வெளியிடப்பட்ட நேரம்: 16:49 (10/02/2018)

கடைசி தொடர்பு:17:05 (10/02/2018)

``டிவில்லியர்ஸ் கம்பேக்!’’ - ஜோகன்னஸ்பெர்க் ஒருநாள் போட்டியில் இந்திய அணி பேட்டிங்

தென்னாப்பிரிக்க அணிக்கெதிரான நான்காவது ஒருநாள் போட்டியில் டாஸ்வென்ற இந்திய அணியின் கேப்டன் விராட் கோலி, பேட்டிங் தேர்வு செய்தார். 

Photo: Twitter/OfficialCSA


தென்னாப்பிரிக்கா சென்றுள்ள இந்திய அணி, 3 டெஸ்ட், 6 ஒருநாள் மற்றும் 3 டி20 போட்டிகள்கொண்ட தொடர்களில் விளையாடுகிறது. டெஸ்ட் தொடரை 2-1 என்ற கணக்கில் இந்திய அணி இழந்தது. முதல் 3 ஒரு நாள் போட்டிகளில் இந்திய அணி வென்று 3-0 என்ற கணக்கில் முன்னிலை வகிக்கிறது. இந்தநிலையில் இவ்விரு அணிகள் இடையிலான 4-வது ஒருநாள் போட்டி ஜோகன்னஸ்பெர்க் வாண்டரர்ஸ்  மைதானத்தில் நடைபெறுகிறது. இதில், டாஸ் வென்ற இந்திய அணியின் கேப்டன் விராட் கோலி பேட்டிங் தேர்வு செய்தார். 

காயம் காரணமாக முதல் 3 போட்டிகளில் விளையாடாத தென்னாப்பிரிக்க வீரர் டிவில்லியர்ஸ் இந்தப் போட்டியின் மூலம் அணிக்குத் திரும்பியிருக்கிறார். இது அந்த அணியின் மிடில் ஆர்டரில் கூடுதல் பலம் சேர்க்கும் என்று கருதப்படுகிறது. இந்திய அணியில் ஒரே ஒரு மாற்றமாகக் காயமடைந்த கேதர் ஜாதவுக்குப் பதிலாக, ஸ்ரேயாஸ் ஐயர் ஆடும் லெவனில் சேர்க்கப்பட்டுள்ளார். இந்தப் போட்டியில் வென்றால் மட்டுமே தொடரை இழக்காமல் இருக்க முடியும் என்ற நிலையில் தென்னாப்பிரிக்கா களமிறங்கியுள்ளது. அதேநேரம், இந்தப் போட்டியிலும் வென்று தொடரை வென்றுவிட வேண்டும் என்ற முனைப்பில் இந்திய அணி களம் கண்டுள்ளது.