Vikatan.com

www.vikatan.com would like to send you push notifications.

Notifications can be turned off anytime from browser settings.

ஆஸ்திரேலியாவுக்கு எதிரான வரலாற்று வெற்றி... வங்கதேச அணியினர் எப்படி கொண்டாடினர் தெரியுமா?

ஆஸ்திரேலிய அணி, தற்போது வங்கதேசத்தில் சுற்றுப்பயணம் மேற்கொண்டு, இரண்டு டெஸ்ட் போட்டிகள் கொண்ட தொடரில் விளையாடி வருகிறது. இந்நிலையில் டாக்காவில் நடந்த முதலாவது டெஸ்ட் போட்டியில் ஆஸ்திரேலியாவை வீழ்த்தி, வங்கதேசம் வரலாற்றுச் சாதனை படைத்துள்ளது. இந்த வெற்றிக்குப் பிறகு, வங்கதேச அணி கொண்டாடியது வீடியோவாக வெளியாகி தற்போது வைரலாகி வருகிறது.

கொண்டாட்டத்தில் ஷகிப் அல் ஹசன்

கடந்த 27-ம் தேதி தொடங்கிய முதல் டெஸ்ட் போட்டிக்கான டாஸை வென்ற வங்க தேச அணி, பேட்டிங் ஆட நிர்ணயித்தது. இதையடுத்து முதல் இன்னிங்ஸில் வங்க தேசம், 260 ரன்கள் எடுத்தது. பின்னர் முதல் இன்னிங்ஸைத் தொடங்கிய ஆஸ்திரேலியா, 217 ரன்களுக்கு ஆட்டம் இழந்தது. இரண்டாம் இன்னிங்ஸில் வங்க தேசம் 221 ரன்களுக்கு ஆல் அவுட் ஆனது. இதையடுத்து 265 ரன்கள் எடுத்தால் வெற்றி என்ற இலக்குடன் களம் இறங்கிய ஆஸ்திரேலியா, மூன்றாவது நாள் ஆட்ட முடிவில் 2 விக்கெட்டுகளை இழந்து 109 ரன்கள் எடுத்து களத்தில் இருந்தது. இதையடுத்து இன்று களமிறங்கிய ஆஸ்திரேலியா, ஆரம்பத்தில் இருந்தே சீரான இடைவெளியில் விக்கெட்டுகளை இழந்து வந்தது. இதையடுத்து, 244 ரன்கள் எடுத்திருந்த போது அனைத்து விக்கெட்டுகளையும் இழந்தது ஆஸ்திரேலியா. இதனால், வங்கதேச கிரிக்கெட் வரலாற்றில் முதன்முறையாக ஆஸ்திரேலியா அணியை வீழ்த்தி சாதனை படைத்தது. வங்க தேசம் சார்பில் ஷகிப் அல் ஹசன் 10 விக்கெட்டுகளை எடுத்து வெற்றிக்கு முக்கிய காரணமாக இருந்தார். இதையடுத்து பெவிலியன் திரும்பிய வங்க தேச அணியினர், கொண்டாட்டத்தில் இறங்கினர். அப்போது வங்க தேச அணியினர் வட்டமாக நின்று பாட்டுப் பாடி, கோஷமிட்டு வெற்றியடைந்த சந்தோஷத்தை வெளிப்படுத்தினர். இந்தக் கொண்டாட்ட வீடியோ ட்விட்டரில் வெளியாகி தற்போது படு வைரலாகி வருகிறது. 
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement