Published:Updated:

செபியின் புதிய விதிமுறைகள்..! - யாருக்கு சாதகம், யாருக்கு பாதகம்?

செபியின் 
புதிய 
விதிமுறைகள்
பிரீமியம் ஸ்டோரி
செபியின் புதிய விதிமுறைகள்

செபியின் இந்த நடவடிக்கைகளால் கேஷ் மார்க்கெட்டில் வால்யூம் குறைய வாய்ப்பு உண்டு!

செபியின் புதிய விதிமுறைகள்..! - யாருக்கு சாதகம், யாருக்கு பாதகம்?

செபியின் இந்த நடவடிக்கைகளால் கேஷ் மார்க்கெட்டில் வால்யூம் குறைய வாய்ப்பு உண்டு!

Published:Updated:
செபியின் 
புதிய 
விதிமுறைகள்
பிரீமியம் ஸ்டோரி
செபியின் புதிய விதிமுறைகள்
ங்குச் சந்தையில் இப்போது அனைவருமே பரபரப்பாகப் பேசும் விஷயம், செபி கொண்டுவந்திருக்கும் மார்ஜின் விதிமுறைப் பற்றித்தான். இது, இந்த மாதம் 1-ம் தேதி முதல் நடைமுறைக்கு வந்துவிட்டது
செபியின் புதிய விதிமுறைகள்..! - யாருக்கு சாதகம், யாருக்கு பாதகம்?

மார்ஜின் விதிமுறைகள்!

இனி, கேஷ் மார்க்கெட்டில் பங்குகளை வாங்கவும் விற்கவும் மார்ஜின் தேவை. குறைந்தபட்சம் 20% மார்ஜின் இருக்க வேண்டும். உதாரணமாக, ரூ.10,000-க்கு பங்கு வாங்க வேண்டும் எனில், குறைந்தபட்சம் 2,000 ரூபாய் பணம் இருக்க வேண்டும். மீதமுள்ள 8,000 ரூபாயை அடுத்த இரண்டு நாள்களுக்குள் செலுத்த வேண்டும்.

அதேபோல, பங்குகளை விற்க வேண்டும் என்றாலும் குறைந்தபட்சம் 20% மார்ஜின் தொகை இருக்க வேண்டும். (இயர்லி பேயின் அக்கவுன்டுக்கு பங்குகள் மாற்றப்படும்பட்சத்தில் மார்ஜின் இல்லாமல் விற்க முடியும்!) தேவையான அளவுக்கு மார்ஜின் இல்லாவிட்டால் இனி அபராதம் செலுத்த வேண்டியிருக்கும். மேலும், கேஷ் மார்க்கெட்டில் இன்று பங்குகளை வாங்கி மறுநாள் விற்கும் வேலையை இனி செய்ய முடியாது. காரணம், ஒரு பங்கை வாங்கியிருக்கும்பட்சத்தில் அந்தப் பங்கு இரண்டு நாள்களுக்குப் பிறகுதான் நம்முடைய டீமேட் கணக்கில் வரும். அதனால் இல்லாத பங்கை முதலீட்டாளரால் விற்க முடியாது.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஆனால், இதை வேறு விதமாகச் செய்ய வாய்ப்புண்டு. உதாரணமாக, 10,000 ரூபாய்க்கு பங்கு வாங்க ரூ.2,000 இருந்தால் போதும். வாங்கிய அடுத்த நாள் அந்தப் பங்கு 11,000 ரூபாயாக உயர்ந்தால், அடுத்த நாள் 2,200 ரூபாய் மார்ஜின் செலுத்திப் பங்குகளை விற்க முடியும். எனினும், இன்ட்ரா டே வர்த்தகத்தில் கிடைக்கும் லாபத்தை மார்ஜினாகப் பயன்படுத்த முடியாது. காரணம், வாடிக்கையாளர்களின் டீமேட் கணக்கில் உள்ள பங்குகளை விற்ற பிறகு, அந்தப் பணம் ‘இயர்லி பேயின் அக்கவுன்ட்’டுக்கு வரும் வரை அதை மார்ஜினாகப் பயன்படுத்த முடியாது.

