Published:Updated:

ஒளி குன்றுகிறதா ஒலிம்பிக் சுடர்?

ஒலிம்பிக்
பிரீமியம் ஸ்டோரி
ஒலிம்பிக்

கடந்த வாரம், எதற்கும் அசராத இந்திய கிரிக்கெட் கட்டுப்பாட்டு வாரியத்தையே ஆட்டம் காண வைத்துவிட்டது கொரோனா.

ஒளி குன்றுகிறதா ஒலிம்பிக் சுடர்?

கடந்த வாரம், எதற்கும் அசராத இந்திய கிரிக்கெட் கட்டுப்பாட்டு வாரியத்தையே ஆட்டம் காண வைத்துவிட்டது கொரோனா.

Published:Updated:
ஒலிம்பிக்
பிரீமியம் ஸ்டோரி
ஒலிம்பிக்
ஒளி குன்றுகிறதா ஒலிம்பிக் சுடர்?

கொண்டாட்டமும் கோலாகலமுமாக நடத்தியிருக்கவேண்டிய ஒலிம்பிக் தொடரை இப்போது கட்டாயத்தின் பெயரால் நடத்தத் தயாராகிக் கொண்டி ருக்கிறது டோக்கியோ. மரணங்களுக்கு மத்தியில் அந்தக் கடைசி மாரத்தானை நடத்தி முடித்துவிடவேண்டும் என்று ஆயத்தமாகிவருகிறது ஜப்பானின் தலைநகரம்.

மணல் கோட்டைகளைக் கலைத்துச் செல்வதுபோல், நம் வாழ்க்கையைப் புரட்டிப் போட்டுக்கொண்டிருக்கிறது கொரோனா இரண்டாவது அலை. கடந்த வாரம், எதற்கும் அசராத இந்திய கிரிக்கெட் கட்டுப்பாட்டு வாரியத்தையே ஆட்டம் காண வைத்துவிட்டது கொரோனா. சில வீரர்களுக்கே தொற்று ஏற்பட்டதால் ஐ.பி.எல் தொடர் நிறுத்தி வைக்கப்பட்டிருக்கும் நிலையில், இப்போது ஒலிம்பிக்மீதான நெருக்கடி அதிகரித்திருக்கிறது.

ஒளி குன்றுகிறதா ஒலிம்பிக் சுடர்?

கடந்த ஆண்டு ஜூலை மாதமே நடந்திருக்கவேண்டிய டோக்கியோ ஒலிம்பிக் தொடர், அப்போதைய உலகளாவிய லாக்டௌன் காரணமாக இந்த ஆண்டுக்கு ஒத்திவைக்கப்பட்டது. பதக்கக் கனவில் இருந்த வீரர்களும் தங்கள் லட்சியத்தை நிறைவேற்றுவதற்காக ஒரு வருடம் கூடுதலாகக் காத்திருந்தனர். ‘நிச்சயம் ஒலிம்பிக் தொடரை நடத்துவோம்’ என்று சர்வதேச ஒலிம்பிக் சங்கமும், டோக்கியோ ஒலிம்பிக் போட்டியின் அமைப்பாளர்களும் உறுதியாக இருப்பதால், தொடர் நடந்துவிடும் என்று தெரிகிறது. ஆனால், அந்தத் தொடர் எப்படி நடத்தப்படும் என்பதுதான் இப்போது பேசுபொருள்.

மே மாத இறுதிவரை டோக்கியோவில் முழு லாக் டௌன் அறிவிக்கப்பட்டிருக்கிறது. லாக் டௌனை விலக்கினால், கொரோனா பாதித்தவர்களின் எண்ணிக்கை அதிகரித்துவிடும் என்பதால், மிகவும் கண்டிப்பாக அதைக் கடைப்பிடித்துக்கொண்டிருக்கிறார்கள். எல்லா அரச கட்டளை களுக்கும் இணக்கம் காட்டும் டோக்கியோ மக்களே, ‘இந்த நேரத்தில் ஒலிம்பிக் தேவையா’ என்ற கேள்வியை எழுப்பத் தொடங்கிவிட்டார்கள். ரியோ ஒலிம்பிக்கின்போது நடந்ததைப் போலவே இப்போது டோக்கி யோவிலும் மக்கள் இந்தத் தொடருக்கு எதிராகப் போர்க்கொடி தூக்கி யுள்ளனர். இதுபோன்ற கடினமான காலகட்டத்தை ஏன் இன்னும் மோசமாக்குகிறீர்கள் என்று கேள்வி எழுப்பி, ஒலிம்பிக் நடக்கக்கூடாது என்று வீதிகளில் இறங்கி போராடத் தொடங்கிவிட்டனர்.

