Published:Updated:

அசாம் காவல்துறை டி.எஸ்.பி ஆக ஒலிம்பிக் வீராங்கனை நியமனம்; பின்னணி என்ன?

அசாம் டி.எஸ்.பியாக நியமிக்கப்பட்ட வீராங்கனை
News
அசாம் டி.எஸ்.பியாக நியமிக்கப்பட்ட வீராங்கனை

2020-ம் ஆண்டு நடைபெற்ற டோக்கியோ ஒலிம்பிக்கில் வெண்கலம் வென்ற, இந்திய குத்துச்சண்டை வீராங்கனை லாவ்லினா போர்கோஹெய்ன், அசாம் மாநில காவல்துறையின் டி.எஸ்.பி ஆக நியமனம் செய்யப்பட்டுள்ளார்.

கடந்த 2020-ம் ஆண்டு ஜூலை 23 முதல் ஆகஸ்ட் 8 ஆம் தேதி வரை, டோக்கியோ ஒலிம்பிக் போட்டி நடைபெற்றது. இதில் ஈட்டி எறிதல் போட்டியில், இந்தியாவைசச் சேர்ந்த நீரஜ் சோப்ரா தங்கம் வென்றார். பாட்மிண்டன் போட்டியில், பி. வி சிந்து வெண்கலம் வென்றார். மேலும், குத்துச்சண்டை போட்டியில் இந்தியாவைச் சேர்ந்த லாவ்லினா போர்கோஹெய்ன் வெண்கலம் வென்றார்.இதனையடுத்து அசாம் அரசு, வெண்கலம் வென்ற லாவ்லினாவிற்கு டிஎஸ்பி பதவியை வழங்கியுள்ளது. இதுகுறித்து, அசாம் அரசு, ஜனவரி 11-ம் தேதி வெளியிட்ட அறிக்கையில், ஒலிம்பிக்கில் வெண்கலம் வென்ற வீராங்கனை லாவ்லினாவிற்கு, அசாம் முதல்வர் ஹிமண்டா பிஸ்வ சர்மா நியாமனக் கடிதத்தை வழங்குவார் என்று தெரிவித்துள்ளது.

லாவ்லினா
லாவ்லினா

23 வயதான லாவ்லினா தனது சிறுவயதில், தன் இரட்டை சகோதரிகள் குத்துச்சண்டை போட்டியில் பங்கேற்பதைக் கண்டு ஈர்க்கப்பட்டார். டோக்கியோ ஒலிம்பிக் போட்டியில் பங்கேற்கும், அசாம் மாநிலத்தின் முதல் பெண் குத்துச்சண்டை வீராங்கனை என்கிற பெருமையை பெற்றார் லாவ்லினா.வெல்டர்வெயிட் பிரிவில் பங்கேற்கும் இவர், 2018 மற்றும் 2019 -ம் ஆண்டில் நடைபெற்ற பெண்களுக்கான உலக சாம்பியன்ஷிப் போட்டியில் பங்கேற்று, 2018, 2019 ஆகிய இரண்டு ஆண்டிலும் வெண்கலம் வென்றார். பின்பு 202பும் ஆண்டு நடைபெற்ற டோக்கியோ ஒலிம்பிக்கில் பங்கேற்று, வெண்கலம் வென்ற, லாவ்லினாவிற்கு, மத்திய அரசு அர்ஜுனா விருது வழங்கியது குறிப்பிடத்தக்கது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz