Vikatan.com

www.vikatan.com would like to send you push notifications.

Notifications can be turned off anytime from browser settings.

மேத்யூஸ், திரிமானே அசத்தல் அரைசதம்... முன்னிலை பெறும் முனைப்பில் இலங்கை!

கொல்கத்தாவில் நடைபெற்று வரும் இந்தியா-இலங்கை அணிகளுக்கு இடையிலான முதலாவது டெஸ்ட் கிரிக்கெட் போட்டியில் இலங்கை அணி சிறப்பான துவக்கம் கண்டுள்ளது. மூன்றாம் நாள்  ஆட்டநேரம் முடிவில் அந்த அணி 4 விக்கெட் இழப்புக்கு 165 ரன் சேர்த்துள்ளது.

Photo Credit: BCCI

 

மழையால் பாதிக்கப்பட்ட போட்டியில் முதல் இன்னிங்ஸில் இந்திய அணி 172 ரன்களுக்குச் சுருண்டது. அடுத்து இலங்கை அணி முதல் இன்னிங்ஸை தொடங்கியது. சமரவிக்ரமா, கருணரத்னே ஆகியோர் தொடக்க வீரர்களாகக் களம் இறங்கினர். கருணரத்னே 8 ரன்கள் எடுத்த நிலையில் புவனேஷ்வர் குமார் பந்து வீச்சில் ஆட்டம் இழந்தார். மற்றொரு துவக்க ஆட்டக்காரர் சமரவிக்ரமா 23 ரன்கள் எடுத்து அவுட் ஆனார். 

அதன்பிறகு களம் இறங்கிய திரிமன்னே மற்றும் மேத்யூஸ் ஆகியோர் சிறப்பான ஆட்டத்தை வெளிப்படுத்தினார்கள். இருவரும் அரை சதம் கடந்தனர். ஸ்கோர் 133 ரன்னாக உயர்ந்தபோது திரிமானே 51 ரன்களில் உமேஷ் யாதவ் பந்துவீச்சில், விராட் கோலியிடம் கேட்ச் கொடுத்து ஆட்டம் இழந்தார். சிறிது நேரம் கழித்து மேத்யூஸும் 52 ரன்கள் சேர்த்த நிலையில் விக்கெட்டைப் பறிகொடுத்தார். இந்த விக்கெட்டையும் உமேஷ் யாதவ் வீழ்த்தினார்.

அடுத்து களம் இறங்கிய கேப்டன் சண்டிமால், திக்வெல்லா ஆகியோர் மேற்கொண்டு விக்கெட் விழாமல் பார்த்துக்கொண்டனர். வெளிச்சம் குறைவாக இருந்ததால் ஆட்டம் 4.05 மணிக்கு முன்கூட்டியே நிறுத்தப்பட்டது. மூன்றாம் நாள் ஆட்ட நேர முடிவில் இலங்கை அணி முதல் இன்னிங்ஸில் 45.4 ஓவர்களில் 4 விக்கெட் இழப்புக்கு 165 ரன்கள் எடுத்துள்ளது. சண்டிமால் 13 ரன்களுடனும் திக்வெல்லா 14 ரன்களுடனும் களத்தில் உள்ளனர். இலங்கை அணி தற்போது இந்திய அணியைவிட 7 ரன்கள் மட்டுமே பின்தங்கியுள்ளது. இன்னும் இரண்டு தினங்களே மிஞ்சி இருப்பதால் அனேகமாக இந்தப் போட்டி டிராவில் முடியவே வாய்ப்புள்ளது.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement