Vikatan.com

www.vikatan.com would like to send you push notifications.

Notifications can be turned off anytime from browser settings.

தோனி Vs அஷ்வின்... 'தல'யை தோற்கடிப்பாரா சிஷ்யன்! #CSKVsKXIP

10 ஆண்டுகளாக தோனியின் பின்னால் நின்ற, தோனியிடம் கேப்டன்ஸி பாடம் பயின்ற, தோனியின் அத்தனை யுக்திகளையும் மிக அருகில் நின்று கவனித்த அஷ்வின் இன்று எதிர் திசையில் கேப்டனாக நிற்கிறார். சென்னை சூப்பர் கிங்ஸின் ஒரு அங்கமாக இருந்த  ரவிச்சந்திரன் அஷ்வின் இந்தமுறை பஞ்சாபின் கேப்டன். பஞ்சாப் மண்ணில் இன்று தன்னுடைய 'தல' தோனியை நேருக்கு நேர் சந்திக்க இருக்கிறார். தோனியை தோற்கடிக்க அஷ்வின் என்னவெல்லாம் செய்வார்? #CSKVsKXIP 

CSKVsKXIP

வெற்றியும் தோல்வியும்!

ஆடிய இரண்டு மேட்ச்சுகளிலுமே திரில்லர் வெற்றி கொடுத்திருக்கும் நம்பிக்கையில் பஞ்சாபை சந்திக்கிறது சென்னை. டெல்லியிடம் வெற்றி, பெங்களூருவிடம் தோல்வி என வெற்றியும் தோல்வியும் சந்தித்த கேப்டனாக தோனியை எதிர்கொள்கிறார் அஷ்வின். 

பேட்டிங் பலவீனம்!

அஷ்வினின் கவலையே பேட்டிங்தான். கே.எல். ராகுல், மயாங்க் அகர்வால், ஆரோன் ஃபின்ச், கருண் நாயர், யுவராஜ் சிங், மார்க்கஸ் ஸ்டாய்னிஸ் என மிரட்டலாகத்தான் இருக்கிறது பேட்டிங் ஆர்டர். ஆனால் இதில் அகர்வாலும், யுவராஜ் சிங்கும் அவுட் ஆஃப் பார்மில் இருக்கிறார்கள். இந்த மேட்ச்சில் யுவராஜ் சிங்கிற்கு பதில் டேவிட் மில்லரை அஷ்வின் களத்தில் இறக்கலாம். 

சென்னைக்கும் பேட்டிங் ஒன்றும் பெரிய பலம் கிடையாது. கடந்த இரண்டு போட்டிகளிலும் பிராவோ, வாட்சன், பில்லிங்ஸ் என மூன்று பேட்ஸ்மேன்கள்தான் பேட்டிங்கில் பவர் காட்டியிருக்கிறார்கள். இன்றைய மேட்ச்சில் ரெய்னா இல்லை என்பதால் அதற்கு பதில் யார் என்கிற கேள்வி எழுந்திருக்கிறது. அனுபவம் வாய்ந்த முரளி விஜய்யா? அல்லது ஐபிஎல் அனுபவம் இல்லாத டெல்லி பேட்ஸ்மேன் துருவ் ஷோரியா? இருவரில் யாரைத் தேர்தெடுக்கப்போகிறார் என்பது தோனியின் இன்றைய சர்ப்ரைஸாக இருக்கும்.

அதேபோல் காயத்தில் இருந்து மீண்டிருக்கும் டு ப்ளெஸ்ஸியை இன்றைய மேட்ச்சில் ஆடுவாரா என்பதும் சந்தேகமே. வாட்ஸன், பிராவோ, பில்லிங்ஸ், தாஹிர் என வெளிநாட்டு ப்ளேயர்களின் லைன் அப் சரியாக இருப்பதால் இன்றைய போட்டியில் டு ப்ளெஸ்ஸிக்கு இடம் இருக்காது என்றே எதிர்பார்க்கலாம். 

CSKVsKXIP

அஷ்வினா? ஹர்பஜனா?

இன்றைய போட்டியில் சிறந்த ஆஃப் ஸ்பின்னர் யார் என்கிற போட்டியும் இருக்கிறது. சென்னை அணியில் அஷ்வினின் இடத்தைப் பிடித்திருக்கும் ஹர்பஜன் சிங், அஷ்வினுக்கு தான் எப்படிப்பட்ட ஆஃப் ஸ்பின்னர் என்பதைக் காட்ட ஆர்வம் காட்டுவார். அதேபோல் தன்னுடைய கேரம் பால்களால் சென்னையின் பேட்ஸ்மேன்களை திணறடிக்க அஷ்வினும் போட்டிபோடுவார். ஆஃப் ஸ்பின் மட்டுமல்லாமல் இடையிடையே லெக் ஸ்பின்னிலும் அஷ்வின் சுழன்றடிக்கிறார் என்பதால் இன்றைய ஸ்பின் அட்டாக் இரண்டு பக்கமுமே பயங்கரமாக இருக்கும் என எதிர்பார்க்கலாம்.  

ஷேன் வாட்சனுக்கு எதிராக சூப்பர் பெளலிங் ரெகார்ட் வைத்திருக்கிறார் பஞ்சாபின் அக்ஸார் பட்டேல். 5 முறை வாட்சனின் விக்கெட்டை வீழ்த்தியிருக்கிறார் பட்டேல். 

அஷ்வின், அக்ஸார் பட்டேல், முஜீப் ரஹ்மான் என ஸ்பின் அட்டாக்கில் பலமாக இருக்கிறது பஞ்சாப். தோனி, ஜடேஜா, விஜய் என மூவரின் பலவீனங்களுமே அஷ்வினுக்குத் தெரியும் என்பதால் இன்றைய ஆட்டமே ஸ்பின்னில்தான் ஆரம்பிக்கும் என எதிர்பார்க்கலாம். 

 வெற்றி யாருக்கு?

அஷ்வினின் கேம் பிளான் மட்டுமே இன்றைய மேட்ச்சை பஞ்சாப் பக்கம் சாத்தியமாக்க வாய்ப்பிருக்கிறது. சென்னையின் பேட்டிங் ஆர்டர் எதிர்பார்த்ததுபோல் இல்லாததால் ஸ்பின்னர்களை வைத்து சென்னையின் பேட்டிங்கை அஷ்வின் சிதைக்க முயற்சிக்கலாம். அது நடந்தால் பஞ்சாப் வெல்லும். 

ஆனால், பேட்டிங், பெளலிங்கைவிட தன் முனைப்பில், தன் நம்பிக்கையில் பவர்ஃபுல்லாக இருக்கும் சென்னை அணி பஞ்சாபை  பந்தாடவே அதிக வாய்ப்புகள் இருக்கின்றன!

உங்கள் கருத்தைப் பதிவு செய்யுங்கள்

Advertisement
Advertisement
Advertisement

அதிகம் படித்தவை

Advertisement

எடிட்டர் சாய்ஸ்

Advertisement

MUST READ

Advertisement