ஆஸ்திரேலிய ஓப்பன் பேட்மின்டன்! காலிறுதியில் சாய்னா நேவால் தோல்வி

சிட்னியில் நடந்த ஆஸ்திரேலிய ஓப்பன் பேட்மின்டன் தொடரின் காலிறுதிப் போட்டியில் சாய்னா தோல்வி அடைந்தார்.


இன்று நடைபெற்ற காலிறுதிப் போட்டியில் சீன வீராங்கனை  சுன் யு -வை எதிர்கொண்டார் இந்திய வீராங்கனை சாய்னா நேவால். நீயா நானா போட்டி நிலையில் இந்த காலிறுதி ஆட்டத்தில் சாய்னா போராடி தோல்வி அடைந்தார். 17-21 என்று முதல் செட்டை இழந்த சாய்னா, இரண்டாம் செட்டை  21-10  என்ற கணக்கில் கைப்பற்றினார். வெற்றியாளரைத் தீர்மானிக்கும் மூன்றாவது செட்டில் ஆதிக்கம் செலுத்திய சுன் யு  21-17 என்று வெற்றி பெற்று அரையிறுதிக்கு தகுதி பெற்றார். பி.வி.சிந்துவும் இன்று நடந்த காலிறுதியில் தோல்வி அடைந்தார் என்பது குறிப்பிடத்தக்கது. முன்னதாக, இந்தியாவின் ஸ்ரீகாந்த் காலிறுதியில் வெற்றி பெற்று அரையிறுதிக்குத் தகுதி பெற்றார் என்பது குறிப்பிடத்தக்கது.  
 

Do you like the story?

Please Appreciate the Author by clapping!