சொந்த ஊரில் ஓய்வுபெறுவது குறித்து நெஹ்ரா நெகிழ்ச்சி!

தனது 18 ஆண்டுக்கால கிரிக்கெட் வாழ்க்கையை வரும் நவம்பர் 1-ம் தேதியுடன் முடித்துக்கொள்ளப்போவதாக இந்திய வேகப்பந்து வீச்சாளர் ஆஷிஸ் நெஹ்ரா தரப்பலிருந்து நேற்று அறிவிப்பு வெளியானது. இதையொட்டி, இன்று செய்தியாளர்களைச் சந்தித்து தனது ஓய்வுகுறித்து அதிகாரபூர்வமாகத் தகவல் தெரிவித்தார் நெஹ்ரா.

ஆஷிஸ் நெஹ்ரா

செய்தியாளர்களை சந்தித்த நெஹ்ரா, `நான் ஓய்வுபெறுவது குறித்து இந்திய அணி நிர்வாகத்துக்கும் தேர்வுக் குழு தலைவருக்கும் முறைப்படி தெரிவித்துவிட்டேன். நான் ஓய்வுபெறுவது குறித்து முடிவு செய்துவிட்டதால், இனிமேல் ஐ.பி.எல் போட்டிகளில்கூட விளையாட மாட்டேன். இது என் முடிவுதான். வரும் நவம்பர் 1-ம் தேதி என் சொந்த ஊரில், சொந்த மக்கள் முன் சர்வதேச கிரிக்கெட்டில் எனது கடைசிப் போட்டியில் விளையாடுகிறேன். இதைவிட எனக்குப் பெரிய விஷயமே இருக்க முடியாது' என்று கூறினார்.

இலங்கைக்கு எதிரான டெஸ்ட் போட்டியில் 1999-ம் ஆண்டு அறிமுகமான நெஹ்ரா, தனது கிரிக்கெட் வாழ்க்கை முழுவதும் பல காயங்களுக்கு உள்ளாகியிருக்கிறார். அதனால், அவருக்கு இந்தக் காலகட்டத்தில் 12 சர்ஜரிகள் மேற்கொள்ளப்பட்டன. அப்படி இருந்தும் அவர் 2011-ம் ஆண்டு உலகக் கோப்பை வென்ற அணியில் ஒருவராக இருந்தார். 2003-ம் ஆண்டு இங்கிலாந்துக்கு எதிரான போட்டியில் நெஹ்ரா, 23 ரன்கள் கொடுத்து 6 விக்கெட்டுகள் வீழ்த்தியதுதான் உலகக் கோப்பைகளில் இன்றளவும் ஒரு இந்திய பந்துவீச்சாளரின் பெஸ்ட் பௌலிங் ஃபிகராக இருந்து வருகிறது. இப்படி பல சாதனைகளைப் புரிந்த நெஹ்ரா, அவரது சொந்த ஊரான டெல்லியில் நடக்கும் போட்டியுடன் கிரிக்கெட்டுக்கு விடைகொடுக்கிறார். 

Do you like the story?

Please Appreciate the Author by clapping!