வெளியிடப்பட்ட நேரம்: 12:30 (08/11/2017)

கடைசி தொடர்பு:12:48 (08/11/2017)

ஹர்திக் பாண்ட்யா இந்திய அணியின் ஜான்டி!

திருவனந்தபுரத்தில் நேற்று நடந்த கடைசி டி20 போட்டியில், இந்திய அணியின் வெற்றிக்கு ஹர்திக் பாண்ட்யாவின் இரு அட்டகாசமான ரன் அவுட்களே காரணமாக அமைந்தது.

 

முதலில் பேட் செய்த இந்தியா நியூஸிலாந்து அணிக்கு 68 ரன்கள் வெற்றி இலக்காக வைத்தது. அடுத்ததாக, நியூஸிலாந்து அணி பேட்டிங் தொடங்கியது. இந்திய பந்துவீச்சாளர்கள் ஜஸ்ப்ரீத் பும்ரா, யஸ்வேந்த்ரா சாச்சல், நேர்த்தியாகப் பந்து வீசினர். இந்தியாவின் ஃபீல்டிங்கும் அபாரமாக இருந்தது. இதனால்தான் 61 ரன்களில் நியூஸிலாந்தைச் சுருட்டி,  த்ரில்லான  ஆட்டத்தில் இந்தியா வெற்றிபெற்றுத் தொடரை கைப்பற்ற முடிந்தது. 

நேற்றைய ஆட்டத்தில், ஹர்திக் பாண்ட்யாவின் ஃபீல்டிங் சூப்பரோ சூப்பர் என்றே சொல்ல வேண்டும். கூலின் மன்ரோவை, ரோகித் சர்மா கேட்ச் செய்த விதமும் அற்புதம்.  ஐந்தாவது ஓவரின் மூன்றாவது பந்தில், ஆட்டத்தின் போக்கை மாற்றும் திறன்கொண்ட வில்லியம்சனை மிட் விக்கெட்டிலிருந்து துல்லியமான டைரக்ட் ஹிட்டால் வெளியேற்றினார் பாண்ட்யா. அடுத்து 7-வது ஓவரில், டாம் ப்ரூஸை 4 ரன்களில் காலிசெய்தார். இந்த முறை கீப்பர் தோனியின் கைக்கு பந்தை வீச, டாம் ப்ரூஸின் விக்கெட் விழுந்தது. 

டெல்லியில் நடந்த முதல் டி20 போட்டியிலும் மார்ட்டின் கப்தில் அடித்த பந்தை அபாரமாக கேட்ச் செய்தார் ஹர்திக் பாண்ட்யா. நியூஸிலாந்து தொடரில் பேட்ஸ்மேனாக ஜொலிக்கவில்லை. முதல் ஆட்டத்தில் டக் அவுட், இரண்டாவது போட்டியில் ஒரு ரன்னில் அவுட்டானார். திருவனந்தபுரத்தில் 14 ரன்கள் எடுத்தார். ஆனால், ஃபீல்டிங்கில் ஜான்டி போல செயல்பட்டு, பெயரைத் தட்டிச் சென்றுள்ளார். 

நீங்க எப்படி பீல் பண்றீங்க