வெளியிடப்பட்ட நேரம்: 10:08 (03/07/2017)

கடைசி தொடர்பு:10:08 (03/07/2017)

இன்று தொடங்குகிறது விம்பிள்டன்... களமிறங்கும் ஜீவன் நெடுஞ்செழியன்!

wimbledon

விம்பிள்டன் டென்னிஸ் போட்டி 2017, இன்று லண்டன் நகரில் கோலாகலமாகத் தொடங்க இருக்கிறது. இன்று தொடங்கி, வரும் 16-ம் தேதி வரை நடக்க இருக்கும் இந்தத் தொடரில், உலகின் முன்னணி வீரர்கள் பங்கேற்க உள்ளனர். சுவிட்சர்லாந்து நாட்டைச் சேர்ந்த உலகின் டாப் வீரர் ரோஜர் ஃபெடரர், பிரிட்டனின் ஆன்டி முர்ரே, செர்பியா நாட்டின் நோவக் ஜோகோவிச், ஸ்பெயினின் ரபேல் நடால் என அதிரடிப்படை களமிறங்குகிறது.

மேலும், இந்தியா சார்பில் சானியா மிர்ஸா, லியாண்டர் பயஸ், ரோகன் போபண்ணா, புரவ் ராஜா, திவிஜ் சரண் ஆகியோரும் பங்கேற்கின்றனர். பெண்கள் இரட்டையர் பிரிவில், பெல்ஜியத்தின் கிர்ஸ்டன் பிலிப்கென்ஸுடன் இணைந்து விளையாடுகிறார், சானியா. ஆண்கள் இரட்டையர் பிரிவில் பயஸ் - கனடாவின் அடில் ஸமாஸ்தின், போபண்ணா - பிரான்ஸின் ரோஜர் வாசலின், புரவ் ராஜா - திவிஜ் ஆகிய இணைகள் பங்கேற்கின்றன.

jeevan

இந்தத் தொடரில், தமிழகத்தைச் சேர்ந்த ஜீவன் நெடுஞ்செழியன் பங்கேற்க இருக்கிறார். அமெரிக்காவின் ஜாரெட் டொனால்டுசன்னுடன் இணைந்து விளையாடுகிறார், ஜீவன். மறைந்த முன்னாள் அமைச்சர் நெடுஞ்செழியனின் பேரன்தான், ஜீவன் நெடுஞ்செழியன்.