இன்று துவங்குகிறது மகளிர் உலகக் கோப்பை, இந்தியா- இங்கிலாந்து அணிகள் மோதல்

 ஐ.சி.சி நடத்தும் பெண்களுக்கான உலகக்கோப்பை கிரிக்கெட் தொடர், இங்கிலாந்து மற்றும் வேலஸ்யில் இன்று துவங்குகிறது.  
இந்த உலகக்கோப்பை தொடரில் இந்தியா உட்பட மொத்தம் 8 அணிகள் பங்கேற்கின்றன. 


இன்று தொடங்கி ஜூலை 23-ம் தேதி வரை நடைபெறும் இந்தத் தொடரில் வெற்றி பெற லீக் சுற்று, அரையிறுதி மற்றும் இறுதிப் போட்டி என்று மொத்தம் மூன்று சுற்றுகள். முதல் சுற்றில் ஒவ்வொரு அணியும் மீதமுள்ள 7 அணியுடன் ஒரு முறை மோத வேண்டும். இதில் முதல் நான்கு இடங்கள் பிடிக்கும் அணிகள் அரையிறுதிப் போட்டிக்குத் தகுதி பெறும். 
தரவரிசையில் நான்காம் இடத்தில் இருக்கும் இந்தியப் பெண்கள் அணி மற்ற அணிகளுக்கு கடுமையான சவாலான அணியாக இருக்கும் என்பதில் எந்த சந்தேகமும் இல்லை. மிதாலி ராஜ் பேட்டிங் மற்றும் ஜுலன் கோஸ்வாமி அனுபவ பந்துவீச்சு ஆகியவை  இந்திய அணிக்கு பலமாக பார்க்கப்படுகிறது. 
பெண்கள் கிரிக்கெட்டைப் பொறுத்தவரை, நடப்பு சாம்பியன் ஆஸ்திரேலியா மற்றும் இங்கிலாந்து அணிகள், பலமான அணிகளாக கணிக்கப்பட்டுள்ளது.   
இந்திய நேரப்படி இன்று மாலை 3 மணிக்கு நடைபெறும் போட்டியில் இந்திய அணி இங்கிலாந்து அணியை எதிர்கொள்கின்றது. இரு அணிகளும் தொடரை வெற்றியுடன் தொடங்க கடுமையாகப் போராடும்.

பிரிஸ்டொல் நகரில் நடைபெறும் மற்றொரு ஆட்டத்தில் நியூசிலாந்து அணி இலங்கை அணியை எதிர்கொள்கின்றது.
 

Do you like the story?

Please Appreciate the Author by clapping!