வெளியிடப்பட்ட நேரம்: 23:00 (26/06/2018)

கடைசி தொடர்பு:23:00 (26/06/2018)

ஆஸ்திரேலியாவைக் காலி செய்து, ஆறுதல் வெற்றி பெற்ற பெரு! #AUSPER

இன்றைய போட்டியில் வெற்றி பெற்றால் அடுத்த சுற்றுக்குத் தகுதிபெற சிறிதளவு வாய்ப்பிருந்த நிலையில் ஆஸ்திரேலியா ஆடியது. ஆனால் ஆஸ்திரேலியாவைக் காலி செய்து வீட்டுக்கு அனுப்பியது பெரு!

ரஷ்யாவில் தற்போது நடைபெற்று வரும் உலகக்கோப்பைத் தொடரின் 'சி' பிரிவு ஆட்டத்தில், ஆஸ்திரேலியா பெருவை எதிர்கொண்டது. இன்றைய போட்டியில் வெற்றி பெற்றால் அடுத்த சுற்றுக்குத் தகுதிபெற சிறிதளவு வாய்ப்பிருந்த நிலையில் ஆஸ்திரேலியா ஆடியது. ஆனால் 2-0 என்ற கோல் கணக்கில் ஆஸ்திரேலியாவைத் தோற்கடித்து, ஆறுதல் வெற்றி பெற்றது பெரு.

ஆஸ்திரேலியாவுக்கு எதிராக கோல் அடித்த மகிழ்ச்சியில் பெரு வீரர்கள்

இப்போட்டிக்கு முந்தைய இரு ஆட்டங்களிலும் தோல்வியுற்றிருந்ததால், பெரு அணி லீக் சுற்றிலிருந்து ஏற்கெனவே வெளியேற்றப்பட்டிருந்தது. இந்நிலையில், இன்றைய போட்டியில் வென்று ஆறுதல் வெற்றிபெற ஆரம்பம் முதலே பெரு முனைப்போடு ஆடியது.

முதல்பாதி தொடங்கிய சில நிமிடங்களிலேயே அட்டாக்கிங் ஆட்டத்தை வெளிப்படுத்தியது பெரு. 18 -வது நிமிடத்தில் பாலோ குரேரோ பாஸ் செய்த பந்தை, மின்னல் வேகத்தில் அடித்து கோல் ஆக்கினார் ஆண்ட்ரே கரியோ. இந்த உலகக்கோப்பைத் தொடரில் பெரு அணியின் முதல் கோல் இதுவாகும்.

முதல்பாதியில் தனக்குக் கிடைத்த வாய்ப்புகளை எவ்வளவு முயன்றும் கோல் ஆக கன்வெர்ட் செய்ய முடியாமல் திண்டாடியது ஆஸ்திரேலியா. இதனால் 1-0 என்ற கோல் கணக்கில் பெரு முதல்பாதியில் முன்னிலை பெற்றது.

உலகக்கோப்பையில் முதல் கோல் அடிக்கும் பாலோ குரேரோ

இரண்டாம் பாதி தொடங்கிய சில நிமிடங்களிலேயே ஆஸ்திரேலியாவுக்கு அதிர்ச்சி வைத்தியம் அளித்தது பெரு. 50-வது நிமிடத்தில் பெருவின் நட்சத்திர வீரர் பாலோ குரேரோ உலகக்கோப்பையில் தனது முதல் கோலை அடித்தார். பெரு 2-0 என்ற கோல் கணக்கில் முன்னிலை பெற்றது.

அதன்பிறகு ஆட்டநேர இறுதிவரை இரு அணிகளும் தங்களுக்குக் கிடைத்த வாய்ப்புகளைக் கோல் ஆக்காமல் சொதப்பினர். ஆட்டநேர இறுதியில் 2-0 என்ற கோல் கணக்கில் ஆறுதல் வெற்றி பெற்று அசத்தியது பெரு அணி.

நீங்க எப்படி பீல் பண்றீங்க