ஆஸ்திரேலிய ஓப்பன் பேட்மின்டன்: காலிறுதியில் பி.வி. சிந்து தோல்வி

சிட்னி நகரில் நடந்துவரும் ஆஸ்திரேலிய ஓப்பன் சூப்பர் சீரிஸ் பேட்மின்டன் தொடரின் காலிறுதி போட்டியில் இந்திய வீராங்கனை சிந்து தோல்வியடைந்தார்.


இன்று நடைபெற்ற காலிறுதிப் போட்டியில், சீன தைபே வீராங்கனை டாய் சூ யிங் -ஐ எதிர்கொண்டார் இந்திய பேட்மின்டன் நட்சத்திரம் பி.வி.சிந்து. கடும் போட்டி நிலவிய இந்த காலிறுதியில், சிந்து போராடித் தோல்வியடைந்தார். 10-21 என்று எளிதாக முதல் செட்டை இழந்த சிந்து, இரண்டாம் செட்டில் கடுமையாகப் போராடி 22-20 என்ற கணக்கில் வெற்றிபெற்றார். வெற்றியாளரைத் தீர்மானிக்கும் மூன்றாவது செட்டில் ஆதிக்கம் செலுத்திய டாய், 21-16 என்று வெற்றிபெற்று, அரையிறுதிக்குத் தகுதி பெற்றார்.

இன்று மாலை நடக்கவிருக்கும் மற்றொரு காலிறுதி ஆட்டத்தில், இந்தியாவின் சாய்னா நேவால், சீன வீராங்கனையை எதிர்கொள்கிறார். முன்னதாக இந்தியாவின் ஸ்ரீகாந்த், காலிறுதியில் வெற்றிபெற்று, அரையிறுதிக்குத் தகுதிபெற்றார் என்பது குறிப்பிடத்தக்கது.  

Do you like the story?

Please Appreciate the Author by clapping!