ஜாக்டோ - ஜியோ போராட்டம்! திருப்பூரில் 2,500 அரசு ஊழியர்கள் கைது!

புதிய ஓய்வூதியத்தை ரத்துசெய்து பழைய ஓய்வூதியத் திட்டத்தை அமல்படுத்த வேண்டும் உள்ளிட்ட பல்வேறு கோரிக்கைகளை முன்னிறுத்தி தமிழகம் முழுவதும் ஜாக்டோ- ஜியோ கூட்டமைப்பு சார்பாக அரசு ஊழியர்கள் தொடர் வேலைநிறுத்தப் போராட்டத்தை நடத்தி வருகின்றனர்.

அதனடிப்படையில் திருப்பூர் மாவட்டத்தில் பணியாற்றும் அரசு ஊழியர்கள் மற்றும் ஆசிரியர்கள் என ஜாக்டோ-ஜியோ கூட்டமைப்பைச் சேர்ந்த உறுப்பினர்கள் திருப்பூர், அவிநாசி, காங்கேயம், உடுமலை, தாராபுரம் என மாவட்டத்தின் பல்வேறு இடங்களில் ஆர்ப்பாட்டத்தை நடத்தி வந்தனர். இந்நிலையில், கடந்த சில தினங்களாக திருப்பூர் மாவட்ட ஆட்சியரகத்தின் முன்பாக ஆர்ப்பாட்டத்தை தொடர்ந்து நடத்தி வரும் ஜாக்டோ - ஜியோ கூட்டமைப்பினர், தங்களின் கோரிக்கைகளை வலியுறுத்தி இன்றைய தினம் மாவட்ட ஆட்சியரக வளாகத்தின் முன் சாலை மறியலில் ஈடுபட்டனர்.

இதனால் திருப்பூர் - பல்லடம் சாலையில் மிகக் கடுமையான போக்குவரத்து நெரிசல் ஏற்பட்டது. பின்னர் போலீஸார் குவிக்கப்பட்டு மறியலில் ஈடுபட்ட ஜாக்டோ - ஜியோ கூட்டமைப்பைச் சேர்ந்த 1400 பெண்கள் மற்றும் 900 ஆண்கள் என மொத்தம் 2400 பேரை கைதுசெய்து அருகில் உள்ள மண்டபங்களில் தங்கவைத்தனர்.

Don't miss this

Do you like the story?

Please Appreciate the Author by clapping!