Vikatan.com

www.vikatan.com would like to send you push notifications.

Notifications can be turned off anytime from browser settings.

13 நாள்களுக்குப் பிறகு உண்ணாவிரதத்தைக் கைவிட்டார் முருகன்!

முருகன்

 டிஜிபி-யின் ஆலோசனையை ஏற்று 13 நாள்களுக்குப் பிறகு, உண்ணாவிரதத்தை முருகன் கைவிட்டுள்ளார்.

1991 மே 21-ம் தேதி, பிரதமர் ராஜீவ் காந்தி, மனிதவெடிகுண்டு மூலம் சென்னையில் படுகொலை செய்யப்பட்டார். இந்தச் சம்பவத்துக்கு, விடுதலைப்புலிகள் அமைப்பின் மீது குற்றம் சாட்டப்பட்டது. மேலும், பேரறிவாளன், நளினி, சாந்தன், முருகன் போன்றோர் கைதுசெய்யப்பட்டு சிறையில் அடைக்கப்பட்டனர்.

இந்த வழக்கிலிருந்து ஏழு தமிழர்களை விடுதலை செய்ய வேண்டும் என்று தொடர்ந்து ஆதரவுக் குரல்கள் எழுந்துவருகின்றன. இந்நிலையில், வேலூர் சிறையில் 26 ஆண்டுகளாகத் தண்டனை அனுபவித்துவரும் முருகன், ஜீவசமாதி அடைய அனுமதி கோரி, ஏ.டி.ஜி.பி-க்கு மனு அளித்தார். மேலும், இதுதொடர்பாக, பிரதமர் மோடிக்கும் முருகன் கடிதம் எழுதியிருந்தார். இதையடுத்து, கடந்த 18-ம் தேதியிலிருந்து அவர் தொடர்ந்து உண்ணாவிரதம் இருந்துவருகிறார். அதிகாரிகள் பேச்சுவார்த்தை நடத்திய பிறகும், சிறை விதிகளை மீறி அவர் தொடர்ந்து உண்ணாவிரதம் இருந்துவருகிறார்.

இந்நிலையில், மருத்துவர்களின் ஆலோசனை மற்றும் டிஜிபி-யின் ஆலோசனை ஆகியவற்றின் காரணமாக தன்னுடைய உண்ணாவிரதத்தைக் கைவிடுவதாக முருகன் அறிவித்துள்ளார்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement