வெளியிடப்பட்ட நேரம்: 12:22 (26/05/2017)

கடைசி தொடர்பு:13:16 (26/05/2017)

சுதிர்மன் பேட்மின்டன் கோப்பை: இந்தியா அதிர்ச்சித் தோல்வி!

ஆஸ்திரேலியாவில் நடைபெற்றுவந்த சுதிர்மன் பேட்மின்டன் போட்டியின் காலிறுதியில் இந்தியா மோசமான தோல்வியைப் பதிவு செய்துள்ளது.

அஷ்வினி பொன்னப்பா

சுதிர்மன் பேட்மின்டன் கோப்பைக்கான காலிறுதிப்போட்டி, இன்று ஆஸ்திரேலியாவில் நடைபெற்றது. இந்தப் போட்டியில், சீனாவுக்கு எதிரான கலப்பு இரட்டையரில் இந்தியா 0-3 என்ற செட் கணக்கில் பரிதாபமான தோல்வியைச் சந்தித்தது. சீனாவுக்கு எதிரான இந்தக் கலப்பு இரட்டையரில், இந்தியாவின் சார்பாக அஷ்வினி பொன்னப்பா- சாத்விக்சாய்ராஜ் ஜோடி போட்டியிட்டது. உலகத் தர வரிசையில் இரண்டாம் இடத்திலுள்ள சீனாவின் லூ காய்- ஹுவாங் ஜோடியை எதிர்கொண்டது. 

முதல் செட்டை, 16-21, 21-13, 21-16 என இழந்த இந்திய அணி, இரண்டாம் செட்டையும் 16-21, 17-21 என்ற கணக்கில் இழந்தது. வெற்றியாலரை நிர்ணயிக்க நடத்தப்பட்ட இறுதிப் போட்டியில், 9-21, 11-21 என்ற மோசமான செட்டுடன் ஆட்டத்தை 0-3 என இந்தியா இழந்தது.

அடுத்தடுத்த போட்டிகளில், பெண்கள் ஒற்றையரில் இந்தியாவின் நம்பிக்கை நட்சத்திரம் பி.வி.சிந்து மற்றும் பெண்கள் இரட்டையர் போட்டிகளும் நடக்க உள்ளது. சுதிர்மன் கோப்பைக்கான போட்டியில் இந்தியாவுக்கான இடம்குறித்து, அடுத்து வரும் போட்டிகள் தீர்மானிக்கும்.