Published:Updated:

கச்சா எண்ணெய் திடீர் சரிவு ஏன்? - ‘பளிச்’ காரணங்கள்!

கச்சா எண்ணெய்
பிரீமியம் ஸ்டோரி
கச்சா எண்ணெய்

தொழில் முடக்கத்தால், கச்சா எண்ணெயின் பயன்பாடு மொத்த உற்பத்தியில் 30% குறைந்துவிட்டது!

கச்சா எண்ணெய் திடீர் சரிவு ஏன்? - ‘பளிச்’ காரணங்கள்!

தொழில் முடக்கத்தால், கச்சா எண்ணெயின் பயன்பாடு மொத்த உற்பத்தியில் 30% குறைந்துவிட்டது!

Published:Updated:
கச்சா எண்ணெய்
பிரீமியம் ஸ்டோரி
கச்சா எண்ணெய்
ச்சா எண்ணெய் சர்வதேசச் சந்தையில், கடந்த வாரம் திங்கள் அன்று மிகப்பெரிய இறக்கம்கண்டது. குறிப்பாக,`டபிள்யூ.டி.ஐ நைமெக்ஸ் குரூட்’ (WTI Nymex) கீழ்நோக்கி எதிர்மறையாக அதாவது னமஸ் 37 டாலரில் (300 சதவிகிதத்துக்குமேல்) முடிவடைந்தது.

பிரென்ட் (Brent) குரூட் 23 டாலராக (8 சதவிகிதத்துக்கு மேல்) வீழ்ச்சியுடன் முடிவடைந்தது, இதற்குமுன்னர் 1931-ம் ஆண்டு ஈஸ்ட் டெக்ஸாஸ் குரூட் ஒரு பேரல் விலை 1.70 டாலராக வர்த்தகமாகியிருக்கிறது. அதன் பிறகு இப்போதுதான் இந்த அளவுக்கு வீழ்ச்சியைக் கண்டிருக்கிறது. இது சர்வதேச அரங்கில் எண்ணெய் நிறுவனங்களுக்கும், முதலீடுகளை மேற்கொண்டுள்ள வங்கிகள் மற்றும் முதலீட்டாளர் களுக்கும் கவலை தரக்கூடிய செய்தியாக மாறியுள்ளது. கச்சா எண்ணெய் விலை குறைய என்ன காரணம் என்பதைப் பார்ப்பதற்கு முன்னர், டபிள்யூ.டி.ஐ மற்றும் பிரென்ட் குரூட் என்றால் என்ன என்று பார்ப்போம்.

கச்சா எண்ணெய் திடீர் சரிவு ஏன்? - ‘பளிச்’ காரணங்கள்!

ஒட்டுமொத்த விகடனுக்கும் ஒரே ஷார்ட்கட்!

டபிள்யூ.டி.ஐ குரூட் மற்றும் பிரென்ட் குரூட்

அமெரிக்காவில் கச்சா எண்ணெய் டெக்ஸாஸ், லூசியானா, நார்த் டகோடா ஆகிய இடங்களில் உற்பத்தி செய்யப்படுகிறது. இங்கிருந்து எடுக்கப்படும் கச்சா எண்ணெய் `நைமெக்ஸ் குரூட்’ என்று அழைக்கப்படுகிறது. சல்பர் அடர்த்தி பிரென்ட் கச்சா எண்ணெயைக் காட்டிலும் குறைவு. அமெரிக்க கச்சா எண்ணெய்க் குறியீடு `டபிள்யூ.டி.ஐ’ என்று அழைக்கப்படுகிறது. டபிள்யூ.டி.ஐ நைமெக்ஸ் வர்த்தகம் நியூயார்க் மெர்க்கன்டைல் எக்ஸ்சேஞ்சில் வர்த்தகம் ஆகிறது.

ஐரோப்பிய கடல் பிராந்தியத்தில் எடுக்கப்படும் கச்சா எண்ணெய்க்குப் பெயர் `பிரென்ட் குரூட்.’ மேலும், ஒபெக் நாடுகள் அதாவது, வளைகுடா நாடுகள், ஆப்பிரிக்கா மற்றும் ஐரோப்பாவிலிருந்து எடுக்கப்படும் கச்சா எண்ணெயும் `பிரென்ட் குரூட்’ என்றே அழைக்கப்படுகிறது. இது லண்டனில் இருக்கும் இன்டர்கான்டினென்டல் எக்ஸ்சேஞ்சில் வர்த்தகமாகிறது. இந்தியாவைப் பொறுத்தவரை, ஒபெக் நாடுகளிலிருந்து பிரென்ட் குரூட் இறக்குமதி செய்யப்பட்டுவருகிறது. எனவே, சர்வதேச விலையான பிரென்ட் விலையின் அடிப்படையிலேயே சில்லறை விற்பனையின் விலை, எண்ணெய் நிறுவனங்களால் நாள்தோறும் நிர்ணயம் செய்யப்படுகிறது.

கச்சா எண்ணெய்
கச்சா எண்ணெய்

டபிள்யூ.டி.ஐ நைமெக்ஸ் திடீரென சரிந்தது ஏன்?

ஒவ்வொரு மாதமும் கச்சா எண்ணெய் ஃப்யூச்சர் கான்ட்ராக்ட் (Future contract) முடிவடையும் தேதியில், அந்தந்த மாதத்தில் வாங்குபவர் அல்லது விற்பவர் மேற்கொண்டுள்ள ஒப்பந்தங்களை நிறைவு செய்வது வழக்கமான ஒன்று. இந்தத் தேதியில் விற்பவர், வாங்குபவருக்கு டெலிவரி தந்தாக வேண்டும்.

பொதுவாக, பிரென்ட் குரூட் கடல் பிராந்தியத்திலேயே (North Sea) உற்பத்தி செய்யப்படுவதால், உடனடியாக கப்பல்கள் மூலமாக ஏற்றுமதி செய்யப்பட்டுவிடும். எனவே, சேமிப்புக் கிடங்குகளில் சேமிக்க வேண்டிய அவசியம் கிடையாது. அப்படியே சேமித்தாலும் அதை வி.எல்.சி.சி (VLCC) என்று சொல்லக்கூடிய பெரிய அளவிலான கப்பல்களிலேயே சேமிக்கும் வசதி உண்டு.

ஆனால், நைமெக்ஸ் குரூடைப் பொறுத்தவரை, அமெரிக்காவின் ஒக்கலஹாமா மாகாணத்தில் இருக்கும் `குஷ்ஷிங்’ என்ற இடத்திலிருக்கும் சேமிப்புக் கிடங்குகளில் சேமித்து, பிறகு அங்கிருந்து ஏற்றுமதி செய்யப்படுகிறது. இங்குதான் சிக்கல் ஆரம்பமானது. அதாவது, மே மாத ஒப்பந்தத்தில் கச்சா எண்ணெயை வாங்கியவர், ஃப்யூச்சர் தேதி முடிவடைவதற்குள் வாங்கிய விலையைவிட அதிகமாக இருந்தால் விற்றுவிடலாம்; விலை குறைவாக இருந்தால் நஷ்டத்துக்கு விற்க நேரிடும். அந்தச் சாத்தியமும் இல்லையெனில், ஒப்பந்தத்தை வாங்கியவரே டெலிவரி எடுக்க வேண்டிய கட்டாயத்துக்குத் தள்ளப்படுவார். டெலிவரி எடுக்கலாமென்றால், அனைத்து எண்ணெய்க் கிடங்குகளுமே 70 சதவிகிதத்துக்குமேல் நிரம்பிவிட்டன. இதனால் ஒப்பந்தம் எடுத்தவரால், டெலிவரி எடுக்க முடியாத நிலை ஏற்பட்டது. மே மாத ஒப்பந்த ஃப்யூச்சர் தேதி வேறு நெருங்கிவிட்டதால், மே மாத விலை பூஜ்ஜியத்துக்குக் கீழே சென்றுவிட்டது. அதற்கு கீழே விற்க வேண்டுமெனில், ஒப்பந்தத்தை எடுத்தவரே, வாங்குபவருக்குக் கச்சா எண்ணெயை எந்த விலையும் இல்லாமல் தந்து, மேற்கொண்டு டாலரும் தந்து ஒப்பந்தத்தை முடிக்க வேண்டிய சூழ்நிலை ஏற்பட்டது.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கடுமையாகக் குறைந்த தேவை!

உற்பத்தி செய்யப்படும் கச்சா எண்ணெயைச் சேமிக்க இடமில்லை என்பதால்தான் டபிள்யூ.டி.ஐ நைமெக்ஸ் விலை சரிந்தது.என்றாலும், அதைவிட முக்கியக் காரணம், கொரோனா வைரஸ் தாக்குதல் காரணமாக நூற்றுக்கும் மேற்பட்ட நாடுகளில் ஊரடங்கு நடைமுறைப்படுத்தப்பட்டிருப்பதால், ஒட்டுமொத்த பொருளாதாரமும் ஸ்தம்பித்துள்ள நிலைக்குத் தள்ளப்பட்டிருக்கிறது. இதனால் பெட்ரோல் மற்றும் டீசலுக்கான தேவை பெருமளவில் குறைந்திருக்கிறது. இதனால் ஒரு பீப்பாய் கச்சா எண்ணெய் விலை மைனஸ் 37 டாலராக முடிவடைந்தது.

தேவைக்குமேல் உற்பத்தி

இந்த ஆண்டில் உலக அளவில் கச்சா எண்ணெயின் பயன்பாடு தொடர்ந்து குறைந்துகொண்டே வந்தது. உலக நாடுகளின் தொழில் முடக்கத்தால், மொத்த உற்பத்தியில் 30% குறைந்துவிட்டது.

இதில் 10% கச்சா எண்ணெய் ஒபெக் மற்றும் ஒபெக் அல்லாத நாடுகளால் ஏற்கெனவே அமலிலுள்ள உற்பத்திக் குறைப்பு சமன் செய்துவிட்டாலும், மீதமுள்ள 20% கச்சா எண்ணெய் கையிருப்பாக மாறுகிறது. உலகச் சந்தையின் தேவையைவிட உற்பத்தி அதிகமாக இருப்பது சர்வதேச விலையில் பிரதிபலிக்கிறது. தற்போது தோராயமாக 20 மில்லியன் பேரல்கள் அதிகப்படியாக இருப்பதும், உற்பத்தி செய்வதைச் சேமிக்கக் கிடங்குகள் இல்லாததும், விலை இறங்கக் காரணமாக அமைந்துவிட்டன.

கச்சா எண்ணெய் திடீர் சரிவு ஏன்? - ‘பளிச்’ காரணங்கள்!

இந்தியாவின் கச்சா எண்ணெய் சேமிப்பு

இந்தியாவின் அனைத்து எண்ணெய் சுத்திகரிப்பு நிலையங்களின் ஒட்டுமொத்த சேமிப்பு 65 நாள்கள் வரையிலான தேவையைப் பூர்த்தி செய்யும்விதமாக இருக்கிறது. அளவின் அடிப்படையில் 85 மில்லியன் பேரல்களாக இருக்கிறது. இதில் 95% நிரம்பிவிட்ட நிலையில், ஏப்ரல் மாதத்தின் முதல் இரண்டு வாரங்களில் மொத்த தேவையில் 50% மட்டுமே பயன்பாட்டில் இருந்திருக்கிறது. இதனால் மே மாத கச்சா எண்ணெய் இறக்குமதி முழுவதுமாக நிறுத்த வாய்ப்பிருக்கிறது.

இதுதவிர, எண்ணெய்க் கிடங்குகளின் மொத்த கையிருப்பு 5.3 மில்லியன் டன்களாக இருக்கிறது. இது ஒன்பது முதல் பத்து நாள்கள் வரையிலான இறக்குமதியைச் சேமிப்பாக மாற்றக்கூடிய கொள்ளளவுகொண்டது. இதுதவிர, புதிதாக 6.5 மில்லியன் டன்களைச் சேமித்துவைக்க (12 நாள்கள் இறக்குமதி) மத்திய அரசு நடவடிக்கைகளை மேற்கொண்டுள்ளது. இந்தியாவிலிருக்கும் 66,000-க்கும் மேற்பட்ட பெட்ரோல் விற்பனை நிலையங்களிலும் எரிபொருள் சேமிக்கப்பட்டு நிரம்பிவிட்ட படியால், இதற்கு மேலும் கச்சா எண்ணெயை இறக்குமதி செய்வது முடியாத நிகழ்வாக மாறிவிட்டது.

