Vikatan.com

www.vikatan.com would like to send you push notifications.

Notifications can be turned off anytime from browser settings.

'அ.தி.மு.க அணிகளை ஆதரிக்க வேண்டிய அவசியம் காங்கிரசுக்கு இல்லை' – நாராயணசாமி

அ.தி.மு.க சட்டமன்ற உறுப்பினர்களை அடைத்து வைத்துள்ளதாக புகார் வந்ததால்தான் அவர்கள் தங்கியிருந்த ரிசார்ட்டில் போலீசார் ஆய்வு செய்தனர் என்று புதுச்சேரி முதல் அமைச்சர் நாராயணசாமி தெரிவித்துள்ளார்.

நாராயணசாமி

எடப்பாடி-பன்னீர்செல்வம் அணிகள் இணைந்ததையடுத்து தமிழக அரசியல் களம் பல்வேறு அதிரடித் திருப்பங்களை சந்தித்து வருகிறது. ஓ.பி.எஸ்-ஈ.பி.எஸ் அணிகளுக்கு எதிராகப் போர்க்கொடி தூக்கிய தினகரன் ஆதரவு எம்.எல்.ஏ-க்கள் அனைவரும் புதுச்சேரி ரிசார்ட்டில் தங்க வைக்கப்பட்டனர். அவர்களுக்கு பலத்த போலீஸ் பாதுகாப்பை அளித்தது நாராயணசாமி தலைமையிலான காங்கிரஸ் அரசு. மத்திய பா.ஜ.க-விற்கு ’செக்’ வைப்பதற்காகத்தான் தினகரன் தலைமையிலான அ.தி.மு.க அணிக்கு நாராயணசாமி ஆதரவு தெரிவிக்கிறார் என்று தகவல் பரவியது. அதேபோல புதுச்சேரிக்கு வந்திருந்த மத்திய அமைச்சர் பொன்.ராதாகிருஷ்ணனும் “காங்கிரஸ் ஆட்சி அ.தி.மு.க-விற்கு ஆதரவாக செயல்பட்டு வருகின்றது” என்று தெரிவித்திருந்தார்.

இந்நிலையில் இன்று காங்கிரஸ் கட்சி அலுவலகத்தில் செய்தியாளர்களைச் சந்தித்த முதல்வர் நாராயணசாமி, ”புதுச்சேரியில் காங்கிரஸ்-தி.மு.க-வின் கூட்டணி அரசு நடைபெற்று வருகிறது. அ.தி.மு.க-விற்கும் எங்களுக்கும் எந்தவிதத் தொடர்பும் இல்லை. புதுச்சேரி ஒரு சுற்றுலா நகரம். அதனால் யார் வேண்டுமானாலும் இங்கு வந்து தங்கலாம். ஆனால், சட்டம் ஒழுங்கு பாதிப்பதாக புகார் வந்தால் கண்டிப்பாக மாநில அரசு நடவடிக்கை. அதேபோல அ.தி.மு.க-வின் எந்த அணிகளையும் காங்கிரஸ் ஆதரிக்காது. அதற்கான அவசியமும் காங்கிரஸ் கட்சிக்கு இல்லை. மேலும் அக்கட்சியைச் சேர்ந்த எந்த அணிகளும் புதுச்சேரி வந்து தங்கலாம். அ.தி.மு.க-வின் உட்கட்சி விவகாரத்தில் காங்கிரஸ்  தலையிடாது. அ.தி.மு.க சட்டமன்ற உறுப்பினர்களை அடைத்து வைத்துள்ளதாக புகார் வந்ததையடுத்தே அவர்கள் தங்கியிருந்த விடுதியில் போலீசார் ஆய்வு மேற்கொண்டனர்” என்றார்.

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement