வெளியிடப்பட்ட நேரம்: 15:04 (04/06/2017)

கடைசி தொடர்பு:15:15 (04/06/2017)

#ChampionTrophy: இந்தியா பேட்டிங் - அஸ்வின் அணியில் இல்லை..!

இந்தியா பாகிஸ்தானுக்கு இடையேயான சாம்பியன்ஸ் ட்ராஃபி போட்டியில் பாகிஸ்தான் டாஸ் வென்று முதலில் பந்து வீச்சை தேர்வு செய்தது. 


இங்கிலாந்தில் நடைபெற்றுவரும் 'சாம்பியன்ஸ் ட்ராஃபி' தொடரில் இன்று இந்தியாவும் பாகிஸ்தானும் மோதுகின்றன. இங்கிலாந்தின் எட்க்பாஸ்டன் மைதானத்தில் இந்த போட்டி நடைபெற்று வருகிறது. டாஸ் வென்ற பாகிஸ்தான் அணி முதலில் பந்து வீச்சை தேர்வு செய்துள்ளது. இந்திய அணியின் சார்பில் ரோஹித் சர்மா மற்றும் ஷிகர் தவான் தொடக்க ஆட்டக்காரர்களாக களமிறங்கியுள்ளனர். இந்தியாவின் நட்சத்திர சுழற் பந்து வீச்சாளர் ரவிச்சந்தர் அஸ்வின் இந்த போட்டியில் களமிறங்கவில்லை என்பது குறிப்பிடத்தக்கது. 

முன்னதாக லண்டனில் தீவிரவாதத் தாக்குதல் நடைபெற்றதைத் தொடர்ந்து இந்திய மற்றும் பாகிஸ்தான் வீரர்கள் பர்மிங்ஹாம் நகரத்தில் உள்ள ஹோட்டலில் பத்திரமாக தங்கவைக்கப்பட்டனர். அவர்களுக்கு பாதுகாப்பும் அதிகரிக்கப்பட்டு இருந்தது.