`நாளை தொடங்குகிறது ரம்ஜான் நோன்பு!' - தமிழக அரசின் தலைமை காஜி அறிவிப்பு | Tomorrow Ramadan fasting festival starting

வெளியிடப்பட்ட நேரம்: 21:40 (06/05/2019)

கடைசி தொடர்பு:21:40 (06/05/2019)

`நாளை தொடங்குகிறது ரம்ஜான் நோன்பு!' - தமிழக அரசின் தலைமை காஜி அறிவிப்பு

ஸ்லாமியர்களின் முக்கியக் கடமைகளில் ஒன்றான ரம்ஜான் நோன்பு, நாளை (மே 7) தொடங்குகிறது. இந்த மாதத்தின் முப்பது நாள்களிலும் நோன்பிருந்து இறைவனைத் தொழுகை செய்வது இஸ்லாமியர்களின் வழக்கம். ஷாபான் மாதம் 29-ம் நாளில் வானில் தோன்றும் பிறையை அடிப்படையாகக் கொண்டு ரம்ஜான் பண்டிகை நோன்பு தொடங்கப்படும். அவ்வாறு பிறை தென்படாத சூழலில், ரம்ஜான் மாதம் முதல்நாள் நோன்பைத் தொடங்குவார்கள். இந்நிலையில், நோன்பு தொடங்குவதற்கான பிறை சென்னையிலும் இதர மாவட்டங்களிலும் நேற்று காணப்படவில்லை. இதையடுத்து நாளை முதல் ரம்ஜான் பண்டிகை நோன்பு கடைப்பிடிக்கப்படும் என்று தமிழக அரசின் தலைமை காஜி அறிவித்துள்ளார்.

ரம்ஜான் நோன்பு

நாளை தொடங்கும் ரம்ஜான் நோன்பின் 30-ம் நாள் முடிவில் ரம்ஜான் பண்டிகை கொண்டாடப்படும். ரம்ஜான் நோன்பின்போது `சஹர்’ எனப்படும் காலை உணவை 4 மணிக்கே உண்டு, சூரியன் உதயத்துக்குப் பின் நோன்பிருப்பர். நாள் முழுவதும் எச்சிலைக்கூட விழுங்காமல் சூரியன் மறைந்தபிறகு நோன்பை முடித்துக்கொள்வார்கள். இதற்கு `இப்தார்’ என்று பெயர். நோன்பு நடைபெறும் 30 நாளும் பள்ளிவாசல்களில் `தராவீஹ்' எனப்படும் சிறப்புத் தொழுகையும், மாலை நோன்புக் கஞ்சி வழங்கவும் ஏற்பாடு செய்யப்படும்.  நோன்பின் 27-ம் நாளை லைலத்துல்கத்ரு இரவாகவும், 30-ம் நாள் முடிவில் ரம்ஜான் பண்டிகையை இஸ்லாமியர்கள் கொண்டாடுகிறார்கள்.

நீங்க எப்படி பீல் பண்றீங்க