கச்சா எண்ணெய்
கச்சா எண்ணெய்

உயர்ந்தது சூப்பர் டேங்க்கர்களின் வாடகைக் கட்டணம்

சர்வதேச கமாடிட்டி வர்த்தகத்தில் ஈடுபட்டுள்ளவர்கள் எப்போதெல்லாம் கச்சா எண்ணெய் விலை சரிகிறதோ அப்போதெல்லாம் சேமித்துவைத்து, பின்னர் விலை அதிகரிக்கும்போது விற்பனை செய்வது வழக்கம். இந்த முறையும் இதற்காக வடிவமைக் கப்பட்ட 60–க்கும் மேற் பட்ட ‘சூப்பர் டேங்க்கர்’ (ஒவ்வொன்றும் 2 மில்லியன் பேரல் கொள்ளளவு கொண்டது) எனப்படும் கப்பல்களில், 160 மில்லியன் பேரல் கச்சா எண்ணெய் சேமித்து வைக்கப் பட்டுள்ளது. இது வரும் மாதங்களில் மூன்று மடங்காக அதிகரித்து சுமார் 200-க்கும் அதிகமான சூப்பர் டேங்க்கர்களில் நிரப்பப்பட இருக்கிறது. இதற்கான தேவை அதிகரித்திருப்பதால், சூப்பர் டேங்க்கர்களின் வாடகைக் கட்டணம் கடந்த ஒரு மாதத்தில் மட்டும் இரண்டு மடங்காக அதிகரித்துவிட்டது. வரும் மே மாத வாக்கில், சந்தையில் விற்க முடியாத நிலை ஏற்படுமாயின், மிகப்பெரிய அளவாக அதாவது, 500 மில்லியன் பேரல்களைத் (நாள் ஒன்றுக்கு சுமார் 9 மில்லியன் பேரல்கள்) தாண்டி, சேமிப்பாக மாறும் நிலை வரக்கூடும்.

கச்சா எண்ணெய்
கச்சா எண்ணெய்

இந்தியாவுக்கு நன்மை பயக்குமா?

பொதுவாகவே நைமெக்ஸ் குரூட் விலையை ஒப்பிடும்போது, பிரென்ட் குரூட் விலை 4-5 டாலர் அதிகமாகவே வர்த்தகமாகும். பிரென்ட் குரூட் விலை 2020–ம் ஆண்டு தொடக்கத்திலிருந்து 60%-க்கு மேல் விலை இறங்கியிருப்பது நம் நாட்டின் நிதிப் பற்றாக்குறையைக் குறைக்க உதவும் என்றாலும், கொரோனா தாக்குதலால் இந்தியப் பொருளாதாரமே பாதிக்கப்பட்டுள்ள நிலையில், உடனடிப் பலன் எதையும் எதிர்பார்க்க முடியாது.

1. இந்த நிதியாண்டின் வருவாய்க்கும், செலவினங்களுக்குமான வித்தியாசம் அதாவது, நிதிப் பற்றக்குறை, ஜி.டி.பி-யில் 3.5 சதவிகிதமாக இருக்கக்கூடும் என்று எதிர்பார்த்த நிலையில், தற்போதைய சூழ்நிலையில் இரண்டு மடங்காக அதிகரிக்கும் எனப் பொருளாதார வல்லுநர்கள் கருத்து தெரிவித்திருக்கிறார்கள்.

2. இந்திய ரூபாயின் மதிப்பு, அமெரிக்க டாலருக்கு நிகராக 2020, ஜனவரி தொடங்கி இதுவரை 7 சதவிகிதமாகச் சரிந்துள்ளது. கொரோனா அச்சம் மேலும் சில காலம் நீடித்தால், ரூபாயின் மதிப்பு மேலும் சரிய வாய்ப்புண்டு.

3. எண்ணெய் விற்பனை செய்யும் நிறுவனங்களுக்குக் கச்சா எண்ணெய் விலைச் சரிவு பெரிய இழப்பு. ஏனெனில், ஏற்கெனவே குறிப்பிட்ட விலையில் விலை நிர்ணயம் செய்யப்பட்டு, இறக்குமதி செய்யும் காலம், சுத்திகரிப்புக் காலம் என்று இந்த இடைப்பட்ட காலத்தில் சர்வதேச விலை இறங்கும் எனில், ‘இன்வென்டரி லாஸ்’ என்று சொல்லப்படும் இழப்பைச் சந்திப்பது, சுத்திகரிப்பு செய்யப்பட்ட எண்ணெயை விற்பனை செய்ய முடியாமல் தேக்கமடைவது போன்ற காரணங்கள் எண்ணெய் நிறுவனங்களின் நிதி நிலையைப் பாதிக்கச் செய்கின்றன.

எண்ணெய் நிறுவனங்களுக்கு இழப்பு, அரசுக்கு எண்ணெய் விற்பனை செய்வதன் மூலம் பெறக்கூடிய வரி இழப்பு என அழுத்தம் அதிகரிப்பதால், பெட்ரோல், டீசல் மற்றும் எரிவாயுவின் விலை குறைய வாய்ப்பில்லை!