Vikatan.com

www.vikatan.com would like to send you push notifications.

Notifications can be turned off anytime from browser settings.

ஆஸ்திரேலியாவுக்கு 188 ரன் வெற்றி இலக்கு!

பெங்களூரில் நடந்துவரும் இரண்டாவது டெஸ்ட் போட்டியில், ஆஸ்திரேலிய அணிக்கு வெற்றி இலக்காக 188 ரன்களை  நிர்ணயித்துள்ளது இந்திய அணி.

முதல் இன்னிங்ஸில், இந்திய அணி 189 ரன்கள் எடுத்தது. அதிகபட்சமாக, ராகுல் 90 ரன்கள் குவித்தார். கேப்டன் கோலி 12 ரன்களில் ஆட்டம் இழந்தார். ஆஸ்திரேலிய வீரர் லயான் 8 விக்கெட்டுகளை வீழ்த்தினார். இதைத் தொடர்ந்து, முதல் இன்னிங்ஸை விளையாடிய ஆஸ்திரேலிய அணி, 276 ரன்கள் குவித்தன. அதிகபட்சமாக, மார்ஷ் 66 ரன்கள் எடுத்தார். இந்தியா தரப்பில் ஜடேஜா ஆறு விக்கெட்டுகளை வீழ்த்தினார்.

87 ரன்கள் பின்தங்கிய நிலையில், இரண்டாவது இன்னிங்ஸை விளையாடிய இந்திய அணி வீரர்கள், ஆஸ்திரேலிய வீரர் ஹாலில்வுட் பந்துவீச்சைத் தாக்குப்பிடிக்க முடியாமல் அடுத்தடுத்து ஆட்டம் இழந்தனர். நான்காவது நாள் ஆட்டத்தில், 97.1 ஓவரில் இந்திய அணி 274 ரன்னில் ஆட்டம் இழந்தது. அதிகபட்சமாக, புஜாரா 92 ரன்களும், ராகுல் 51 ரன்களும், ரஹானே 52 ரன்களும் எடுத்தனர். கேப்டன் கோலி, இரண்டாவது இன்னிங்ஸிலும் சொதப்பினார். இவர்,  15 ரன்களில் ஆட்டம் இழந்தார். ஆஸ்திரேலிய வீரர் ஹாலில்வுட் ஆறு விக்கெட்டுகளைக் கைப்பற்றினார்.

இதைத் தொடர்ந்து, ஆஸ்திரேலிய அணிக்கு 188 ரன்கள் வெற்றி இலக்காக நிர்ணயித்துள்ளது இந்திய அணி.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement