Vikatan.com

www.vikatan.com would like to send you push notifications.

Notifications can be turned off anytime from browser settings.

தோனியின் ஹெலிகாப்டர் ஷாட் தெரியும், ஸ்விட்ச் ஷாட் தெரியுமா?

கிரிக்கெட் விளையாட்டை மேலும் சுவாரஸ்யமாக்குவது, பேட்ஸ்மேன்கள் புதிது புதிதாய் கண்டுபிடித்து விளையாடும் ஹெலிகாப்டர் ஷாட், ஸ்விட்ச் ஷாட் போன்ற  வித்தியாசமான ஷாட்கள்தான். அப்படி கிரிக்கெட்டை இன்னும் சுவாரஸ்யமானதாக மாற்றிய ஷாட்களில் சில...

ஹெலிகாப்டர் ஷாட் : 

தோனி ஹெலிகாப்டர் ஷாட்


‘இறுக்கிப் பிடி, முறுக்கி சுத்தி அடி...’ - இதுதான் ஹெலிகாப்டர் ஷாட்டின் சாராம்சம். வலிமையான மணிக்கட்டுகள், மட்டையை சுழற்றும் வேகம், உடல் வலு ஆகிய மூன்றும் இருந்தால் ஹெலிகாப்டரை செமையாக செலுத்தலாம். கடைசி ஓவர்களில் வீசப்படும் யாக்கர்களை சமாளிக்கவே பிரத்யேகமாக கையாளப்படும் ஷாட் இது. இந்த ஷாட்டை நிறைய வீரர்கள் ஆட முயற்சித்தும் தோனியின் அளவு யாராலும் ஆட முடியவில்லை. இதற்காகவே நம்ம தல தோனிக்கு பெரிய விசில் அடிக்கலாம்.


அப்பர் கட் : 

சச்சின் அப்பர் கட்


பவுன்ஸாகி தலைக்கு மேல் வரும் பந்தை அதன் போக்கிலேயே பவுண்டரிக்கு விரட்டிவிடும் ஷாட்டின் பெயர்தான் அப்பர் கட். அப்பர் கட் என்றவுடன் நம் மூளையில் உடனே உதிக்கும் பெயர் வீரேந்திர சேவாக். ஆனால், இந்த ஷாட்டைக் கண்டுபிடித்ததோ அவரின் ஆஸ்தான ஓப்பனிங் பார்ட்னர் சச்சின் டெண்டுல்கர். சச்சினிடம் பார்த்து அதை ஆட கற்றுக்கொண்ட சேவாக், பவுன்ஸர் பந்துகள் வந்தாலே பறக்கவிடுவார். சேவாக் சும்மாவே காட்டு காட்டுனு காட்டுவாப்டி...


ரிவர்ஸ் ஸ்வீப்

மேக்ஸ்வெல் ரிவர்ஸ் ஸ்வீப்


சுழற்பந்துகளை மடக்கி அடிக்கும் ஸ்வீப் ஷாட்களின் ரிவர்ஸ் வெர்ஷனே இந்த ரிவர்ஸ் ஸ்வீப். ஏலியன் ஏபிடி வில்லியர்ஸும், மேக்ஸ் வெல்லும் ரிவர்ஸ் ஸ்வீப் ஆடுவதில் கில்லாடிகள். குறிப்பாக, ஆஃப் சைடில் ஃபீல்டர்கள் வட்டத்திற்குள்ளே நிற்கையில், கையில் சுழற்பந்து மட்டும் கிடைத்தால், பந்தை பவுண்டரிக்கு பறக்கவிட்டுத்தான் மறுவேலை பார்ப்பார்கள் இருவரும். ஆனாலும், இது ரொம்பவே ரிஸ்க்கான ஷாட். கொஞ்சம் தடுமாறினாலும் பாயின்ட்டிலோ, கவரிலோ கேட்ச்சைக் கொடுத்து பெவிலியனுக்கு கிளம்ப வேண்டியதுதான். ஆனால், வேகப்பந்திலேயே ரிவர்ஸ் ஸ்வீப் ஆடிய பெருமை இங்கிலாந்து வீரர் இயான் மோர்கனையே சேரும்.

 
ஸ்விட்ச் ஹிட்

வார்னர் ஸ்விட்ச் ஹிட்


கிட்டத்தட்ட இதுவும் ரிவர்ஸ் ஸ்வீப்பை போலத்தான். பவுலர் வீசிய பந்து பாதி பிட்ச்சைக் கடக்கையில் வழக்கமான ஸ்டேன்ஸில் இருந்து மாறி, பந்தை தூக்கி அடித்தால் சூப்பரான ஸ்விட்ச் ஹிட் ரெடி. இங்கிலாந்து வீரர் கெவின் பீட்டர்சனால் பிரபலமாக்கபட்ட இந்த ஷாட்டைத்தான் ஆஸ்திரேலியா வீரர் டேவிட் வார்னர் அவ்வப்போது ஆடி எதிரணியினரைக் கலங்கடித்து வருகிறார்.

தில் ஸ்கூப் :

தில்ஷன் தில் ஸ்கூப்


ஆரம்பத்தில் ‘ராம்ப் ஷாட்' என அழைக்கப்பட்ட இது, திலகரத்னே தில்ஷனால் பிரபலமாகி `தில் ஸ்கூப்' ஆனது. அதாவது, குட் அல்லது கொஞ்சம் ஷார்ட் லெங்த்தில் வரும் பந்தை, அப்படியே மட்டையில் வாங்கி கீப்பரின் தலைக்கு மேல் பவுண்டரிக்கு தள்ளிவிடுவது. நம் ஊர் ரோகித் சர்மா, நியூசிலாந்து வீரர் பிரெண்டன் மெக்கல்லம் ஆகியோரும் இந்த ஷாட்டை செமையாக ஆடக்கூடியவர்கள்.

பேடல் ஸ்வீப் : 

பேடல் ஸ்வீப்


ஷேன் வார்னேவை சமாளிக்க சச்சின் டெண்டுல்கர் கையிலெடுத்த யுக்தி இது. தற்போது, பெரும்பாலான பேட்ஸ்மேன்கள் இந்த ஷாட்டை ஆடிவருகிறார்கள். நம் ஊரில் சச்சின் டெண்டுல்கருக்கு அடுத்ததாக இந்த ஷாட்டை கச்சிதமாக ஆடும் வீரர் கெளதம் கம்பீர். 

இதேபோல் ஸ்கூப்பிங் ஸ்லாட், லேப் ஷாட் என நிறைய ஷாட்கள் இருக்கிறது. அவைகளெல்லாம் இதுவரை ஒரேயொரு தடவை கிரவுண்டில் சோதனை செய்யப்பட்டதோடு சரி. இன்னும் பல ஷாட்களுக்கு பெயரே வைக்கலை! குறிப்பாக ஏபிடி வில்லியர்ஸ், இயான் மோர்கன் போன்றோர் ஆடும் ஷாட்களுக்கு...

- ப.சூரியராஜ்

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement