Vikatan.com

www.vikatan.com would like to send you push notifications.

Notifications can be turned off anytime from browser settings.

ஷேவாக், கெய்ல், அப்ரிடியின் அதிரடியை மீண்டும் பார்க்கலாம்! #T10Cricket

கிரிக்கெட் போட்டிகளை அடுத்த லெவலுக்கு நகர்த்திச் செல்லும் முன்னெடுப்புகளில் ஒன்றாக, பத்து ஓவர்கள் மட்டுமே கொண்ட 'டி-10 கிரிக்கெட்' போட்டித் தொடர் இந்த ஆண்டு இறுதியில் ஐக்கிய அரபு எமிரேட்ஸில் நடக்கவிருக்கிறது. இந்திய கிரிக்கெட் அணியின் முன்னாள் அதிரடி ஆட்டக்காரர் ஷேவாக், வெஸ்ட் இண்டீஸ் அணியின் நட்சத்திர வீரர் கிரிஸ் கெய்ல், பாகிஸ்தான் ஆல்ரவுண்டர் ஷாகித் அப்ரிடி மற்றும் இலங்கை அணியின் முன்னாள் கேப்டனும் விக்கெட் கீப்பருமான குமார் சங்கக்கரா ஆகியோர் இப்போட்டிகளுக்கான பிராண்ட் அம்பாசிடராக நியமிக்கப்பட்டிருக்கிறார்கள்.

T10Cricket

தவிர, நால்வருமே களத்திலும் இறங்கி கலக்க இருக்கிறார்கள். ஆசிய நாடுகளைச் சேர்ந்த பல வீரர்களை ஒருங்கிணைத்து அறிமுக அணிகள் உருவாக்கப்பட்டுக் கொண்டிருக்கின்றன. ஷேவாக், கெய்ல், சங்கக்கரா, அப்ரிடி ஆகியோர் ஒவ்வொரு அணியிலும் இடம்பிடித்து விளையாட இருக்கிறார்கள். பத்து ஓவர்கள், 90 நிமிடம்... என குறுகிய கால கிரிக்கெட் போட்டியான இத்தொடர், நான்கு நாள்களில் நடத்தி முடிக்க திட்டமிடப்பட்டிருக்கிறது.

வருகிற டிசம்பர் இறுதியில் இப்போட்டிகள் நடக்கும். சர்வதேச அளவில் நடைபெற்ற 60 ஓவர்கள் கொண்ட ஒருநாள் போட்டிகள் காலப்போக்கில் 50 ஓவர்கள் கொண்ட ஒருநாள் போட்டியாகவும், 20 ஓவர்கள் கொண்ட போட்டியாகவும் பரிணாமம் அடைந்தது. 10 ஓவர்கள் கொண்ட இந்த போட்டிகள், எதிர்காலத்தில் சர்வதேச அளவிலான 'டி10' போட்டியாக மாறவும் வாய்ப்பு இருக்கிறது.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement