Vikatan.com

www.vikatan.com would like to send you push notifications.

Notifications can be turned off anytime from browser settings.

By clicking Allow you accept ours Privacy Policy and Terms

`தொடர்ந்து 7-வது தோல்வி!’ - கொல்கத்தாவைத் துரத்தும் மும்பை ராசி #MIvsKKR

கொல்கத்தா நைட்ரைடர்ஸ் அணிக்கெதிரான ஐபிஎல் லீக் போட்டியில் மும்பை இந்தியன்ஸ் அணி 13 ரன்கள் வித்தியாசத்தில் வெற்றி பெற்றது.

மும்பை இந்தியன்ஸ் அணி

Photo: Twitter/IPL

மும்பை வான்கடே மைதானத்தில் நடந்த போட்டியில் டாஸ் வென்ற கொல்கத்தா அணி கேப்டன் தினேஷ் கார்த்திக் ஃபீல்டிங் தேர்வு செய்தார். இதையடுத்து களமிறங்கிய மும்பை அணிக்கு சூர்யகுமார் யாதவ் மற்றும் எல்வின் லீவிஸ் சிறப்பான தொடக்கம் கொடுத்தனர். இந்த ஜோடி முதல் விக்கெட்டுக்கு 9.2 ஓவர்களில் 91 ரன்கள் சேர்த்தது. லீவிஸ் 43 ரன்களில் ஆட்டமிழந்தார். இதையடுத்து களமிறங்கிய கேப்டன் ரோஹித் ஷர்மா 11 ரன்களில் வெளியேறினார். மறுமுனையில் சிறப்பான ஆட்டத்தை வெளிப்படுத்திய சூர்யகுமார் யாதவ், 59 ரன்களில் ஆட்டமிழந்தார். கடைசி ஓவர்களில் பாண்ட்யா 35 ரன்கள் எடுக்க மும்பை அணி, நிர்ணயிக்கப்பட்ட 20 ஓவர்கள் முடிவில் 4 விக்கெட் இழப்பிற்கு 181 ரன்கள் எடுத்தது. கொல்கத்தா தரப்பில் ரஸல், நரேன் ஆகியோர் தலா 2 விக்கெட்டுகள் வீழ்த்தினர். 

182 ரன்கள் இலக்குடன் களமிறங்கிய கொல்கத்தா அணிக்கு தொடக்கம் சிறப்பானதாக அமையவில்லை. 28 ரன்கள் சேர்ப்பதற்குள் அந்த அணி தொடக்க வீரர்கள் லின் மற்றும் சுப்மன் கில் ஆகியோரை இழந்தது. இதையடுத்து 3-வது விக்கெட்டுக்கு ஜோடி சேர்ந்த ராபின் உத்தப்பா - நிதிஷ் ராணா ஆகியோர் கொல்கத்தா அணிக்கு சிறப்பான அடித்தளம் அமைத்துக் கொடுத்தனர். இந்த ஜோடி மூன்றாவது விக்கெட்டுக்கு 84 ரன்கள் சேர்த்தது. உத்தப்பா 54 ரன்களிலும், ராணா 31 ரன்களிலும் ஆட்டமிழந்தனர். இவர்களின் விக்கெட்டை அடுத்தது இழந்த கொல்கத்தா அணிக்கு பிரஷர் அதிகமானது. சிறிதுநேரத்தில் அதிரடி வீரர் ரஸலும் நடையைக் கட்ட, மொத்த பிரஷரும் கேப்டன் தினேஷ் கார்த்திக் மீது விழுந்தது. வழக்கமாக தொடக்க வீரராகக் களமிறங்கும் சுனில் நரேன், இந்த போட்டியில் 7-வது வீரராகக் களமிறங்கினார். ஆனால், அவரால் நீண்ட நேரம் தாக்குப்பிடிக்க முடியவில்லை. கடைசி ஓவரில் கொல்கத்தா அணியில் வெற்றிக்கு 23 ரன்கள் தேவைப்பட்ட நிலையில், சுழற்பந்து வீச்சாளர் குர்ணால் பாண்ட்யாவை பந்துவீச அழைத்தார் மும்பை கேப்டன் ரோஹித் ஷர்மா. அதற்கு கைமேல் பலன் கிடைத்தது. கடைசி ஓவரில் கொல்கத்தா அணியால் 9 ரன்கள் மட்டுமே எடுக்க முடிந்தது. இதன்மூலம் 13 ரன்கள் வித்தியாசத்தில் மும்பை அணி வெற்றி பெற்றது. கொல்கத்தா அணிக்கெதிராக மும்பை அணி தொடர்ச்சியாகப் பதிவு செய்யும் 7-வது வெற்றி இதுவாகும்.  

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
Advertisement