ஒளி குன்றுகிறதா ஒலிம்பிக் சுடர்?

குறைந்தபட்சம் சுமார் 11,000 வீரர்கள், 20,000 பயிற்சியாளர்கள் மற்றும் ஊழியர்கள் இந்த ஒலிம்பிக் தொடருக்காக டோக்கியோ வருவார்கள். ‘பயோ பபுள்’ அமைத்து சில நூறு பேரையே பாதுகாப்பாக வைத்திருக்க முடியாது என்பதை ஐ.பி.எல் போட்டிகளின் மூலம் பாடமாகக் கற்றோம். ஒலிம்பிக் தொடருக்காக இவ்வளவு பேரையும் ஒரு பாதுகாப்பான வட்டத்துக்குள் வைத்திருப்பது எளிதான காரியமில்லை. ஒலிம்பிக் கிராமத்துக்கு மட்டும் குறைந்தபட்சம் 500 செவிலியர்கள் தேவைப்படுவார்கள். தலைநகரின் தற்போதைய நிலைக்கு இந்தச் சலுகை அளிப்பது சாதாரண விஷயமில்லை. இருந்தாலும், சுமார் 15 பில்லியன் அமெரிக்க டாலர் முதலீடு ‘இந்தத் தொடரை நடத்தியே தீரவேண்டும்’ என்ற நிலைக்கு அனைவரையும் தள்ளியிருக்கிறது.

இந்தத் தொடர் திட்டமிட்டபடி தொடர்ந்தாலும், எத்தனை நாடுகள் பங்கேற்கும், எத்தனை விளையாட்டு வீரர்கள் பங்கேற்பார்கள் என்பது தெரியவில்லை. கடந்த சில வாரங்களாக பல விளையாட்டுகளின் தகுதிச் சுற்றுகள் தடைப்பட்டுவருகின்றன. மேலும், கடந்த மாதமே வடகொரியா இந்த ஒலிம்பிக் தொடரிலிருந்து விலகிவிட்டது. இதுபோல் இன்னும் பல நாடுகள் விலகக்கூடும். இதனாலும் இந்தத் தொடருக்குப் பொருளாதார இழப்புகள் ஏற்படும்.

ஒளி குன்றுகிறதா ஒலிம்பிக் சுடர்?

இந்தியாவைப் பொறுத்தவரை, இந்தத் தொடருக்குத் தகுதிபெற்ற வீரர்களுக்கு இன்னும் தடுப்பூசிகள் செலுத்தப்பட்டதாகத் தெரியவில்லை. அதனால், டோக்கியோ செல்லும்போது அவர்கள் எந்த அளவுக்குப் பாதுகாப்பாக உணர்வார்கள் என்பது தெரியவில்லை. இந்தத் தொடர், ஒலிம்பிக் வரலாற்றில் இந்தியாவின் மிகச் சிறந்த ஒன்றாக இருக்கும் என்று கணிக்கப்பட்டிருக்கிறது. இந்திய வீரர்கள் 10-15 பதக்கங்கள் வாங்கும் அளவுக்குத் திறமை காட்டுவார்கள் என்று எதிர்பார்க்கப்படுகிறது. 2 ஹாக்கி அணிகள் உட்பட, இந்தத் தொடரில் பங்கேற்க இதுவரை 95 பேர் தகுதிபெற்றுள்ளனர். வீரர்கள் கடந்த ஓராண்டாக மிகுந்த எதிர்பார்ப்போடு இருக்கிறார்கள். ஆனால், இவர்கள் பாதுகாப்பாக உணர, நம் அரசு என்ன செய்யும்?!

உசேன் போல்ட், மைக்கேல் ஃபெல்ப்ஸ் போன்ற நட்சத்திரங்கள் இந்த ஒலிம்பிக்கில் இல்லை. ‘இந்த ஒலிம்பிக்கில் பங்கேற்பது பற்றி யோசிக்கவேண்டும்’ என்று நடால் போன்ற பல முன்னணி வீரர்களும் சொல்லியிருக்கிறார்கள். அதனால், இந்தத் தொடரில் பெரிய ஸ்டார் வேல்யூ இருக்குமா என்பதும் கேள்விக்குறிதான். பாதுகாப்பாக இந்த ஒலிம்பிக் நடத்தப்பட்டாலும், வெற்றிகரமான ஒலிம்பிக்காக இருக்குமா என்பதுதான் மிகப்பெரிய கேள்வி.

நட்சத்திரங்கள் இல்லாதது ஒருபுறமென்றால், இருக்கும் வீரர்களை ஒலிம்பிக் குழு எப்படிக் கையாளப்போகிறது என்ற கேள்வியையும் பலர் எழுப்பிவருகின்றனர்.

ஒளி குன்றுகிறதா ஒலிம்பிக் சுடர்?

ஒலிம்பிக் கிராமத்துக்கும், போட்டி நடக்கும் இடங்களுக்கு மட்டுமே செல்லுமாறு வீரர்கள் அறிவுறுத்தப்பட இருக்கின்றனர். அதுபோக, தினமும் கொரோனா சோதனை, சமூக இடைவெளியைக் கடைப்பிடிப்பதற்காக வெவ்வேறு உணவு நேரங்கள் என ஒருசில கட்டுப்பாடுகளை அறிவித்திருக்கிறார்கள். ஒரு வீரருக்கு கொரோனா இருப்பது உறுதி செய்யப்பட்டுவிட்டால் அவர் உடனடியாக போட்டியிலிருந்து வெளியேறவேண்டும் என்றும் சொல்லப்படுகிறது.

அதேசமயம், ‘ஒரு வீரருக்குத் தொற்று இருப்பது உறுதி செய்யப்பட்டால் அவரோடு பங்கேற்ற மற்ற வீரர்களை என்ன செய்வார்கள், சோதனை முடிவு வருவதற்குத் தாமத மானால் அந்த வீரர் போட்டிக்கு அனுமதிக்கப் படுவாரா, ஃபால்ஸ் பாசிட்டிவ் வந்து விட்டால் என்ன செய்வார்கள்’ எனக் கேள்விக்கணைகள் ஒலிம்பிக் சங்கம்மீது தொடுக்கப்பட்டுக்கொண்டிருக்கின்றன.

பதக்கம் வெல்லும் நெருக்கடியில் இருக்கும் வீரர் களுக்கு, இப்படியான கட்டுப் பாடுகள் இன்னும் பெரிய உளவியல் தாக்கத்தை ஏற்படுத்தும். மனவலிமை அதிகம் உள்ளவர் களைக்கூட முடக்கிப் போடும் அளவுக்குக் கட்டுப்பாடுகள் இருக்கும். ஐ.பி.எல் போன்ற தொடரிலேயே, கட்டுப்பாடு களைக் கடைப்பிடிக்க முடியாமல் சில வீரர்கள் வெளியேறினார்கள். ஒலிம்பிக் போன்ற மிகப்பெரிய தொடரில் அப்படியான வெளிநடப்புகள் நடக்கும் வாய்ப்புகள் அதிகமாகவே இருக்கின்றன. அப்படி நடந்தால், இந்தத் தொடர் ‘ஒலிம்பிக்’ போல இருக்குமா என்பதே கேள்விக்குறிதான்!

வரலாற்றைக் கொஞ்சம் புரட்டிப்போட்டால், டோக்கியோ ஒலிம்பிக் எப்போதுமே அதீத கவனம் பெற்றிருக்கிறது. 1940 ஒலிம்பிக் தொடர்தான் இங்கு நடத்தப்படவிருந்த முதல் தொடர். ஆனால், இரண்டாவது சீன ஜப்பானியப் போரால் ஹெல்சின்கி நகருக்கு மாற்றப்பட்டது (இரண்டாவது உலகப்போரால் அதுவும் தடை செய்யப்பட்டது தனிக்கதை). 1964 டோக்கியோ ஒலிம்பிக் தான் மக்கள் மத்தியில் இந்தத் தொடரை அடுத்த கட்டத்துக்கு எடுத்துச் சென்றது. முதல் முதலில் தொலைக்காட்சியில் ஒளிபரப்பப்பட்ட ஒலிம்பிக் அதுதான்.

ஒளி குன்றுகிறதா ஒலிம்பிக் சுடர்?

அதுபோல், இம்முறை பாதுகாப்பாக இந்தத் தொடரை நடத்திவிட்டாலே டோக்கியோவுக்கு அது மிகப்பெரிய வெற்றிதான். ஒரு விளையாட்டுத் தொடர் என்பதைத்தாண்டி, இது நம்பிக்கையின் பாத்திரமாக இருக்கும் தொடர். ஒலிம்பிக்கின் நிறைவாக நடக்கும் மாரத்தான் வரை எந்தச் சிக்கலும் எழாமல் இருந்தால், அதுவே இந்தத் தொடருக்கான மாபெரும் வெற்றி.

மரணங்களுக்கு இடையே மாரத்தான் தேவைதானா என்று கேட்கலாம். ஆனால், மரணத்துக்கு எதிரான நம்பிக்கை கொடுப்பதுதானே மாரத்தானின் நோக்கமே! மாரத்தானே மரணத்திலிருந்து பிறந்ததுதானே!