Vikatan.com

www.vikatan.com would like to send you push notifications.

Notifications can be turned off anytime from browser settings.

யாருப்பா இந்த சைனா-மேன்... ஆஸ்திரேலியாவை மிரள வைத்த குல்தீப் யாதவ்...!

குல்தீப் யாதவ்

இந்தியா-ஆஸ்திரேலியா அணிகளுக்கு இடையேயான நான்காவது டெஸ்ட் போட்டி இன்று தர்மசாலாவில் தொடங்கி நடைபெற்று வருகிறது. இந்தப் போட்டியில் அறிமுகமான குல்தீப் யாதவ், முதல் போட்டியிலேயே நான்கு விக்கெட்டுகளை எடுத்து ஆஸ்திரேலிய பேட்ஸ்மேன்களை மிரள வைத்தார். குல்தீப் வீசும் பந்துவீச்சு ஸ்டைல்  'சைனா-மேன்' டெலிவரி என்று கூறுப்படுகிறது.

டெஸ்ட் கிரிக்கெட்டில் பிரபலமான பல முன்னோடி இடது கை பந்துவீச்சாளர்கள், ஆஃப்-ஸ்பின் முறையை கையாண்டாலும் ரைட்டு-ஹேண்டு பேட்ஸ்மேன்களுக்கு அவர்கள் வீசும் பந்து லெக்-ஸ்பின்னாகத்தான் டெலிவரியாகும்.

ஆனால், இடது-கை பவுலரான குல்தீப் யாதவ், லெக்-ஸ்பின் முறையில் பவுலிங் வீசுகிறார். இதைப் போல் இடது-கை பவுலர்கள் அறிதினும் அறிதாகத்தான் லெக்-ஸ்பின் முறையில் பவுலிங் வீசுவார்கள். 

'சைனா-மேன்' சொல்லை பயன்படுத்துபவருக்கு ஒரு முக்கிய காரணம் இருக்கிறது. 20-ம் நூற்றாண்டின் முற்பகுதியில் வெஸ்ட் இண்டீஸ் அணிக்காக விளையாடியவர் எல்லீஸ் ஏகான்ங் ( Ellis Achong) சீன வம்சாவளியில் இருந்து டெஸ்ட் கிரிக்கெட் விளையாடிய முதல் நபர். இவர், லெக்-ஸ்பின் வீசும் இடது-கை பந்துவீச்சளராக இருந்தார். இவர் பந்துவீச்சுக்குப் பிறகே, 'சைனா-மேன்' சொல் கிரிக்கெட்டில் பயன்படுத்தப்பட்டது. எனவே, சைனா-மேன் என்பது குல்தீப் யாதவை குறிப்பிடும் பெயர் அல்ல. அது, அவர் பந்து வீசும் டெலிவரியைக் குறிப்பிடும் பெயர்.  

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement