ள 5-10% அளவு இப்போதும் சேமிப்பாக மாறிக்கொண்டுதான் இருக்கிறது.

கச்சா எண்ணெய்
கச்சா எண்ணெய்

ஒபெக் உறுப்பு நாடுகள், ஒபெக் அல்லாத ரஷ்யா மற்றும் அமெரிக்கா உள்ளிட்ட நாடுகள் எடுத்துள்ள முயற்சிகளின் பலனாக உற்பத்தி குறைந்தது. அதனால் விலை 40 டாலராகக் குறைந்து... உற்பத்திக்கும் தேவைக்குமான இடைவெளியைச் சற்றுக் குறைத்திருக்கிறதே தவிர, பெரிய அளவில் குறைந்துவிடவில்லை. 2014-ம் ஆண்டிலிருந்து கச்சா எண்ணெய் கையிருப்பு தொடர்ந்து அதிகரித்துவருகிறது. இந்த மாத இறுதியில் 2.7 மில்லியன் பேரல்கள் கையிருப்பு மேலும் அதிகரித்திருப்பதாக சர்வதேச எரிசக்தி ஆணையம் தெரிவித்துள்ளது.

கச்சா எண்ணெய்
கச்சா எண்ணெய்

`கோவிட்19-க்கு முந்தைய அளவுக்கு நுகர்வு எட்டப்படாவிட்டாலும், 2021-ம் ஆண்டின் கடைசிக் காலாண்டில் 4% குறைவாக எட்டப் படலாம்’ என்றும் இ.ஐ.ஏ கணித்துள்ளது. 2019-ம் ஆண்டு உலகத் தேவையானது நாள் ஒன்றுக்கு 99.8 மில்லியன் பேரல்களாக இருந்த நிலையில், 2021-ம் ஆண்டின் தேவை நாள் ஒன்றுக்கு 2.4 மில்லியன் பேரல்கள் குறைந்து, 97.4 மில்லியன் பேரல்களாக இருக்க வாய்ப்பிருப்பதாக கணித்துள்ளது. உலக அளவில் விமானப் போக்குவரத்து 2019-ம் ஆண்டை ஒப்பிடும்போது, நடப்பாண்டில் 70% முழுமையாகத் தொடங்கப்படாத நிலையில், கோவிட் 19-க்கு முந்தைய கச்சா எண்ணெய்த் தேவை அதிகரிக்க போதிய முகாந்திரங்கள் இல்லை என்றே கருதப்படுகிறது.

இந்தியாவின் இறக்குமதி

இந்தியாவின் மே மாத இறக்குமதி சென்ற ஆண்டோடு ஒப்பிடும்போது, கொரோனா ஊரடங்கு காரணமாக மிகப்பெரிய அளவுக்கு அதாவது, 22.5 சதவிகிதமாகக் குறைந்துள்ளது. இது தற்காலிக நிகழ்வாக இருந்தாலும், அரசாங்கம் படிப்படியாகத் தளர்வுகளை அறிவித்துவருவதால், கச்சா எண்ணெயின் பயன்பாடு அதிகரிக்க வாய்ப்பிருக்கிறது. எண்ணெய்ச் சுத்திகரிப்பு மற்றும் விற்பனை செய்யும் நிறுவனங்களான ஐ.ஓ.சி., பி.பி.சி.எல் மற்றும் ஹெ.பி.சி.எல் போன்றவை தினந்தோறும் விலை நிர்ணயம் செய்வதில் டி.பி.பி (T.P.P-Trade Parity Price) முறையைக் கையாள்வதால், சர்வதேச அளவில் விலை குறைந்தாலும், இந்தியாவில் பெட்ரோல், டீசல் விலை குறையாமல் இருக்கிறது. (டி.பி.பி என்பது 80% இறக்குமதி சார்ந்த செலவினங்களை உள்ளடக்கியதும், 20% பெட்ரோலியப் பொருள்களிலிருந்து பிரித்து எடுக்கப்படும் பொருள்களை ஏற்றுமதி செய்வதன் மூலம் கிடைக்கப்பெறும் வருவாயை உள்ளடக்கியதும் ஆகும்.)

கச்சா எண்ணெய்
கச்சா எண்ணெய்

நபீபியாவில் புதிய எண்ணெய்க் கிணறு

கடந்த ஐந்து ஆண்டுகளுக்கும் மேலாக புதிய எண்ணெய் வளம்மிக்கப் பகுதிகளைக் கண்டுபிடித்தல் பெரிய அளவில் மேற்கொள்ளப்படாத நிலையில், தற்போது ஆப்பிரிக்கக் கண்டத்தில் இருக்கும் நபீபியா உலக கவனத்தைப் பெற்றுள்ளது. இங்குள்ள `கவாங்கோ பேசின்’ என்னும் இடத்தில் எண்ணெய் வளம் இருப்பதாகக் கண்டறியப் பட்டுள்ளது. இது அமெரிக்காவின் ஷெல் எண்ணெய் உற்பத்தி செய்யும் இடமான ஈகிள் ஃபோர்ட் அளவுக்கு, சுமார் 25,000 சதுர கிலோமீட்டர் வரை நிலப்பரப்பு இருக்கும் எனவும், ஷெல் எண்ணெயின் `12 பில்லியன் பேரல்கள்’ என்ற அளவில் அதன் மொத்த எண்ணெய் வளம் இருக்க வாய்ப்புள்ளதாகவும் செய்திகள் வெளியாகியுள்ளன.

நடப்பு 2020-ம் ஆண்டின் இரண்டாம் காலாண்டுக்குப் பிறகு எண்ணெய் துரப்பனப் பணிகளை ஆரம்பிக்க இருப்பதாகக் கூறப்பட்டுள்ளதால், இந்த ஆண்டு இறுதியில் இதன் உற்பத்தித்திறன் ஆகியவை வெளியாகவுள்ளன. இதன் தாக்கம் சந்தையில் எத்தகைய மாற்றங்களை ஏற்படுத்தும் என்பதைப் பொறுத்திருந்து பார்க்க வேண்டும்.

கச்சா எண்ணெயின் விலைப்போக்கு

உலக பொருளாதாரத்தை கோவிட் 19 புரட்டிப் போட்டுள்ள நிலையில், நிறுவனங் களுக்கு முதலீடுகளிலிருந்து வருமானமின்மை, நிதி நிறுவனங்களுக்கு நிதிச் சுமை ஏற்படுதல், வேலைவாய்ப்பின்மை என எதிர்மறையான அச்சங்களைத் தோற்றுவித்துள்ளன. 2020-2021 முதல் காலாண்டு வரையில் அதிகபட்சமாக ஒரு பீப்பாய் 45 டாலருக்கு மிகாமல் வர்த்தகமாக வாய்ப்பில்லை எனலாம்!