வெளியிடப்பட்ட நேரம்: 09:10 (06/11/2017)

கடைசி தொடர்பு:10:10 (06/11/2017)

கருணாநிதியைச் சந்திக்கும் பிரதமர் மோடி!

சென்னை வரும் பிரதமர் மோடி, தி.மு.க தலைவர் கருணாநிதியைச் சந்தித்து நலம் விசாரிக்க இருக்கிறார். 

சென்னை பல்கலைக்கழக நூற்றாண்டு விழா அரங்கத்தில், இன்று நடைபெறும் தினந்தந்தி நாளிதழின் பவளவிழாவில் பிரதமர் மோடி கலந்துகொள்கிறார். இதற்காக, தனி விமானம் மூலம் சென்னை வரும் மோடி, தினந்தந்தி நாளிதழின் பவளவிழா மலரை வெளியிட இருக்கிறார். மேலும், ராஜா அண்ணாமலைபுரத்தில் உள்ள மேயர் ராமநாதன் செட்டியார் திருமண மண்டபத்தில் நடைபெற உள்ள, பிரதமர் அலுவலகத்தில் பணிபுரிந்த தமிழகத்தைச் சேர்ந்த ஐ.ஏ.எஸ் அதிகாரி டி.வி.சோமநாதனின் மகள் திருமண விழாவில் பங்கேற்கிறார். பிரதமர் வருகையையொட்டி சென்னை முழுவதும் பாதுகாப்பு பலப்படுத்தப்பட்டுள்ளது. 

 சென்னை வரும் பிரதமர் மோடி, தி.மு.க தலைவர் கருணாநிதியைச் சந்தித்து உடல்நலம் விசாரிக்க இருக்கிறார். இந்தச் சந்திப்பை பா.ஜ.க தமிழகப் பொறுப்பாளர் முரளிதர் ராவ் ட்விட்டரில் உறுதிசெய்துள்ளார். சென்னை கோபாலபுரம் இல்லத்தில், நண்பகல் 12.30 மணிக்கு இந்தச் சந்திப்பு நடைபெறும். உடல்நலக் குறைவால் கடந்த ஓராண்டுக்குப் மேல் கருணாநிதி ஓய்வெடுத்துவருகிறார்.