Vikatan.com

www.vikatan.com would like to send you push notifications.

Notifications can be turned off anytime from browser settings.

"அன்புக்கு நன்றி" - 67 நாட்களுக்கு பிறகு ஓவியாவின் முதல் ட்விட்! #Biggbosstamil

ஒரே டிவிட்டில் அதிரவிட்டிருக்கிறார் ஓவியா. 67 நாட்களுக்குப் பிறகு அவர் எழுதியுள்ள முதல் டிவிட் இது.  நேற்று முன்தின பிக்பாஸில் கமல் நிறையப் பேசினார். நிறையக் கோபமும்பட்டார்.  விமர்சனம் செய்பவர்கள் நாகரீகத்துடன் விமர்சனம் செய்யவேண்டும் என்றும் கேட்டுக்கொண்டார். இந்நிலையில் நேற்று முதல் ஆர்த்தியும் ஜூலியும் மீண்டும் பிக்பாஸ் வீட்டினுள் நுழைந்துள்ளனர். ஓவியா அளவிற்கு இல்லையென்றாலும் முதல் முறையாகப் போனவர்களில் ஓரளவுக்கு இளைஞர்களிடம் செல்வாக்கு பெற்றிருந்த ரைஸாவும் ஞாயிறன்று வெளியேறிவிட்டார். இதனால் பிக்பாஸ் வீட்டில் இருந்த அட்ராக்சன் மொத்தமும் போய்விட்டது போன்ற ஃபீல் உருவாகி இருந்தது.  புதிதாக உள்ளே வந்த ஆர்த்தியும் ஜூலியும் அவர்கள் குறித்த வெளியுலகின் கருத்துக்களை அறிந்து கொண்டும், அவர்கள் உள்ளே இருந்தவரை எப்படி தங்களை வெளிப்படுத்தினார்கள் என்பதையும் முந்தைய விடீயோக்களில் பார்த்து விட்டும் உள்ளே சென்றுள்ளார்கள். எனவே அவர்கள் முன்பு இருந்த குணங்களுடன் இனிமேல் இருக்கமாட்டார்கள் என்பது உண்மை. 

ஓவியா

இவை ஒருபக்கம் நடந்து கொண்டு இருந்தாலும் 67 நாட்கள் கழித்து ஓவியா தனது டிவிட்டர்தளத்தில் ஒரு கீச்சு எழுதியுள்ளார்.  அந்த டிவிட் வெளியான 5 மணி நேரத்தில் 10 ஆயிரம் ரீடிவிட்கள், 32 ஆயிரம் லைக்ஸ் என அதிரி புதிரி அடித்துள்ளது. அதில் அவர் " உங்கள் ஒவ்வொருவரிடம் இருந்தும் கிடைத்த  அன்பை விவரிக்கச் சொற்களே இல்லை. நான் ஆசிர்வதிக்கப்பட்டதாக உணர்கிறேன். உங்களின் அன்புக்கு நன்றியுடனும் பொறுப்புடனும் இருப்பேன்" என்று நெகிழ்வான கீச்சினை எழுதியுள்ளார் ஓவியா. 

பல்வேறு இடங்களில் அவர் தோன்றும் வீடியோக்களும், செல்பிக்களும் வெளியாகி வந்தாலும் பிக்பாஸில் இருந்து வெளியேறிய பின் அவர் அதிர்காரப்பூர்வமாக எழுதும்  முதல் டிவிட் இது. தொடர்ந்து தன் ரசிகர்களுடன் அவர் பேசுவார் என்று தெரிகிறது.   
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement