வெளியிடப்பட்ட நேரம்: 13:30 (01/01/2019)

கடைசி தொடர்பு:13:30 (01/01/2019)

‘தோனி பிடித்த அந்த கேட்ச்; குத்தாட்டம் போட்ட இந்திய வீரர்கள்!’ - பெஸ்ட் ஆஃப் 2018

தோனி

இந்திய கிரிக்கெட் வாரியம் #Bestof2018 என்ற ஹேஷ்டேக்கில் கடந்த ஆண்டு நினைவுகளைப் பகிர்ந்துள்ளது. பிசிசிஐ பகிர்ந்துள்ள இந்த வீடியோக்கள், கிரிக்கெட் ரசிகர்களிடையே மிகுந்த வரவேற்பைப் பெற்றுள்ளது.  வெஸ்ட் இண்டீஸ் அணிக்கு எதிரான போட்டியில் புவனேஷ்வர் குமார் பந்துவீச, வெஸ்ட் இண்டீஸ் வீரர் ஹேம்ராஜ் ஆஃப் சைடில் அடித்த பந்து பவுண்டரியை நோக்கிப் பாய்கிறது. அதை இந்திய அணியின் கேப்டன் விராட் கோலி மற்றும் ஜடேஜா ஆகியோர் துரத்திச்சென்று தடுக்கின்றனர். இதில், பந்தை முதலில் யார் தடுத்தது என்பதை வீடியோவில் பார்த்துத் தெரிந்துகொள்ளுங்கள். இந்த வீடியோவை 'தி ரன்னிங் ரேஸ்' (The Running Race) என்ற தலைப்பில் பிசிசிஐ பதிவிட்டுள்ளது. 

இலங்கையில், 'பாடகரான ரெய்னா' என்ற தலைப்பில் மற்றோரு வீடியோவைப் பதிவிட்டுள்ளது. இந்திய கேப்டன் விராட் கோலி மற்றும் சுப்மான் கில் ஆகியோரின் (short-arm) ஷார்ட்டுகளைப் பதிவிட்டுள்ளது. அதில், கோலி கண்டுபிடித்தார் அதை சுப்மான் கில் பின்பற்றுகிறார் எனத் தெரிவிக்கப்பட்டுள்ளது. வெஸ்ட் இண்டீஸ் அணிக்கு எதிரான போட்டியில், பந்தை விரட்டிச்சென்று தோனி பிடித்த அபாரமான கேட்ச் அது.

இந்திய மகளிர் அணி வீராங்கனை ஹர்மன் ப்ரீத் கவுர் ஒரு கையில் பந்தை பாய்ந்து பிடித்த கேட்ச் மற்றும் கடந்த ஆண்டு 19 வயதுக்குட்பட்டோருக்கான உலகக்கோப்பையை இந்திய அணி வென்றது. டிரெஸ்ஸிங் ரூமில் இளம் வீரர்கள் போட்ட குத்தாட்டமும் டோல், டிரம்ஸ் மற்றும் டான்ஸ் என்ற தலைப்பில் இடம்பிடித்துள்ளது.