`டெங்கு பாஸ்கர் மீது நிலுவையில் இருந்த வழக்குகள் என்னாச்சு?' - மு.க.ஸ்டாலின் பாய்ச்சல்

தமிழக எதிர்க்கட்சித் தலைவரும் தி.மு.க. செயல் தலைவருமான மு.க.ஸ்டாலின், இன்று அவரது சொந்தத் தொகுதியான கொளத்தூருக்குச் சென்று பல இடங்களில் ஆய்வுமேற்கொண்டதோடு, நலத்திட்டங்களையும் தொடங்கிவைத்தார். 

மு.க.ஸ்டாலின்

பின்னர் செய்தியாளர்களைச் சந்தித்த அவர், `ரயில்வே மேம்பாலப் பணிகளை விரைந்து முடிக்குமாறு ரயில்வே துறையினரிடம் கேட்டுக் கொண்டுள்ளேன். இதுவரை என்ன நடந்தது என்பதுகுறித்தும் ஆய்வு நடத்தினேன். ஜி.கே.எம். காலனியில், தொகுதி மேம்பாட்டு நிதியில் இருந்து குடிநீர் சுத்திகரிப்புக்கான இயந்திரம் பொருத்தப்பட்டுள்ளது என்றவரிடம், உள்ளாட்சித் தேர்தல்குறித்து கேள்வி எழுப்பினர், `ஏறக்குறைய ஓராண்டாக உள்ளாட்சிப் பிரதிநிதிகள் இல்லை. என் தொகுதிக்கு மட்டுமல்ல, மொத்த மாநிலத்துக்கும் அதேதான் நிலைமை. இதுவரை அதற்கான பணிகள் மேற்கொள்ளப்படவில்லை என்பது வேதனைக்குரியது. இதனால்தான், பருவமழை தொடர்பான பணிகள் முடுக்கிவிடப்பட வேண்டும் என்று அரசுக்கு கோரிக்கை வைத்துள்ளேன். இருப்பினும் தி.மு.க-வினர் முன்னெச்சரிக்கை நடவடிக்கையில் ஈடுபடுங்கள் என்றும் அறிவுறுத்தியுள்ளேன். இந்த அரசை பிரயோஜனமில்லை' என்றவரிடம்,

 `இரட்டை இலைச் சின்னம் அளிக்கப்பட்ட பிறகுதான் ஆர்.கே.நகரில் இடைத்தேர்தல் நடத்தப்படும் என்று கூறப்படுகிறதே' என்று நிருபர் ஒருவர் கேட்ட கேள்விக்கு, `அப்படி நடந்தால் அதைவிட ஒரு ஜனநாயகப் படுகொலை இருக்க வாய்ப்பே இல்லை. முன்னர் 89 கோடி ரூபாய் பணப்பட்டுவாடாவில் ஈடுபட்டதால்தான் தேர்தல் நிறுத்திவைக்கப்பட்டது. அப்போது அ.தி.மு.க-வினர் பலர் மீது வழக்குப் பதிவு செய்யப்பட்டது. அதுகுறித்து இன்றுவரை எந்த முடிவும் தெரியவில்லை. குட்கா பாஸ்கர்... மன்னிக்கணும் டெங்கு பாஸ்கர் உள்பட பலர் மீது வழக்குகள் நிலுவையில் உள்ளனவே' என்று கருத்து தெரிவித்தார். 

Do you like the story?

Please Appreciate the Author by clapping!