பங்குச் சந்தை
பங்குச் சந்தை

பங்குகள் அடமானம்!

பங்குகளை அடமானமாக வைத்து மார்ஜின் தொகையைப் பெற்று, வர்த்தகத்தில் ஈடுபடும் வழக்கம் இதுவரை இருந்தது. அடகு வைக்கும் பங்குகளை புரோக்கரேஜ் நிறுவனத்தில் அடமானக் கணக்குக்கு (collatral demat account) மாற்றிவிடுவார்கள். இப்படி நேரடியாக அடமானமாக வைப்பதால் அந்தப் பங்கில் நடைபெறும் டிவிடெண்ட், பங்கு பிரிப்பு, போனஸ் உள்ளிட்ட எந்த கார்ப்பரேட் நடவடிக்கையும் முதலீட்டாளர்களுக்குக் கிடைக்க காலதாமதம் ஆகும். மார்ஜின் தொகை செலுத்த முடியாத நிலையில், பங்குகளை மார்ஜினாகக் காட்ட வர்த்தகர்கள் நினைத்தால், அடமானம் வைத்து மார்ஜின் தொகையைக் கொண்டுவந்த பிறகே, புதிய வர்த்தகத்தை மேற்கொள்ள முடியும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

புரோக்கிங் நிறுவனங்களுக்கு..!

செபியின் இந்த நடவடிக்கைகளால் கேஷ் மார்க்கெட்டில் வால்யூம் குறைய வாய்ப்பு உண்டு. அடமானம் மற்றும் மார்ஜின் விதிமுறைகள் மாற்றி அமைக்கப்பட்டிருப்பதால், புரோக்கிங் நிறுவனங்களுக்கான சிக்கல் குறைவு. ஆனால், விதிமுறைகளைச் சரியாக நடைமுறைப்படுத்த வேண்டும். தவறு நடக்கும்பட்சத்தில் அபராதம் செலுத்த வேண்டியிருக்கும். T+2 செட்டில்மென்ட் வருவதற்குமுன் சில நிறுவனங்கள் T+5 செட்டில்மென்ட் என்பதை விளம்பர உத்தியாகக் காட்டி செயல்பட்டன. இனி அதுபோல செயல்பட முடியாது. புரோக்கிங் நிறுவனங்கள் புராடக்டுகளில் எந்தவிதமான வித்தியாசத்தையும் இனி உருவாக்க முடியாது என்பதால், அனைத்து புரோக்கிங் நிறுவனங்களும் ஒன்றுபோல தெரியும். இனி சேவையின் அடிப்படையிலேயே புரோக்கிங் நிறுவனங்கள் தங்களை வித்தியாசப்படுத்திக் காட்டிக்கொள்ள முடியும்.

பங்குச் சந்தை
பங்குச் சந்தை

முதலீட்டாளர்களுக்கு..!

அதிக ரிஸ்க் எடுப்பதால் அதிக லாபம் மற்றும் நஷ்டம் அடைய வாய்ப்பிருக்கிறது. தற்போது ரிஸ்க் எடுக்கும் அளவு குறைத்திருப்பதால் முதலீட்டாளரின் ரிஸ்க்கும் குறைந்திருக்கிறது. தவிர, ஒவ்வொருமுறை பங்குகளை அடமானம் வைக்கும்போதும் வாடிக்கையாளர்களின் மார்ஜின் தேவைக்கு மட்டுமே இந்த அடமானம் பயன்படும் என்பது உறுதி செய்யப்படுவதால், இதில் முறைகேடு நடக்க வாய்ப்பில்லை. ஆக, சிறிதளவு வர்த்தகம் குறைந்தாலும் பல வகையிலும் நன்மை செய்வதாகவே செபியின் இந்த மாற்றங்கள் உள்ளன.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism