வெளியிடப்பட்ட நேரம்: 05:30 (30/01/2018)

கடைசி தொடர்பு:10:40 (30/01/2018)

ஒரு நாள் தொடரில் தென்னாப்பிரிக்காவின் முதலிடத்தை இந்தியா தட்டிப்பறிக்க வாய்ப்பு உண்டு!

தென் ஆப்பிரிக்காவுக்குச் சுற்றுப்பயணம் மேற்கொண்டுள்ள இந்திய கிரிக்கெட் அணி முதலில் மூன்று டெஸ்ட் போட்டிகள் கொண்ட தொடரில் பங்கேற்றது. இதில் 1-2 என்று தோல்வியைத் தழுவினாலும், கடைசி ஆட்டத்தில் சிறப்பான ஆட்டத்தை வெளிப்படுத்தி அந்நிய மண்ணிலும் நம் வீரர்களால் சோபிக்க முடியும் என்று உலகுக்கு எடுத்துக் காட்டியது. டெஸ்ட் தொடரை அடுத்து 6 போட்டிகள் கொண்ட ஒருநாள் தொடரில் இந்தியா பங்கேற்கவுள்ளது.

இந்தியா - தென் ஆப்பிரிக்கா

தற்போதைய ஒருநாள் போட்டிகளுக்கான தரவரிசைப்படி, தென் ஆப்பிரிக்கா முதலிடத்திலும், இந்தியா இரண்டாவது இடத்திலும் இருக்கின்றன. ஒருவேளை, இந்திய அணி, இந்தத் தொடரை 4-2 என்ற கணக்கிலோ, இல்லை அதை விடச் சிறந்த முறையிலோ வென்றால், தென் ஆப்பிரிக்காவைக் கீழே தள்ளிவிட்டு, முதலிடத்தை அடைய முடியும். மற்றொரு புறம், முதலிடத்தைத் தக்கவைக்க வேண்டுமென்றால், தென் ஆப்பிரிக்கா அணி இந்தத் தொடரை 3-3 என்று சமன் செய்தாலோ, 4-2 என்று வென்றாலோ போதுமானது.

ஒருநாள் போட்டி தரவரிசை

Picture Courtesy: icc-cricket.com

மற்றொரு பிரச்னை என்னவென்றால், ஒருவேளை இந்தியா இந்தத் தொடரில் 1-5 என்றோ, இல்லை அதைவிட மோசமாக 0-6 என்று வைட்வாஷ் செய்யப்பட்டாலோ, தற்போது தரவரிசையில் மூன்றாவது இடத்தில் இருக்கும் இங்கிலாந்தை விடக் கீழே போக வாய்ப்புண்டு. முதல் ஒருநாள் போட்டி, வரும் பிப்ரவரி 1ம் தேதி (வியாழன்), டர்பன் நகரில் பகலிரவு ஆட்டமாக நடைபெறவிருக்கிறது.

நீங்க எப்படி பீல் பண்றீங்க