Published:Updated:

ட்விட்டர் சர்வே: பங்குச் சந்தை இறங்கினால் முதலீடு செய்வீர்களா?

ட்விட்டர் சர்வே

பிரீமியம் ஸ்டோரி

ங்குச் சந்தையானது பல்வேறு காரணங்களால் இறக்கத்தில் இருக்கிறது. அதிகபட்சமாக 12103 புள்ளிகளைத் தொட்டுவிட்டு, இறங்கத் தொடங்கிய நிஃப்டி, ஏறக்குறைய 10848 புள்ளிகள் வரை சென்று, தற்போது 11000 புள்ளி களுக்குக் கீழே உள்ளது. பங்குச் சந்தை இன்னும்கூட இறங்கும் என்று சிலர் பயமுறுத்தி வருகிறார்கள்.

இந்த நிலையில், பங்குச் சந்தை இன்னும் இறங்கினால், உங்கள் முதலீட்டு முடிவு என்னவாக இருக்கும் என்கிற கேள்வியை நாணயம் ட்விட்டரில் (https://twitter.com/NaanayamVikatan) கேட்டோம்.

ட்விட்டர் சர்வே: பங்குச் சந்தை இறங்கினால் முதலீடு செய்வீர்களா?

இந்த சர்வேயில் கலந்து கொண்டவர்களில் 49% பேர், பங்குச் சந்தை இறங்கும்பட்சத்தில் சற்றுப் பொறுமையாக இருந்து, புதிய முதலீட்டைச் செய்வோம் என்று சொல்லி யிருக்கிறார்கள். தற்போது இறங்கும் பங்குச் சந்தை சில மாதங்கள் கழித்து மீண்டும் உயரும் என்ற நம்பிக்கை இவர் களுக்கு இருப்பதையே இது காட்டுகிறது.

36% பேர், பங்குச் சந்தை இறங்கினாலும் முதலீடு செய்வேன் என்று சொல்லியிருக் கிறார்கள். தற்போது இறங்கும் பங்குச் சந்தை நிச்சயம் மீண்டுவரும்; இன்றைக்குக் குறைந்த விலைக்கு வாங்கும் பங்கு அல்லது ஃபண்ட் யூனிட்டுகளின் மதிப்பு உயர்ந்து, நல்ல லாபத்தை அளிக்கும் என்கிற அவர்களின் நம்பிக்கை நமக்குத் தெளிவாகத் தெரிகிறது.

ட்விட்டர் சர்வே: பங்குச் சந்தை இறங்கினால் முதலீடு செய்வீர்களா?

ஆனால், 15% பேர் சந்தை இறங்கினால் முதலீடு செய்யமாட்டேன் என்று சொல்லி யிருக்கிறார்கள். இவர்கள் பங்குச் சந்தை பற்றி முழுமையாகத் தெரியாதவர் களாகவோ, முதல்முறை முதலீட்டாளர் களாகவோ இருக்கலாம். சந்தை இறக்கம் என்கிற பொன்னான வாய்ப்பை இவர்கள் தவறவிடுபவர்களாகவே இருப்பார்கள்.

ஆடித் தள்ளுபடிபோல, தள்ளுபடி விலையில் நல்ல பங்குகள் கிடைக்கும்போது அதை வாங்குவதுதானே புத்திசாலித்தனம்!

- ஆகாஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு