விம்பிள்டன் டென்னிஸ் : முதல் சுற்றில் முன்னணி வீரர் அதிர்ச்சித் தோல்வி

விம்பிள்டன் டென்னிஸ் போட்டியில், முதல் சுற்றிலேயே தோல்வியடைந்து வெளியேறினார் வாவ்ரிங்கா.


உலகின் பழைமையான கிராண்ட் ஸ்லாம்  போட்டியான விம்பிள்டன் டென்னில் போட்டிகள், பிரிட்டன் தலைநகர் லண்டனில் நேற்று தொடங்கியது. 131-வது விம்பிள்டன் போட்டியின் முதல் நாளில், ஆண்கள் ஒற்றையர் பிரிவில் டாப் 5 வீரரான வாவ்ரிங்கா, 49 -ம் நிலை வீரரான மெட்வேதேவை எதிர்கொண்டார். இந்தப் போட்டியில், வாவ்ரிங்கா கடுமையா முயன்றும் மெட்வேதேவை தோற்கடிக்க முடியவில்லை. மெட்வேதேவ் 6-4, 3-6, 6-4, 6-1 என்ற செட்களில் வெற்றிபெற்றார். பட்டம் வெல்ல வாய்ப்புள்ளவர்களில் வாவ்ரிங்காவும் ஒருவராகக் கருதப்பட்ட நிலையில், அவர் முதல் சுற்றிலே தோல்வியடைந்து வெளியேறியது அனைவரையும் அதிர்ச்சியில் ஆழ்த்தியது. ஆண்கள் ஒற்றையர் பிரிவின் மற்ற ஆட்டங்களில், நடால், முல்லர், முர்ரே  போன்ற முன்னணி வீரர்கள் வெற்றிபெற்று இரண்டாம் சுற்றுக்கு முன்னேறினர். இன்று நடக்கும் முதல் சுற்றில், புல்தரை நாயகன் பெடரர் ஆட உள்ளார். 

ஆண்கள் இரட்டையர் மற்றும் பெண்கள் இரட்டையர் பிரிவுகளில் நடைபெரும்  போட்டிகள் நாளை தொடங்க உள்ளது. போபன்னா, ஜீவன் நெடுஞ்செழியன், சரண்-ராஜா இணை, பயஸ் என ஆண்கள் இரட்டையரில் மட்டும்  மொத்தம் ஐந்து இந்திய வீரர்கள் கலந்துகொள்கிறார்கள். பெண்கள் பிரிவில், இந்தியாவின் சானியா மிர்சா - ஃப்லிப்கென்ஸுடன் இணைந்து விளையாட உள்ளார்.
 

Do you like the story?

Please Appreciate the Author by clapping!