`இங்கிலாந்து, 2 வது ஆஷஸ் போட்டியில் உறுதியுடன் களமிறங்கும்!' - நாதன் லயன் ஆரூடம்

ஆஷஸ் டெஸ்ட் தொடரின் முதல் போட்டியில் ஆஸ்திரேலிய கிரிக்கெட் அணி, இங்கிலாந்தை 10 விக்கெட்டுகள் வித்தியாசத்தில் வீழ்த்தி அசத்தல் வெற்றிபெற்றது. ஆயினும் அவர்கள் கண்டிப்பாக இன்னும் வீரியத்துடனும் உறுதியுடனும் இரண்டாவது டெஸ்ட் போட்டியில் களமிறங்குவர் என்று ஆஸ்திரேலியாவின் சுழற்பந்து வீச்சாளர் நாதன் லயன் கருத்து கூறியுள்ளார். 

நாதன் லயன்

இது குறித்து லயன் மேலும், `நாங்கள் இங்கிலாந்து கிரிக்கெட் அணியை மதிக்கிறோம். அவர்கள் இரண்டாவது ஆஷஸ் டெஸ்ட் போட்டியில் இன்னும் வீரியத்துடனும் உறுதியாகவும் களமிறங்குவர். ஓர் அணியை நாம் மதிக்காமல், விளையாடும்போதுதான் அவர்கள் நம்மை தோற்கடிப்பார்கள். இரண்டாவது டெஸ்ட் போட்டி கண்டிப்பாகச் சுலபமாக ஜெயிக்கக்கூடிய வகையில் இருக்காது. ஆஸ்திரேலிய கிரிக்கெட் அணி வீரர்கள் எப்படி ஒரு போட்டிக்குத் தயாராவார்களோ அதைப் போன்று தயாராகி களத்துக்குச் செல்வோம். நாங்கள் முதல் போட்டியில் எப்படி விளையாடினோமோ அதைப் போன்றே விளையாடுவோம்' என்றார் நம்பிக்கையாக. ஆஷஸ் தொடரின் இரண்டாவது டெஸ்ட் போட்டி, அடிலெயிடில் வரும் 2-ம் தேதி பகலிரவு ஆட்டமாக நடக்க உள்ளது.

Do you like the story?

Please Appreciate the Author by clapping!