Published:Updated:

நடாலை வென்றான்!

நோவக் ஜோகோவிச்
பிரீமியம் ஸ்டோரி
நோவக் ஜோகோவிச்

இதுவரை 2 முறை மட்டுமே பிரெஞ்சு ஓப்பனில் தோற் கடிக்கப்பட்டிருந்த நடாலை அரையிறுதியிலேயே வெளியேற்றி அனைவருக்கும் அதிர்ச்சியளித்தார்.

நடாலை வென்றான்!

இதுவரை 2 முறை மட்டுமே பிரெஞ்சு ஓப்பனில் தோற் கடிக்கப்பட்டிருந்த நடாலை அரையிறுதியிலேயே வெளியேற்றி அனைவருக்கும் அதிர்ச்சியளித்தார்.

Published:Updated:
நோவக் ஜோகோவிச்
பிரீமியம் ஸ்டோரி
நோவக் ஜோகோவிச்

களிமண் தரையில் தன் இரண்டாவது காலையும் பதித்து, தான் ஏன் டென்னிஸ் உலகின் மகத்தான வீரர் என்பதை நிரூபித்திருக்கிறார் நோவக் ஜோகோவிச். யாரும் எதிர்பாரா வகையில் பிரெஞ்சு ஓப்பன் பட்டம் வென்றிருக்கிறார். ஆம், நடாலையும் வீழ்த்தி யிருக்கிறார்.

ஒவ்வொரு பிரெஞ்சு ஓப்பன் தொடரையும் ரசிகர்கள் பார்ப்பதற்கு இரண்டு காரணங்கள்தான் இருக்கின்றன. ஒன்று, நடால் கோப்பை ஏந்துவதைப் பார்ப்பது. இரண்டு, நடாலோடு யார் ஃபைனல் ஆடுகிறார் என்பதைப் பார்ப்பது. 13 முறை பிரான்ஸில் மகுடம் சூடிய ‘களிமண்’னனுக்குச் சிலை திறந்து இந்தத் தொடரைத் தொடங்கினார்கள். ஆனால், யாரும் நினைத்துப் பார்க்காத நிகழ்வை அரங்கேற்றியிருக்கிறார் செர்பிய அரக்கன் ஜோகோவிச்.

இதுவரை 2 முறை மட்டுமே பிரெஞ்சு ஓப்பனில் தோற் கடிக்கப்பட்டிருந்த நடாலை அரையிறுதியிலேயே வெளியேற்றி அனைவருக்கும் அதிர்ச்சியளித்தார். 18 முறை கிராண்ட் ஸ்லாம் பட்டம் வென்றவரின் வெற்றி ஆச்சர்ய மளிக்கிறது என்ற வார்த்தையே அபத்தமாகத்தான் இருக்கும். ஆனால், டென்னிஸின் கடவுளாக இருந்தாலும் களிமண் தரையில் நடாலை வெல்வது என்பது சாத்தியமில்லாத ஒன்று. முதல் செட்டின் முதல் 4 கேம்களையுமே ஜோகோவிச் தோற்ற போது எல்லாம் முடிந்து விட்டதாகத்தான் எல்லோரும் நினைத் தார்கள். வேறு எந்த வீரராக இருந்தாலும் அங்கு அதுதான் நிலை. ஆனால், ஜோகோவிச் இருக்கும்போது போட்டி தானாக முடிவதே இல்லை. மூன்றாவது செட்டில் எதிராளி மேட்ச் பாயின்ட்டில் இருந்தாலும் கூட, அங்கே இருந்து போட்டியை மாற்றக் கூடியவர். நடாலிடம் ஒரு செட்டைத் தானே இழந்தார். உடனடியாக மீண்டு வந்தார். கிளே கிங்குக்கு இடம் கொடுத்து விடக் கூடாது என்பதில் தீர்க்கமாக இருந்தார். பிரான்ஸ் ரசிகர்கள் முன்னிலையில், நடாலைத் தோற்கடித்தார்.

நடாலை வென்றான்!

நடாலை வென்றவருக்கு இறுதிப் போட்டி எளிதாக இருக்குமென்றுதான் எல்லோரும் கணித்தபோது, சிட்சிபஸ் கொடுத்தது பேரதிர்ச்சி. முதல் இரண்டு செட்களையும் வென்று தன் முதல் கிராண்ட் ஸ்லாமை நெருங்கியிருந்தார். ஆனால், இது ஜோகோவிச். போர்களின் நடுவே வளர்ந்து, டென்னிஸின் கடவுள்களுக்கு எதிரே போர் செய்தவன். எளிதில் வீழ்ந்துவிட மாட்டான்!

அடுத்த 3 செட்களையும் வென்று இரண்டாவது முறையாக பிரெஞ்சு ஓப்பன் பட்டம் வென்றார் ஜோக்கர். நான்காவது சுற்றுப் போட்டியில் லாரென்சோ மியூசெட்டிக்கு எதிராகவும் அப்படியொரு கம்பேக் வெற்றியைத் தான் பெற்றி ருந்தார். மீண்டும் மீண்டும் தோல்வியைத் துரத்தி யடித்து, தன்னுடைய 19-வது கிராண்ட் ஸ்லாமையும் உச்சிமு கர்ந்துவிட்டார். ஒவ்வொரு கிராண்ட் ஸ்லாம் பட்டத்தையும் இரண்டு முறை வென்ற முதல் வீரர் என்ற மகத்தான சாதனை யையும் படைத்தி ருக்கிறார். ஜோகோவிச் - லெஜண்ட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism